616牛肉火鍋專門店 (已結業)

久仰大名616，當然是找朋友去嚐嚐！晚上六時半由時代廣場出發，不消十分鐘便到達，非常近。616 十二味招牌非常搶眼易認。與招牌風格一致，充滿香港本地懷舊色彩，另一番體驗。鋪面整齊清潔，樓底很高，至愛！一行二人頂著兩個吉肚子，但由於這兒的牛很有名，所以便一口氣點了很多愛吃的。一共七碟牛，包括牛朴肉、匙皮、牛坑爪、吊龍伴、封門柳、胸口膀(白色那碟)、是日精選的牛駝𡶶。每碟牛的紋路清晰細緻，新鮮紅潤、肥瘦適中。平均都有十多片，數量剛好。特別推介胸口膀，皆因大而又肥的牛才有這薄薄胸口的小脂肪。非常罕見＠＠ 吃落爽口，半點肥膩也沒有，頗有口感。餐紙印有牛肉所屬位置以及湯滾所需時間，時間掌握信心十足，跟足就一定嫩滑入口。每碟牛都非常好味！尤愛牛朴肉、牛坑爪、封門柳。除了主菜牛之外，還點了些牛肉餃子、牛丸、響鈴和娃娃菜伴口。牛肉餃子皮薄餡大而多汁；牛丸彈牙。配埋自選醬油，無得彈。全牛宴，上菜快速，吃了一小時半，色香味俱全，非常滿足。

兩個人行完誠品，行下行下想打邊爐，就search到616。之前朋友介紹過元朗個間，但一直未有機會試，點知發現銅鑼灣新開左一間分店，就一於試一試🤤🤤晚上9點半到，無需等位，環境幾好哦！服務態度都好好，好歡迎的感覺👍🏻大部分的位置都係2至4人的座位，有卡位都幾舒服。店面唔大，繁忙時間最好book 位先。牛佢分成好多個不同嘅部位，好特別，係岀面好少咁食。餐紙有提我地每個部分煮幾多秒，好細心。整體食物質素都幾好，價錢又唔貴，有好多特別的牛部位我都第一次見，所以係值得一試嘅！