串噹噹

营业中

休息中

食過幾次，每次都係為咗黑椒牛柳煎脆麵而嚟，脆麵係分開上嘅，香脆唔會比啲汁浸諗，性價比高，推薦👍九周年特價好抵食必叫，有幾款可以揀，一人可以叫一份，絕對唔會錯過。燒烤性價比低，味道也一般，通常只會叫一兩款。職員全部都有禮貌好nice

串噹噹鎮店名秒「避風塘茄子🍆」$88真係名不虛傳，超好食🤤雖然我唔係好食得辣、對得黎講偏辣咗少少🤏，但都接受到嘅🙌🏻另外重好鍾意佢哋嘅「臭豆腐」喔🤤🤤🤤$48比起傳統嘅臭豆腐，佢呢個表面無咁硬，臭度都可以😌以上兩味係我今晚大愛嘅菜色🫶🏻🫶🏻🫶🏻可以用必食黎形容🙌🏻我哋兩個人食唔到幾多野，都有嗌埋麻辣燙同串燒，但由於避風塘茄子同臭豆腐都太出眾，所以其他野我會用正正常常黎形容😂串燒就份量都比較少而店員都好細心喔，會睇下你食唔食得辣先，整嘅時候少D辣，唔夠辣再比辣椒粉你😃

睇電視見到好似好好食所以黎淺嚐 總括係小失望首先讚下個服務好好 驚我地等得耐 有請我地食野 服務員都好有心好食： 叫左個$40臭豆腐 （3小舊）- 小貴但都好食雞中翼 $12 （2） - 有味 好食菠蘿 - 燒得香甜麻麻：$38肉碎燒矮瓜 - 有小小蒸熟嘅感覺 有d濕 調味料太輕手 食緊矮瓜原味燒尖椒 - 切開入面水浸 淋但無味道牛肉 - 似沙嗲牛肉麵入面啲牛 唔係對得住個價錢其他蔬菜燒 - 都係無咩燒烤感覺 +味道清淡

香港邊度燒烤多又平，咁係紅磡啦。今次我地四人來紅磡尋覓燒烤。之前放工常常路過呢間鋪頭，都見到有人排隊，又見到招牌獨家臭豆腐，覺得香港少有，於是入去嘗味。嘩，打開餐牌見到有蔥燒鮑魚！價格合理，仲有避風塘茄子，饞到我地流曬口水。廢話不多，直接上圖：我地嗌左臭豆腐，蔥燒鮑魚，避風塘茄子，韭菜，蘆筍，翠玉瓜，香菇，雞軟骨以及雞全翼，其中最出色的是蔥燒鮑魚，蔥燒底勁香，一共五隻鮑魚，個頭來看都唔算好小隻，醬香惹味，價格都唔算好貴，150蚊，都算抵食。臭豆腐都幾好食，中醫蘸醬，避風塘茄子都好足料，外酥內嫩，其他的燒烤菜色中規中矩。最後埋單一人170HKD

近年紅磡開左好多間串燒店，呢間係值得再去的一間，價錢合理，質素滿意。雞皮係必食，燒到好似薯片咁，雖然同區有另一間比佢更好，但$20一份性價比高。不是間間都有串燒七里香（雞尾），所以呢樣又係值得一試，如果燒得更乾身更香脆就仲好食。牛舌有咬口，京蔥燒腩卷肥而不膩。小食小炒叫左臭豆腐同避風塘九肚魚，都係必食推介。所有串燒都係即叫即燒，所以等候時間會較耐，可以先叫一些小食小炒邊食邊等。今次一行6人，人均消費$135。