為食龍 (已搬遷) 新店位置

因為疫情，好耐無出銅鑼灣，終於終於朝聖黃到出汁嘅為食龍！未入鋪頭，離遠已經比色彩繽紛嘅連儂牆吸引。見到好多人推介腐皮壽司，試左三款，大概$20一件左右～ 價錢唔算平，勝在分量足夠，而且幾新鮮喎！黑松露帶子粒帶子肥美，食完成個口都係黑松露味，久久不散！牛油果三文魚三文魚好新鮮，但係牛油果未夠熟，有啲硬！蔥吞拿魚拖羅蓉不嬲都好鍾意食拖羅蓉，配搭埋腐皮甜甜地嘅味道，正！本身諗住食三舊一定唔夠飽，點知好飽肚！

🇭🇰為食龍·呢間我地之前已經成日想食架啦 佢成日請d年輕人食飯糰 真係好需要大家既支持💛never forget💛·為食腐皮系列 $18-$22我地見大家既分享好似唔係好大舊 又貪心想試曬就叫曬8款😂最後實在太多淨係每人食到3舊 佢全部都好好味 比我想像中好味超多🥰佢個腐皮調味剛剛好 又唔會太油 d飯都好好味 而且所有魚生都好新鮮 我尤其鍾意佢個辣味三文魚同埋黑松露帶子😍😍·📍銅鑼灣耀華街3號百樂中心地下G01號舖

第一次OT完去，食完上癮，行經就再幫襯❤️個人最recommend腐皮壽司同鰻魚飯 （左起）明太子三文魚，牛油果三文魚，柚子左口魚🥑環保既朋友自攜生物盒仲可以省兩蚊呀，有一杯熱茶，湯剛好賣完了😎今日又係臨收店先到Hungry Dino， 但落完order仲有7-8位客人陸續黎到！PS:店面雖小，看到店面裝飾，無價的人情味😉

強烈推介大大嚿嘅腐皮壽司，賣相超級吸引😱😱左至右：柚子左口魚燒左少少，食落香口；鰻魚玉子絲香甜滑溜，鰻魚有咬口🤘🏻；吞拿拖羅蓉有齊兩款吞拿魚嘅口感，用咗麻油做點綴，香味四溢；辣味三文魚竟然用咗有麻婆豆腐感覺嘅辣汁，有創意有幾易入口，爽😎自選刺身丼可以揀三種配料，我哋揀咗蟹膏、甜蝦、帶子，店員在附上玉子絲同紫菜，感覺上好豐盛，屬中上水平，送埋味增湯飽到不得了。多謝呢間小店為香港人發聲，隨單附上香港人嘅心聲。「五大訴求，缺一不可」並唔係一個口號咁簡單。由小做起，從生活中實踐，向強權說不，共勉💪🏻💛-柚子左口魚 | $22鰻魚玉子絲 | $20 （跟餐-$5）吞拿拖羅蓉 | $22辣味三文魚 | $20自選刺身丼 | $72-為食龍銅鑼灣耀華街3號百樂中心地下G01號舖

認識我既都知我有某程既強迫症，堅持同執著, 本來我仲有好多食評要順住日子打，但今日整完野去左呢間試，就要先放出黎!原因唔係特別好食，影得特別靚，環境點點點... 而係...話說，我地見到呢間野既廣告好一段時間，但都未有機會定醒唔起，咁今日搞掂哂就去左試呢間，一入到去初頭只focus叫咩，但我視線好快就落左人手畫既pepe到... 點完餐，見到有其他食客幫手貼，一向8婆既我就當然八下做咩啦！原來佢地幫手貼打氣字句上飯團到，由於佢係立食，位有限，我只好企埋一邊唔好阻佢地. 之後都有問，原來夜尐會有義工幫手拎去荃灣! 耀華街租唔平，小店一間，今日去仲要好似死城咁... 雖然我唔知佢意願，但真心想同大家介紹呢間hungry dino! 佢以呢個價錢，我覺得值架! 尐野都新鮮，唯一挑剔係無咩位，所以我建議大家外賣啦！ 支持下本土小店! 其實我並唔知店主點諗，唔知佢想唔想揚，但真心希望大家可以去支持下佢地!

趕住睇戲又無咩時間，見之前fb 介紹過佢d 巨形腐皮壽司幾得意，就過黎速食下。店仔細細，以立食為主，不過環境都幾別緻。最吸引係牆身用磚仔砌成既恐龍圖案，枱面仲有d 恐龍figure 同植物感覺幾舒服。✨嘢食主要有便當，腐皮壽司同埋飯團。價錢唔算貴，上菜速度夠快手。✨咖喱爆汁肥牛丼：呢個咖喱汁好香而且又唔係好辣，連我唔食得辣嘅都覺得唔錯。佢啲肥牛實在係勁多，可以用一抽抽黎形容🤣食落好軟滑又帶少少肥，50幾蚊來講真係幾抵食。如果個咖喱可以加啲薯仔同多少少蘿蔔就更加正。✨跟飯仲有味噌湯送，飲落唔會太鹹，個底仲有好多豆腐同昆布。✨望落好吸引😍腐皮壽司勁大件仲超多料，一件等於兩件嘅份量！帶子勁厚幾鮮味，最鍾意左口魚，火炙過就更加香，蔥吞拿魚拖羅蓉都唔錯。件件都分量十足，加咗腐皮甜甜地又幾好食。✨食埋個飯團真係飽到上心口，黃金魷魚夠爽口，切得粗身又鮮甜。✨牛油果鰻魚飯團，牛油果夠熟好軟滑，配埋鰻魚夠晒香。呢個快餐真係超飽肚，食左好多飯🤣如果佢有d 櫈坐下就更加好。

銅鑼灣是遊客集中地， 耀華街這一大 更是日本旅客經常出沒的地方， 不知道這間壽司店 在這裏選址有沒有特別意思。店舖內籠 比較細， 堂食只有兩個座位，另設一個立食區。這裏主打外賣，看得出店家響應環保， 所有餐具和外賣盒都走塑膠。食物方面， 這裏的壽司都非常有特色， 特別是他們的腐皮系列。 除了造型吸引外， 味道配搭上亦是一流， 而且十分飽肚，集華麗與實際於一身！😍飯團亦有相當多的選擇， 這次是的 泡菜三文魚飯團， 想不到泡菜和三文魚也能撞出新味道， 彷彿是日韓混合體👍朋友點了 一嚇清與溫泉蛋飯便當， 又快又豐富又好味， 果然是外帶速食之選。