金麥泰泰國菜館

营业中

休息中

呢間泰國菜真係由細食到大， 屋企人都係最鍾意幫襯呢一間。老闆每日都親力親為，就係確保菜式的品質。朋友準備移民，今日去九龍城食泰國菜再行下街。我哋兩個都係食肉獸，梗係要個老虎笑$108 一大碟牛肉，切成幼條，點泰式醬汁，牛肉燒得好香 ，肥瘦均勻 ，好快就成碟清曬。另外再叫生菜包，酸酸辣辣，生菜都畀好多非常大方。泰式乾炒蝦河 $58 呢個價錢大大碟真係好滿足，又夠鑊氣 。 另外加啲蔬菜泰式炒椰菜。呢款椰菜苗喺街市都比較少有。 整體上我哋都好滿意， 中午時間人流好旺。

今日去左九龍城揾食，九龍城出名最多泰國野。所以今次都揾左間泰國野食。不過我地今次去食野既時間早左，仲有午餐食，所以就嗌左一個午餐SET同埋一碟牛肉。午餐泰式香葉肉碎炒飯$40+$25加配小食（酸辣鳳爪），跟湯／西米露／飲品睇到個價錢都已經冇得輸，再試埋個飯，都係好高質，果然係好地道。炒飯偏甜，有少少辣，份量，配料都算多，唯一可以彈既就係有Ｄ多油。跟餐加左個25蚊既酸辣鳳爪，以為會好少，但點知都幾多，味道都係正常，有Ｄ洋蔥配料。野飲我地揀左熱龍眼茶。泰式老虎笑$98另外我地都嗌左個小菜，個名好得意，原來係燒牛肉黎，大約７成熟左右，食落都重牛味而且一Ｄ都唔硬，好淋好好味。呢個質素用呢個價錢係出面真係未必食到。另外呢到晚市有做緊消費滿$200可以加一蚊換當日食品，但我地因為嗌左Lunch Set就唔計落消費額。整體黎講真係好抵，仲要唔洗加一，不過唔知係唔係平日所以唔洗加一，如果有興趣去食就要留意下。。評分：5/5好味：4.5/5性價比：5/5

每星期都要吃冬蔭功的朋友生日，當然要到她的飯堂慶祝。我自己反而第一次食呢間「金麥泰」，出奇的好味道，一定會再來！先來兩個前菜「生蝦刺身」和「鳳爪」，做得出泰菜應有的水準，在等齊人時段食住等最啱！比生日蛋糕更重要的「冬蔭功湯」朋友讚不絕口，我喝了一碗果然是喜出望外。原隻大頭蝦熬湯，鮮甜香濃，香而不辛辣，每一口都有層次，而且非常足料！炭燒肉類首推「老虎笑(燒牛肉)」，肉質鮮嫩，外層香脆，端上來已聞到炭燒香味，7成熟的半生熟牛肉內裡Juicy，比西餐的牛扒更好吃！「燒豬頸肉」也非常出色，外脆內軟，最重點是汁料香濃，不太咸，調味剛剛好！壓軸的是「咖哩蟹」配「蒜蓉包」，肉蟹非常新鮮，口口鮮甜，咖哩並不是很辣，反而很夠香，也不會很油膩，配脆口「蒜蓉包」一流！唔夠飽再點一個「泰式併盤」包羅萬有，全部香口小食，芋絲卷，蝦餅，蝦卷，魚餅，香葉雞，好味肥美，減肥者不宜。