銓滿記餐廳小廚 (已結業)

今日夜晚又凍返少少即刻想食個暖笠笠既煲仔飯！諗起煲仔飯就一定會去銓滿記已經唔係第一次喺呢度食每次都會叫個金銀蒜粉絲開邊蝦煲仔飯🍤🍤跟個足料老火湯！好甜好好飲金銀蒜粉絲開邊蝦煲仔飯好好味，飯焦好正份量好大份，每次都食唔晒啲飯🍚🍚煲仔飯餐跟埋油菜雖然佢既價錢唔算太平，但係味道好，選擇都算多而且份量足夠，服務態度亦都好好都見到好多遊客專程嚟呢度食食完仲有獎抽今日好好彩，抽到炸鴿一隻又有籍口下次再嚟食過😁

煲仔飯食得多數係臘腸排骨，雞，白蟮等等。今次朋友帶我嚟試特別既海鮮煲仔今。我哋一人一個煲套餐連老火湯油菜抵食。老火湯足料冇味精仲要原盅上。正。豉汁聖子粉絲，原先擔心粉絲會過硬唔夠味等，但嚟到只係加小許豉油即可。 豉汁配粉絲一流聖子新鮮不過得兩隻，飯都乾身有飯焦。另外一個煲就金銀蒜粉絲扇貝，有3大粒新鮮扇貝同樣新鮮美味。兩者較喜愛豉汁。如不喜愛海鮮普通臘腸煲仔飯都有

見報紙又有新餐廳推介，便走入去試試紅燒翅價錢ok，又見枱面有西餐有蝦推介，朋友又想食扒便叫了個什扒拼蝦的餐。那個西餐有湯和飲品附送，而翅餐只有飲品，不可轉湯。那個附送的湯我們記了中湯，味道不錯又沒甚麼味精，而且足料，抵飲。而跟著來的那個扒餐，就真的太失望了，雖然賣相不錯，而且是用薯角，而蝦是芝士炸蝦來的，但不知是否沒甚麼人叫，好像啲料雪了很久般，一陣雪味，好心不好的東西，便不要貼在枱面那麼大隻和推介啦，這個簡直叫我後悔進來。好在跟著推介的紅燒翅不錯，雖然翅味不太足，但份量不少，而且味道不錯，還有炒飯配，如果可以有多個老火湯送就更好啦。那裏的侍應不錯，不過雖然佢地好勤力抺枱，但係不知是否男生的關係，抺完後仍看不見枱面有粒飯在枱上，真的要好好驗驗眼。下次一定要試煲仔飯，我看見鄰桌的好吸引，而且啲料可以有很多選擇。