傲嚐 (已結業)

聽朋友介紹荃灣有間工廈海鮮私房菜, 剛巧上星期屋企人生日, 一行七人訂了六點鐘晚飯 ，位於工廈四字樓電梯直達，到齊人即上菜.先來一個胡椒豬肚湯，湯料十足 ，香氣撲鼻 ，入口不會太辣， 而且份量足夠每人兩碗有多， 好飲. 冰鎮鮑魚~ 新鮮, 肉厚 配日式醬油芥末 ,好滿足啊~最令人回味的 豉油皇大蝦碌~ 一上枱全枱人都大讚" 好香呀" size 如一隻小型雞髀咁大, 非常入味, 超正!!!就連上湯浸菜~ 都絕無欺場 ,清甜爽嫩. 雖然大家已吃得非常開心, 但胃口開了我們還加了一個臘味糯米飯~ 同樣足料，使全餐飯畫上一個完美句號^^ 

男朋友生日既難題係佢想食上湯龍蝦伊麵，但出面油樓同餐廳既都係波士頓而唔係龍蝦，好開心係食到呢餐好好食又有龍蝦又唔係貴既私房菜👍🏻，食完同男朋友都好滿足！預約日子前老闆會send 手寫菜單比你過目，因為事前要求想食上湯龍蝦伊麵，所以老闆會加埋入菜單到，你ok老闆就會依菜單當日出菜😚！環境雖然似大排檔，但見到黎既都係熟客，而且要預約但當日平日都滿晒場。食物方面真係色香味俱全，而且份量都多，我地兩個人都勉勉強強先清到晒。上湯龍蝦伊麵有一隻龍蝦開邊，伊麵多汁好食，龍蝦亦好鮮甜；胡椒豬肚湯亦好好飲，佢既湯渣都會上埋比你，份量都幾多；椒鹽炒鮮魷亦好爽，唔會似太油淋淋或者太un；蒜蓉蒜蟶子一上枱已好香蒜蓉味，食落亦好鮮甜同重蒜味，一個字正！同男朋友食完都一路行一路回味，下次想試下同成班朋友黎食！中菜都係一班人食開心點😊

朋友推介呢間私房菜，趁父親節同屋企人就黎呢度食晚飯～一開始黎左個胡椒豬肚湯同湯渣～個湯胡椒味剛剛好唔會太過濃味，豬肚又夠腍冰鎮鮑魚～好大隻，腍得黎又有少少爽串燒大虎蝦～都係第一次食大過隻手掌既蝦，有啲似椒鹽蝦好野味蒜蓉粉絲蒸聖子皇～味道ok東星斑～真係蒸得好好食，成條魚既肉質都非常嫩滑，十分新鮮疆蔥炒蟹～雖然蟹肉唔算多，但食得出好新鮮，蟹肉嫩滑清酒煮花甲～花甲每隻都係大大隻脆皮芝麻雞～個皮脆得黎肉質又好嫩滑最後我地臨時加多左個瑤柱蛋白炒飯，但啲飯炒到又乾又硬，算係整餐飯裡最令人失望既一道菜整體評價仍然係非常好～最緊要係價錢合理，性價比相當高

椒鹽魷魚豆腐秘製鮑魚煲黃金涼瓜胡椒豬肚湯豉油王海蝦班腩兩味西芹炒魚肉枝竹炆火腩蒸扇貝當紅炸子雞菠蘿咕嚕肉清酒煮花甲上湯浸菜心生炒糯米飯