紅糖

营业中

休息中

前排父親節唔知大家去咗邊度同爸爸慶祝呢？長輩通常會比較鐘意食中菜又要坐得舒服，所以我shortlist咗幾間中菜餐廳畀佢哋揀，點知有位嘴刁嘅屋企人原來一早已有心水，指名要去Kerry Hotel嘅紅糖 🫖 紅糖嘅點心賣相都相當精緻，燒味就更加出色，而且地方寛敞又有個大海景睇，的確幾適合家庭聚餐💁🏻‍♀️ 尤其是天氣好嘅時候去，沿路途經嘅海旁真係好靚 🌊📷 唯一有點小遺憾嘅係本身叫咗個龍蝦湯西施泡飯（屋企人話之前食過好好食）漏咗單無嚟，試唔到好可惜呀😿✧ 楓糖黑豚肉叉燒 $𝟛𝟛𝟠 （推介✨）✧ 脆皮醬油燒雞 $𝟚𝟡𝟠 （推介✨）✧ 原隻鮑魚燒賣 $𝟡𝟠 ✧ 七味椒鹽豆腐 $𝟡𝟠✧ 脆蝦紅米腸粉 $𝟠𝟠 （推介✨）✧ 海味雜菜煲 $𝟛𝟚𝟠✧ 菠蘿咕嚕肉 $𝟚𝟙𝟠✧ 雪山叉燒包 $𝟠𝟠 （推介✨）✧ 流心醬油包 $𝟟𝟠✧ 紅糖金魚餃 $𝟟𝟠-睇完記得 ƑօӀӀօա @todaynomnom ʕ•ᴥ•ʔ

紅糖飲茶有靚景，但如要坐窗口，最好提前預約。松露鵝肝海鮮荔茸盒一放入口只感覺到荔茸，因為荔茸份量偏多，隱約有小量松露味道。脆蝦紅米腸粉看似普通，個係所點食物入面最讚的。腸粉皮薄，入口香脆，放一陣後才吃，仍然脆口。雙籽鱈魚蟹肉餃皮薄，比普通蝦餃味道較為濃郁。蝦餃王當然都係皮薄餡靚，蝦肉爽口。瑤柱蟹肉灌湯餃湯比較清，感覺似菜湯。另外點左兩樣係主餐牌的食物桂花糖脆鱔球分量都可以，但偏甜，雖然表面醬汁很多，但是入面依然是脆的。糯米釀雞翼手工菜，味道都可以，但是$128只得一隻，略嫌少了。奶黃小金橘最尾食捚個甜品外表非常可愛，機本上除左外面嘅皮之外，成粒都係奶黃，變相太甜。二人lunch份量剛好，共大約$1000，性價比中上。

公眾假期加埋家人生日，就約咗一行七人去Kerry Hotel 嘅紅糖Lunch, 環境一流，舒服清靜，同埋講真依家香港唔係好多酒店有近距離嘅海景，因為公眾假期所以佢哋要分兩場，第一場11am至12:30pm, 第二場1:30至3pm, 個人就覺得佢哋硬件好，軟件就有待改善，第一我哋因為帶咗生日蛋糕，就問佢哋可唔可以豁免切餅費$150，因為通常如果你叫甜品，一般酒店都可以豁免，但係當我哋一開始問服務小姐嘅時候，好嘅就係佢好有禮貌，但係佢點都話唔得，到最後我哋要叫佢問吓經理先答啦！轉頭返嚟就話只要我哋叫甜品拼盤就可以豁免切餅費，第二，因為我哋去嘅係第二場，1:30開始，我哋1:31落單，想叫每人一個金魚餃，點知轉個頭返嚟就話：「唔好意思冇晒」😱，講真我就係響網上見到條金魚餃，最想試就係佢，終於講咗好耐先至叫到一隻，所以提提大家有心想試嘅話，可能book枱嘅時候就要order定

第一次黎 因為business meal同客人食依間 🥰 環境好靚 望住個海食係正既 坐得好舒服 所以好適合同客黎野食方面叫左幾樣點心 半隻雞 同麵 加甜品脆蝦紅米腸粉/紅糖蝦餃皇/叉燒飽因為最近飲茶太多 覺得都正常味 冇話特別出色原隻鮑魚燒賣賣點係上面既鮑魚 都入味 不過有少少鞋。中意鮑魚既都係去番呀一一品燒鵝穌依個點心必點 好靚可以打卡之余 都好食 入面調味岩岩好 好夠脆 個底d芝麻都好香口當紅炸子雞冇諗過會咁好食 皮勁脆 肉好滑 我平時唔食雞皮都忍唔住食左總之黎講係環境勁好 點心好精緻既中菜 點心建議叫d特色 可以打卡既😎

🎈紅糖裝潢簡樸平實，以紅磚牆和柱為自然格調🌈2人坐4人大方枱，當然舒服寬敞🔰脆蝦紅米腸粉$78，外皮顏色鮮艷，很吸睛，有心思在於以紅菜頭汁和紅糙米漿弄成的滑皮，再以脆米紙包著爽口的蝦肉，很喜愛，推介👍🏼🔰原隻鮑魚燒賣$98，每逢吃鮑魚燒賣，必先吃鮑魚，喜愛鮑魚的香縈繞在口腔，wow，美味的鮑魚😋；燒賣綠油油的外觀也討人喜歡，肥瘦均勻，若然香菇粒多一點更好🔰松露鵝肝海鮮荔茸盒$78，外層酥鬆，芋茸綿香味美，只是底部有點油，酥炸後，將底部放於吸油紙上，處理埋該點，就Perfect🔰紅糖蝦餃皇$88，蝦肉爽口，但餡料不夠juicy，也欠缺蝦餃香💁‍♂️男職員們殷勤有禮，許多時主動添加熱水入茶壺，讚👍🏼