冬蔭公公 (已結業)

今日同fd行開沙田去搵下野食,又唔想食啲大路野就搵到呢間食東南亞野既鋪頭,之前試過將軍澳中心分店ok, 所以就揀呢間, 間野望落都好清潔衛生環境氣氛唔錯。咁岩之前去完馬來西亞食完當地既肉骨茶,見到呢到有得食於是想試下同當地既有咩唔同,就叫咗個黎試下,一到枱就驚訝緊, 望落好多料，唔似馬來西亞咁得啲肉，又豆卜又腐竹咁完全系吸哂啲肉骨茶落去。試一啖就覺得無馬來西亞既咁濃藥材味, 個味道算唔錯啲肉又好冧, 就算無牙既都食到 ,整體唔錯。飲品就點咗杯鹹青檸梳打黎試下, 杯野望落有兩舊野,鹹鹹地又唔會話太甜又有啲氣,唔鍾意甜既可以試下呢杯幾好味。