迷湯肉骨茶專門店

营业中

休息中

開心星期五，午飯時間搭叮叮從北角春秧街到鰂魚涌海堤街約8分鐘地址唔難搵，一街道都係迷你餐廳，未打開門既一刻都唔知道原來入面只可以坐8個人，得2張4人枱。幸好，一行四人等一陣就有位。餐牌選擇唔多，印象中有肉骨茶，可揀排骨/ 軟骨，亦有叻沙。不過我唔食得辣，所以只有肉骨茶餐選擇。肉骨茶餐包括：白飯一配/油炸鬼/肉骨茶/排骨2件/ 鼓油排骨好林好入味，肉骨茶第一啖既藥材味都幾濃，好似飲緊中藥涼茶咁，過後有小許回甘感，之後愈飲愈好味。我會將油炸鬼同排骨浸濕小小再配白飯食，排骨雖然只有兩件，不過啖啖肉，女仔黎講食晒飲晒都幾飽。順帶一提，呢間餐廳好似淨係開星期一至五 12點至3點，大家要睇好日子時間，唔好換門釘。