度 (已結業)

今次去到銅鑼灣酒吧街入面一間比較隱蔽的Cafe,門口有棵咖啡樹吸引左我入去，一入到去好震撼，發現有好多畫👍機緣巧合撞到老闆，所以有機會同老闆傾下計，言談之間先知道所有畫都係藝術家陶立成的作品，係餐廳內，除左可以欣賞靚畫，睇啱仲可以即場買大師的作品，真係幾特別的體驗👍言談間，發現老闆原來都好有抱負，而且餐廳定期會有唔同嘅慈善義賣，今次見到餐廳幫緊扶康會籌款，去幫助有需要的團體👍呢份社會責任，真係值得尊重🫡

咖啡總代表一種生活方式，每個人都自己的一套！ 這家咖啡店與別不同，不單純只是賣咖啡，仲會舉辦慈善活動，最近中秋有義賣曲奇🍪及月餅🥮這裡的菜式也許並非來自大廚，但每一碟都用心製作，亦好願意聆聽客人的需要💕慢煮溫泉蛋卡邦尼意粉，醬汁滿滿香滑，上面有隻流心溫泉蛋，蛋黃色澤橙黃，賣相吸引🤩鮮茄原隻虎蝦扁意粉，有兩隻色澤鮮艷的大蝦，肉質爽彈，醬汁鮮中帶微酸幾開胃誠意🩷自家製提拉米蘇，切開見到一層層餅底及cream cheese ， 入口幼滑細膩，但我比較喜歡較濃的酒味令人驚嘆的Latte 拉花🌴，用奶泡做底，加上朱古力粉及朱古力醬，做出一幅美麗的圖畫，靚到完全唔捨得飲😌