Simplylife Bakery Cafe

营业中

休息中

好耐無嚟食喇 而且今次係第一次係沙田呢間食 嗯....下午五點鐘就開始排隊喇 真係好鬼死誇張 好鬼死多人 唉 都排咗成一個小時至入得！而且用餐時間仲要得個半鐘 ........唉

上次黎食過覺得幾好食, 所以今次帶埋朋友黎試, 平日ge晚上都係好多人, 6:45hr 黎到等左45分鐘終於有位. 今次試左虎蝦扭扭粉同肉眼扒. 本身想跟set但係飲品無得轉熱飲, 令人有點失望. 虎蝦扭扭粉叫人失望, 得幾隻細細ge蝦球, 味道不錯ge, 蕃茄味香濃, 但只係一個普通ge蕃茄汁扭扭粉, 份量又小, 無咩特別, $138唔係幾抵. 相反, 呢份肉眼扒為今餐挽回不少分數. 叫左5成熟, 肉質嫩滑而且好有牛味, 好食! 十分喜歡佢ge配菜薯條, 好香好好食, 醬汁係蛋黃醬, 幾特別, 不過個人都係中意原汁原味多d.食完2個主菜都唔係太飽, 所以叫左2件cake, 芒果拿破崙同香橙朱古力tart. 我同朋友一致認為芒果拿破崙好好食, 酥皮香脆而入面ge吉士唔漏, 如果多番d芒果會更好.而香橙朱古力tart十分濃朱古力味, 配埋香橙好夾, 令佢無咁漏, 不過香橙太小, 個tart都幾滯, 2個人share剛剛好.總括黎講, 食過2次覺得呢度ge扒同dessert值得一試, 不過pasta就太普通了.