帝樂 - 德國餐廳 (美麗華廣場) (已結業)

可能係星期一嘅緣故，放工19:15嚟到果時冇乜人。嚟到唔駛等可以即刻入座，而且成晚都坐唔滿，唔算太多人，所以都比較清靜好適合邊飲邊傾計。環境都幾乾淨舒服，好闊落空間感十足。Happy hour特價飲住啤酒傾計都幾好🍺侍應服務態度都好nice有禮貌👍🏻我哋4個人點咗3個菜。先叫左個什錦腸仔拼盤，腸唔會太鹹，味道啱啱好，食到好香肉味又惹味😋再叫咗個意大利螺絲粉，味道比較清淡。最後當然要試埋個德國豬手啦😎皮好夠脆，一開始食都覺得好香好食嘅～但越食就開始越覺得鹹，要不停飲啤酒😅整體嚟講中規中矩，都叫ok唔錯嘅。如果幾個人想飲杯野傾吓計依度都唔錯。

好耐無食呢間餐廳 以前食親都係幫朋友慶祝生日係C類餐廳度揀 揀咗好耐 最後揀中佢Haha⭐️凱撒沙律🥗好fresh 係健康嘅味道 調味做得剛剛好⭐️精選香腸拼盤人多嘅話建議叫另一個 嗰嗰好味啲但我哋人少 只能叫個細細盤啦☹️⭐️芝士麵糰配脆炸雞塊，蕃茄醬汁🥘食咗堆卡路里同碳水化合物落肚 好飽好滯 試一次就夠⭐️脆皮燒豬肘🐷配酸椰菜及脆炸薯仔🥔呢個菜式性價比好高 豬皮燒得好脆 好香😋每次嚟食都必點呢個 加杯啤酒🍺或cocktail🍹

每年10月德國都會舉行啤酒節，今年都唔例 👏🏻 呢間德國餐廳當然都秉承住傳統，已經開始售賣 Oktober Pass 啦！$580 包6杯啤酒，2杯mocktail，2款指定小食，其實都幾值喎，快啲搶購啦～ 我地就一早約埋 @findtoeat 一齊啤啤佢啦脆皮燒豬肘配酸椰菜及脆炸薯仔 📍$250黎到德國傳統餐廳，點可以唔食豬肘呀 ☺️ 4個人share 1個都岩岩好，唔會太飽，可以留返個肚食其實嘢 👍🏻 豬肘外層好脆身，啲肉又嫩，好正，絕對可以recur 炸香脆蝦醬魷魚圈配蒜蓉醬 📍魷魚圈熱辣辣，食落又唔會太油，薯條亦都好脆肉類小食拼盤 📍有香脆雞翼，德國腸，加牛丸，同啤酒真係絕配，下邊仲有好多好多薯條，食兩條再吹吓水真係啱哂我地4杯啤酒都係生啤，其中3款係德國嘅Arcobrau Urfass Lager 📍黑啤得黎又唔苦，幾順滑Arcobrau Schloss Dunkel 📍偏甜嘅啤酒，果香味濃Maisel’s Weisse 📍

Oktoberfest字面上解釋為10月的節日，雖然係香港唔算好流行，不過呢個啤酒節係德國就算十分流行。長達兩星期的啤酒節，朋友都聚在一起，飲著啤酒狂歡！去過德國當地試過的啤酒豬手，發覺係香港好多餐廳都做唔到同樣的味道，合我心意的只有寥寥可數，而今次同朋友一齊食的德國餐廳位於尖沙咀美麗華，除了地點非常方便，食物都好高質，係個不錯的聚腳地。餐廳除了有樽裝啤酒，仲有多款生啤可以揀。我自己就比較鍾意重麥味的生啤，味道一般比樽裝更香。經職員介紹，我決定試Maisel's Welsse。未入口已經聞到獨有的香味，容易入口，而且麥味濃郁。呢度都有常見的啤酒品牌Hoegaarden，及德國的Stella Artois，不過我都係鍾意我點的Maisel's Welsse(笑)。而今年的啤酒節，都推出不同的佐酒小食，等大家可以大快朵頤。呢份炸香脆蝦醬魷魚圈配蒜蓉醬，薄薄的粉漿包住彈牙的魷魚圈，入面仲有炸幼薯條，係佐酒的好朋友。肉類小食拼盤比餐牌上的圖畫更吸引！呢份2-4人份量的小食，係滿足大家四個願望的拼盤，有煎香的香草香腸(德國菜不能不吃香腸)、肉味香濃的肉丸，及炸得香脆的雞翼，配上粗薯條。重頭戲當然