Cocoon (已結業)

📍 Cocoon今次去左呢間位於觀塘樓上舖既西餐廳，提供西餐同日式料理，真係中西合璧！🍔自家手打雞肉漢堡包配黑松露醬薯條Burger相當巨型🤩最特別嘅係餐廳主打嘅手打雞肉，其他餐廳好少食到～塊雞肉好厚身，煎到微微焦香，咬落有肉汁，絕對唔會乾爭爭！另外，醬料嘅味道都好唔錯，結合蜜糖同芥末醬，昇華咗成個包嘅味道👅而薯條配有蕃茄醬同黑松露醬，個人比較推介黑松露醬，味道濃郁好多！🐥慢煎果園雞配薯條成隻雞髀上枱！煎到啱啱好，雞皮食落焦脆既口感，仲有啖啖嘅油香～雞有提前醃製過，所以食落幾入味，亦加咗孜然粉同辣粉，味道更加濃郁😉最特別嘅係配咗一件菜心天婦羅，味道不俗，好少喺餐廳會食到，又真係幾特別嘅！🍹百香果檸檬梳打百香果同檸檬既味道都係酸酸甜甜，清爽得黎又清新！仲配咗一支梳打水俾你自己倒🍋檸檬茶味道正正常常，不過不失～但勝在夠大杯，幾解渴～📍 Cocoon (觀塘)觀塘開源道54號豐利中心1樓104室#觀塘 #cocoon #西餐 #fusion菜 #fusion #雞肉漢堡 #自家製 #burger #黑松露 #薯條 #黑松露薯條 #慢煎果園雞配薯條 #百香果 #梳打 #hk #hkfood

自家手打雞肉漢堡包配黑松露醬薯條賣相：🐧🐧🐧🐧🐧味道：🐧🐧🐧🐧🐧雞肉漢堡超級巨型，除了大大塊超厚身的手打雞肉，還夾滿豐富的配菜和醬料，非常邪惡吸引。漢堡特別採用豬仔包取替一般的漢堡包，食落口感更鬆脆更香口。手打雞肉煎得焦香四溢，肉質軟嫩又富彈性，肉汁滿滿，鹹香又惹味。蕃茄、生菜等配菜清新爽口，減低雞肉的油膩感之餘亦為漢堡增添口感。醬料主要採用蕃茄醬和蜜糖芥末，食落酸甜帶辣，味道刺激又富層次感。薯條全部粗壯又長身，份量十足，炸得金黃酥脆，散發著誘人的油香，表面潵滿椒鹽辣粉，另附上黑松露醬和茄汁作調味用，滋味滿分。🐧❣️餐廳會提供即棄手套和濕紙巾供客人使用，十分貼心❣️川味麻香豬頸肉意粉賣相：🐧🐧🐧🐧味道：🐧🐧🐧🐧意粉軟硬適中，口感彈牙有嚼感。少見地採用川味椒麻粉作調味，食落每一啖都充滿花椒麻而不辣的獨特香氣，鮮香獨特的滋味令人上癮。豬頸肉爽口彈牙，肉質粗且有韌性，嚼勁極佳，入口焦香惹味，非常出色👍🐧❣️午市套餐奉送是日沙律和基本餐茶，有興趣可加錢改選梳打特飲🍹 或沙冰🍧 環境：🐧🐧🐧🐧餐廳採用簡約西式設計，以暖色作主調，配搭木系桌椅和柔和的燈光，加上悠閒舒逸的爵士音樂背景，整體氣氛放鬆又富情調