錦麗 (大埔超級城C區)

营业中

休息中

越式牛肉粉有好多間，來自胡志明市嘅錦麗近年喺香港都佔一席位。 🍜基本上每次都係食「胡志明綜合粉」，一碗粉有齊幾樣野，生牛肉、熟牛肉同埋牛丸。至於要河粉定金邊粉就因人而異，我多數都係揀河粉。食之前要先飲一啖清甜嘅牛肉湯，湯底係一碗粉嘅靈魂。然後再視乎個人味加入辣椒、芽菜、九層塔、青檸汁等等。 🍤套餐嘅話仲有小食，都係經典嘅越式蔗蝦。蝦滑帶有少少甘蔗嘅香甜，可以中和一下油膩感。 🍹飲品方面通常都係鹹檸七，不過今次我就叫左三色檸檬可樂（檸檬、青檸同埋鹹檸）。

兵仔我本人係好中意食河粉，由其係越南嘅pho，呢間錦麗係香港都有唔少分店，當時係大埔啱啱開個陣，真係要排成個鐘，宜家都經常坐無虛席，因為佢真係出色我已經多次同我嘅娘娘一齊做回頭，每次我都係食綜合粉，生熟牛肉都幾嫩口，我最中意就係佢嘅牛丸，一咬落去肉汁爆曬出嚟，加上濃郁嘅湯底，同埋滑身嘅薄河粉，配合得天衣無縫我會將佢比個碗配菜加曬落去，而辣椒就食到一半先落。另外佢嘅牛油雞翼熱辣辣咁上個陣都非常香牛油味，入面都炸得好嫩