十十四川料理 (已結業)

之前經過Yoho 留意到一間環境好靚嘅餐廳一直bookmark 住，今日終於有機會試吓呢間川菜餐廳户外座位環境優美，靜中帶有舒適既feel.每張枱都有一把大陽傘遮蔭，唔怕太陽又唔怕落雨。餐廳入面裝潢時尚簡約，位置非常寬敞舒適，樓底極高配有吊燈有氣派，播住較young 既流行歌，氣氛好，聚會傾計一流老壇酸菜魚$198當然要試吓呢度嘅招牌菜。值得一讚嘅係呢度嘅酸菜魚魚肉特別嫩滑，好似豆腐咁滑。配菜有薯粉芽菜雜菌等，湯底酸辣中帶有花椒油既香氣，愈食愈停唔到口紅燒乳鴿$68好有驚喜隻乳鴿燒到香氣撲鼻，皮脆肉嫩，味道唔會太鹹，味道真係剛剛好，唔會有油膩嘅感覺，完全想encore 多一隻花雕醉雞$78花雕酒味特濃，雞件尚算鮮嫩，味道唔錯胡椒沙白娃娃菜湯$88湯底好正，胡椒味唔會過重，連埋沙白同菜煮更顯鮮甜又夠暖胃，沙白無沙之餘又幾肥美，菜自然夠淋又甜農家炒米粉$88炒蛋生菜香蔥蘿蔔絲份量唔少，米粉鹹香中帶有微微香辣，食得過癮Blue Summer$62顏色鮮艷，味道可以

入到元朗 無啦啦口痕晚餐想食啲開胃既野食 見到呢間十十四川料理有酸菜魚食 正阿😍同普通四川餐廳唔一樣 呢間餐廳就咁睇都唔似食川菜 似西餐廳多啲 有户外座位可以坐 雖然燈光較暗 但氣氛夠晒浪漫 不過我地都係選擇坐係室內 光猛舒適 而且空間感都夠晒 唔會覺得迫❤️‍🔥 《老壇酸菜魚 💸$298》因為有四個人食 所以我地叫左大份既酸菜魚 小辣 辣度適中 但酸味可以更多 魚片鮮嫩冇骨啖啖肉 厚身唔易散 份量亦都唔少少 配料有豆芽菜 萵荀片 菇 薯粉 🍲薯粉幼身偏軟 對我黎講太淋 夾起易散不過算掛湯 但我都係中意寬薯粉多啲🤪❤️‍🔥《乾煸四季豆 💸$88》四季豆爽脆入味 有花椒香 但整體偏鹹 餸飯食比較好 ❤️‍🔥《黑糖糍粑 💸$68》炸得好脆口 外脆內軟 十分煙韌 配埋淡淡黑糖香 唔會過甜 好好食😋❤️‍🔥《芒果百香果蘇打 💸$42》飲品一般 都係芒果百香果糖水溝出黎 太甜 唔特別 想像到既味道 📍十十四川料理元朗元龍街9號形點一期地下G005號舖

🐷呢排決心要減肥但約左食大餐所以要同教練懺悔先😣今日行行下街.適逢白色情人節..見到有間餐廳好有情調所以二話不說拉左男朋友入去食😂餐廳雖然主打四川菜但裝修非常有西式奢華既感覺座位好闊落.而且有戶外座位.夜晚食別有一番風味…另外會收$10一位茶位.係麥茶黎.非常解膩！招牌老壇酸菜魚（例牌$198）叫得招牌就代表味道一流份量非常多.適合二至三個人湯底入口酸又香.完全唔會咸魚用了鱸魚.所以完全無骨.而且又滑又鮮甜.唔會有腥味.夾起亦唔會散開配菜有萵筍，菇，芽菜，薯粉薯粉超好食.有咬口但淋身.真係越食越停唔到口😳😳😳鎮江肴肉（$68）江蘇鎮江名菜一層豬皮一層蹄肉配上黑醋食落無油膩感乾扁四季豆（$78）四川名菜四季豆配上豬肉和紅辣椒非常開胃辣子雞（$128）雞肉加乾辣椒配上多種調味咸咸香香.雞肉外脆內嫩麻辣爽口十十招牌雞翼（$68）炸雞翼.我鐘意食十十非常貼心單骨雞翼.嘴細都唔怕…而且皮唔厚.無油膩感一次食幾隻完全無問題總括黎講.性價比算高品質對得住價錢大時大節絕對值得黎浪漫一番

見到呢間新派川菜，一直都想試吓佢嘅酸菜魚！🔹老壇酸菜魚 $188 （例，可追加兩款配料，$18一款）老壇酸菜魚嘅魚肉新鮮，數量正常，食落都嫩滑。成碗都有好多薯粉同菇，但酸菜比較少。湯底味道偏向酸甜，個人認為辣度可以重少少，食落會比較惹味！今次仲追加左兩款配料，揀左鴨血同埋凍豆腐！凍豆腐吸曬酸菜魚嘅湯汁，係必選嘅配料。🔹神勝風沙單骨雞翼 $78炸到脆卜卜嘅蒜粒配上香脆脆單骨雞翼，真係幾好食！如果配上啤酒，感覺會更好！ 呢間餐廳仲有happy hour （3-7PM)啤酒供應，Hoegaarden 250ml ($50)/500ml ($70)。總結：另收茶芥，餐廳價錢少貴，裝修不錯，但個人認為可以有更好的選擇！