宜家家居美食站

营业中

休息中

今日專程同老公嚟到銅鑼灣宜家傢俬，為咗搵一個合適新屋嘅櫃。行咗一個圈之後終於搵到一個啱心水嘅櫃，同埋買咗一啲添置嘅家庭用品！始終本身屋都係又緊張又興奮，特別肚餓😂。比完錢之後想返去第一層，老公見到小食部都忍唔住話不如食返個熱狗，醫下個肚！食宜家傢俬呢個熱狗最開心係芥茉醬同番茄醬可以自己加幾多就幾多！我鐘意佢熱辣辣香香脆脆！而且仲係單骨，食嘅時候10分方便。最啱懶人！經典嘅瑞典肉丸係必食架！最鐘意佢個紅莓醬，酸美美咁好開胃，同個肉丸有好夾！再食多幾粒😝

經濟實惠之選，熱狗餐去完𠊙傢行完當然要食番小小野充飢，當然要叫呢個熱狗套餐，10蚊，一隻熱狗加一杯野飲(可再飲), 基本上搵唔地方平得過呢度，circle k 都要成12蚊個熱狗，呢度仲要包野飲，真係好難得👍由於個陣太肚餓無影到相，sorry 😭🙈😭🙈😭個到環境唔同沙田，係無得坐，得一個好細既企bar位比人食，所以大部分人買完就走，當時星期六行完都九點半，都仲好多人買，熱狗都仲係好暖，賣相就要靠自己，因為醬係自己整上去，野飲連冰都係自助形式。最後再叫左個端典肉圓，9蚊有5粒。先講賣相，個盒好精緻，覺得放肉丸實在哂左，細細盒，肉丸係好足料，唔似平時食開啲丸粉粉地，佢地係好足料所以一個人食五粒絕對飽過食熱狗。下次經過當然會再幫襯，一路都覺得佢地公司呢個食物部真係好貼心，行左咁耐揀傢私有個地方食小食，又平又美味，正

差不多8:30PM, 未食晚飯, 一個人唔知食咩好, 心思思去宜家食肉丸。仍然係咁多人。食物：$9/5粒肉丸 X 2：次次去ikea必食的, 之前常去kln bay果間, 有得位, 舒服好多。呢度比較細、比較"快", 所以staff一早已經將D肉丸5粒5粒咁擺咗在紙盒仔, 唔同kln bay咁, 客人要幾多就"不"幾多。所以我有2盒肉丸。肉丸仍然好味, 好juicy。$9/3隻黑糖雞亦 X 2：同肉丸情況一樣, 所以我有2盒雞亦。雞亦細細隻, 都幾入味, 不過佢叫黑糖雞亦, 個人覺得似豉油雞亦多D。汽水 $7因為平、味道好, 而日日都咁多人的CWB宜家, 唔知有無考慮個cafe整到好似kln bay、shatin咁, 比人坐得舒舒服服呢....

尋日(5-12-2010 Sun)同男友去宜家傢俬睇o野,o黎到都12:00pm左右,先補充體力啦,我o地就食熱狗啦,買o左兩個$10.00o既熱狗套餐同一個$9.00五粒o既肉丸.畀o左錢後,就攞到一小盒肉丸同兩個紙杯,然後就攞兩隻冇醬熱狗.咁我去斟汽水,斟完想為熱狗加醬,兩部茄汁機得一部work.加好醬就食喇.熱狗其實平平無奇,黃芥辣微辣.而肉丸呢,男友第一次食大讚好好食,我就覺得OK o既,因為佢o既口感唔係死實,鬆鬆地囉.服務:收錢o個位麻麻地,冇笑容亦一個字都冇講,幾錢,唔講,更惶論’多謝’二字.職權睇住一部茄汁機唔work都唔整,呢啲服務………無言啦.