士林台灣小吃 (已結業)

上星期日晚經過元州邨搵食，行過商場門口電梯旁見到「士林」招牌，過去睇原來專賣台灣掃街嘢食，咁啱上兩個月去完台灣旅行，即刻回味吓 ！款式上都係大路嘢，大雞排、麵線都有，2個人叫咗份雞排、麵線、地瓜條、甜不辣、肉鬆蛋餅同2杯蜂蜜0檬，合共$146，每人$80唔使食到反艇！味道方面，整體同夜市食嘅冇乜大分別，風味跟足！炸物一樣油膩同野味，間鐘食吓都幾過癮，不過日日食肯定出豆豆 。整體上各樣食物都有台仔夜市風味，而且價錢合理，但建議好似行夜市咁即買即食，先至最好味。

返工放LUNCH 經過見到不禁回味當初係台灣食過既小吃即刻停低睇下有啲咩食最後決定.......咩都試下價錢抵 性價比亦高下次再經過一定會再試無諗過係香港都可以用到咁平既價錢食到呢啲小食!!

專賣台灣士林地道小吃的小店，沒有位子只能外賣，但還是抵擋不了香氣買了幾款回家嚐嚐。超大雞排真是超大的一塊，粉漿不厚，雞肉結實，炸起熱辣辣很香脆。甜不辣甜不辣這名字很有趣，其實是炸海鮮條，口感像年糕一樣QQ的，又像糯米，口感相當複雜，哈哈，喜歡煙韌口感的可以嚐嚐。炸地瓜條眾多小吃中最喜歡這個，地瓜很甜，份量亦很多，炸得還好不會滿口油。配上甘梅粉很醒胃。肉鬆蛋餅就像台灣的蔥抓餅，加了雞蛋和很多很多的肉鬆還算不錯，略嫌薄餅皮太乾，蛋不夠濕潤。蚵仔面線看到湯的顏色便會知道是很惹味的一碗，麵的掛湯能力很好，味道較台灣重，若蚵仔份量多點會更滿足。總括小吃份量很足，味道還好，但當然沒台灣地道的好吃。突然想吃點台灣小吃，炸地瓜、雞排和蚵仔麵線還是不錯的。