小林札幌拉麵

营业中

休息中

大角咀嘅餐廳真係食極都未食得晒🤣今次去咗試「小林札幌拉麵」，淨係睇裝修都好有日本小店feel，餐廳主打北海道札幌拉麵，我哋都真係第一次食札幌拉麵啊🤩佢哋嘅二人餐食物份量好多又大份，好抵食👍🏼 一上枱就畀拉麵碗嘅大細同配料份量嚇親，因為比平時食開嘅拉麵大碗唔少🤣 餐廳最近仲做緊優惠，每次消費都會送口罩一個～•📸 二人餐 (2款主食+3款小食) $258🥢 普通拉麵因為係第一次食札幌拉麵，所以我都係食返最基本嘅款式～店家話所用嘅麵條都係日本直送北海道嘅曲麵，煮出嚟幾香，軟硬適中，而且曲麵比平時食開嘅拉麵掛湯👍🏼 湯底方面係豚肉味噌湯，飲落帶點微辣，同拉麵幾夾，唔會太濃味或者飲到好口渴，幾啱我口味😋 配料有叉燒2大片，仲有大量蔥花、海藻、荀同芽菜～叉燒好淋，咬落有豚肉香，而且肥瘦均稱。•🥢 叉燒炒飯港式炒飯食得多，見到日式炒飯心思思叫左黎試下，呢個炒飯用叉燒、洋蔥、青椒、蘿蔔粒、蛋絲炒成，上菜時熱辣辣仲出緊煙就知係即叫即炒，飯比平時食嘅炒飯濕身啲啲，以洋蔥味為主，味道普普通通，但幾特別～•🥢 吉列豬扒炸皮用上麵包糠，上得好薄身，炸得好脆唔會油淋淋👍🏼 豬扒嘅肉質鬆軟、肥瘦均勻，但旁邊有少許筋

大角咀真係有好多好野食😳疫情關係無得去🇯🇵唯有食下拉麵當去左旅行😭估唔到又試到一間唔錯既拉麵🍜一場黎到梗係要試下佢個招牌牛油拉麵🧈🍜大大舊牛油放入拉麵到好邪惡仲有我最愛既濃濃豬骨湯底夾起啲麵就聞到勁香☺️果然係用日本空運原材料去整拉麵麵質彈牙爽口好有返左🇯🇵既感覺加左牛油既拉麵入口有濃濃既香氣🤤配埋軟腍既日式叉燒簡直無敵仲有濃厚日式味道既荀🥺試埋朋友個碗辛辣拉麵🌶🍜加左辣味極香拿好老實佢都算幾辣下🌶但勝在辣得黎好香口有肉味之餘同拉麵好夾配豬骨湯底好正同朋友叫左拉麵晚餐所以除左拉麵仲有小食可以揀😳我揀左串燒雞翼估唔到連小食都有驚喜雞翼醃得入味燒到外脆內juicy幾推介呢個小食🤤朋友仲叫左自家制餃子🥟同其他餃子唔同呢隻餃子好足料而且餡料除左肉好似仲加左香菇令餃子味道唔會太單調好味呀😋套餐仲有薯仔沙律同汽水送其實都算幾豐富就當係無得去旅行既情況底下懷念下去日本食拉麵食飯打卡仲有口罩送好貼心呢🥰下次有機會一定會再去！