Kuru Kuru自家製手作意粉 (已結業)

行過見到玻璃貼住自家製意大利粉，好嘢嚟喎入去試一試先，「輕量煙肉本菇忌廉意粉」意粉的硬度剛剛好，但你話手工意粉我又食唔出；剛炸好的薯角熱辣辣「手工迷你瑪格麗特薄餅」個薄餅軟軟糯糯，加埋拉絲芝士，真係估佢唔到的非常好吃😋「自家製冰茶」一有別於一般茶餐廳，沒有檸檬用橙的，比較特別，好飲👍🏻，重點係唔使加錢😉抵食👍🏻

今日做完嘢有啲夜，唔想食太飽。經過堅尼地城附近見到KuruKuru，之前喺荃灣見到已經想試，不過成日都好多人排隊冇機會試，今次有機會，就決定入去試吓！我本身好中意食明太子，所以諗都唔諗就叫左明太子忌廉意粉。果然無令我失望，係正常既日式意粉味道！意粉唔會太腍，比一般港式意粉硬身，有口感，明太子忌廉醬好掛到上意粉，好軟滑好奶，辣辣地既明太子令個醬唔會好膩，無諗過六十蚊都唔洗就食到個咁高質既日式意粉！有機會一定要食呀！！！好creamy好濃明太子味跟餐仲有個胡麻醬日式沙律同野飲，我叫左自家製冰茶，本身以為只係普通烏龍茶，點知原來係水果茶黎！仲有新鮮橙食！個冰茶夠福又唔會太甜，好岩夏天解暑或者食完野解油膩！食完見仲食到野就叫左件自家製威風蛋糕～$28唔貴，而且擺盤幾靚！佢仲有埋鮮忌廉一齊食，佢啲鮮忌廉好輕身，唔似一般蛋糕啲忌廉咁膩，夾埋鬆軟既威風蛋糕，真心好食！食完真心好滿足！無諗過佢仲係無加一架！！！一百蚊左右食到高質日式意粉仲要有沙律有野飲有甜品，真係抵呀！

放工去搵朋友拎野順便食個飯，朋友帶左我去Kuru Kuru食日本手工意粉🍀明太子忌廉意粉 ($59)食落好有鮮味又好creamy，仲辣辣地，加埋紫菜嘅香，真係好惹味!!🤤🤤🤤自家製意粉係扁平型，咬落非常煙韌彈牙👍🏻🍀自家風味薄餅 ($72)薄餅係即叫即烤😍，材料有芝士 雞肉 蓄茄 西蘭花 菇同蟹棒餅底薄薄地幾煙韌，好香口😋套餐真係勁抵❤️我地即刻加返2個套餐+$20 有沙律或湯，同飲品+$25 就有齊沙律、湯同飲品🍀麻醬沙律: 沙律菜新鮮爽脆🍀蕃茄湯: 酸酸地好開胃🍀自家製冰茶一杯有2件橙，果茶清清甜甜，飲落勁鐘意，再食埋件甜橙☺️☺️☺️🍀一人份自家製戚風蛋糕 ($29)最後叫多份甜品!😍原味嘅戚風蛋糕口感鬆軟，加上鮮忌廉超好食😋二人份都係$37，本身怕太飽就叫左一人份一齊share，但朋友勁鐘意，話早知叫二人份😂2個人食左咁多野都唔使$300，仲要無加一服務費，真係勁抵食👍🏻而且店員都勁好笑容，服務態度又好!!☺️