珍心素食豆漿豆腐花專門店 (已結業)

上星期放假上天要我行個大運，行完去旺角搵FD，肚餓自己去食少少野先！想食素，去好耐冇去過既珍心素食。話明食少少，所以只叫左碟腸粉+糖水！係我點既食物黎之前，老闆送左碗豆汁雪耳蓮子糖水比我試！佢話呢個時勢飲呢個對個肺好呀！試過你就知！哈，真係好飲喎！腸粉超好食的！又香又滑！加上頭抽豉油、初榨橄欖油花生醬、芝麻、甜醬絕對無懈可擊！糖水叫左芝麻腐蓉薏米，個人認為呢碗野腐蓉係主角，滑滑的腐蓉，感覺多吃人都會滑d珍心素食，真心好食！

第一次經過呢間素食館係俾佢既豆腐花吸引到，今次係真肚餓泥食。腸粉唔算好滑，但個麻醬真心香，之後問店員原來係花生醬😅但出面食唔返呢隻味唔係好夠喉，所以加多碗熱腐竹白果薏米糖水，豆腐出名，所以連腐竹都好正！煲到溶曬又食到少少，溫度夠熱，大滿足！咁又一餐下次會試埋店員推介既芝麻豆腐花，聽聞個黑芝麻醬係自家制，佢俾我試但由於我太飽，唯有留肚下次先👋🏻係旺角要食個腸粉或者齋菜湯麵，推介珍心，佢地好黃架！

食全素的店在香港仍然不多，而且很多時候是打住素食名號的貴價西餐廳，這裡是難得充滿人情味的本地素食店。主打食物是豆品，亦有不同配搭的飯和麵，值得一提的是有三色飯（白米、紅米、黑米）和蕎麥湯麵可供選擇，絕對是健康之選入座後老闆推介了幾款食物，態度熱情友善！我們點了快餐（腸粉配豆漿）、三色米栥飯、香煎黃金豆腐、郊外油菜。簡單的腸粉配秘裝花生醬和豉油，立即生色不少，豆漿也很好喝豆味香濃也不怕太甜！三色米栥飯口感不錯。最值得推介的是香煎黃金豆腐，雖然$30只有兩件豆腐但物有所值，豆腐煎得很香但中間還是滑的，配特製的豉油加榨菜和胡椒粉，實在太好味了老闆很親切，不只熱情推介食物更會講解食法，而且很有禮貌！值得支持！

兩小時後雖然要吃大餐，但朋友認為也要吃點東西。於是，我提議到登打士街的珍豆漿吃簡餐。我們點了一份腸粉餐，$21。包括腸粉和豆漿。腸粉皮薄且滑。我不喜歡又厚又實那些……另外還點了一客香煎黃金豆腐，$22。豆腐也滑。外皮略略一煎，不是脆的。我和朋友都覺得紫菜有畫龍點睛的效果。帶點腥味的紫菜，混合微鹹的醬油，與味淡的豆腐一起吃很好！