大圍小食

营业中

休息中

次次嚟到大圍，總係見到呢檔小食有好多街坊圍住當然啦，呢間可以話係大圍嘅landmark，有質素先開到咁多年，有大份又抵食佢地嘅魚蛋燒賣原來攞過獎㗎喎，關鍵係咖喱汁，點少少已經好刺激，魚蛋細細粒好香魚味燒賣質感好彈牙，唔會發到好腍，魚香好出見啲串燒大大串好吸引，就試吓佢地幾出名嘅豬頸肉，搽晒醬咁燒，色澤令人垂涎，肉質勁爽彈，點解可以咁好食㗎？炸大腸炸得好金黃，炸得爽身，食落冇揦鮓味，洗得好乾淨，但同時好香口臭豆腐都好堅，好臭好臭，勁大嚿放入口脆卜卜，裡面質感好香豆味兩份煎釀三寶都可以當飯食㗎，尤其是呢間，大大嚿係希原因，有啲不可思議嘅配搭，連冬菇同西蘭花都有每一嚿紅腸、茄子、青椒、豆腐、冬菇同西蘭花都有鯪魚煎餅黐住，仲要好多，打到大啲細骨同肉碎粒都冇，超犀利。餃子唔係鯪魚肉，但都好飽肚一碗韭菜豬紅，仲以為會好細碗，菜多過肉，點知豬紅豬腸爆多，食晒啲菜都未食完豬紅同豬腸，豬紅好滑唔會啜脷，冇怪味好香，豬腸洗到白𠽌𠽌，發揮到豬腸本有嘅香味，難怪街坊咁捧場啦

友人推介的大圍名店，Dinner Time一如所料，人流不絕！選擇非常豐富，已經超越我對街邊小食檔的概念，Order了兩大袋外賣回家開餐，也不到$200，而且每一款都在質素之上，人氣之旺並非無道理！臭豆腐 $15 | 港式炸大腸 $15陳皮魚蛋 / 燒賣 $12/10粒煎釀三寶 $20/5件 | 串燒 $30/2串紫菜魚皮餃 $25 | 足料糯米飯 $35港味掃街必試臭豆腐，現在已經不多地方有賣，而且夠重口味的更是少之又少。這個100%香港製造的小食相當受歡迎，排隊的差不多80%都有Order幾件。即炸臭豆腐配上鉅利醬園的豆瓣醬及甜醬，好有港味和回憶！另外，串燒也是熱門Item之一，店員忙過不停，一串接一串，眼明手快，每一串都盡是心機，還可以選擇孜然、七味、川椒、蜜糖、沙嗲、香茅等自選味道，而且份量比預計中多，CP值甚高！紫菜魚皮餃也是心心眼之作，魚皮餃正常發揮，湯底也不馬虎，加上大量清爽紫菜，可以緩緩解一解膩。糯米飯加上花生等不同配料，加$10要臘腸或潤腸，超級足料！

🧡💚❤️仲係咁臭 仲係咁重口🍢次次掃街我都要求醬無限多，氣味無限大😂唔係重口味都唔會食🤪💛臭豆腐💛 $15/件獨特嘅味道同氣味，依個炸物咁重口味 冇理由唔食啦！🤭臭豆腐就係臭香臭香嘅，搭配黃芥末、辣醬、豆瓣醬，入口先係醬多多嘅滋味，然後係外酥內綿嘅炸豆腐！🤤醬夠多，味道先可以極致咁豐富！🤪❤️炸大腸❤️ $15同樣都係即叫即炸嘅重口小食，依串炸大腸油脂豐富又有彈性😍口感上好滿足！加上黃芥末 味道刺激又過癮！🐷💚煎釀三寶💚 $20/5件講就講話三寶，但依度有好多寶🤪除咗坊間會食到嘅，仲會有西蘭花🥦蕃薯🍠粉絲餃子🥟等等一啲比較少食到嘅「寶」，魚肉入口有彈性，份量好足夠😆食完成盒，真係飽足感滿滿！🤎雞蛋仔🤎 $15鬆軟香甜，有雞蛋嘅香氣🤤逐粒逐粒食又得，大大啖咬落去都得😌漲卜卜 圓轆轆真係好得意！🤍格仔餅🤍 $15格仔餅嘅口感實在，外皮偏硬脆！內餡可以要多醬，特別係煉奶同花生醬呀！🥜(嗌返句：「靚女唔該」就得啦！🤭)🩷串燒豬頸肉🩷 $16/串 $30/2串燒得咁惹味，唔食會對唔住自己🥹豬頸肉切成塊狀串起，一啖一件，嫩滑多汁 油脂四溢，仲有燒烤風味！🐽💜串燒雞肉💜 $16/串 $30/2串雞肉串嘅肉

以前讀書嗰陣放咗學成日都會經過去呢度拮串魚蛋燒賣或者煎釀三寶先返屋企😆又性價比高，所咁多年直到今時今日呢間小店仲係深受好多街坊、學生哥歡迎👍🏻今日去開大圍點都要去呢間小店食返夠本😆😋魚蛋燒賣：陳皮魚夠晒彈牙，燒賣唔粉，好好味！一定要點埋佢嘅特製醬汁，好好味又惹味😋煎釀三寶：每件都大大件咁！個人推薦炸餃子，外面夠哂卜卜脆，入面係粉絲、肉，好好味😋而出面比較少有👍🏻炸豬大腸：真係超好味！外面炸到熱辣辣、卜卜脆，而入面軟，加埋豉油好正呀😍臭豆腐：平時出面我唔敢食臭豆腐，但係呢間比較有信心保證，同埋又係古法製，所以呢個我係必食之一！佢好大件！食落口一d都唔油膩，外面好酥脆！入面軟而且唔會空心👍🏻加埋甜醬豆板醬食😋狗仔粉、豬油渣麵：狗仔粉既麵比豬油渣麵短，大家一樣嘅湯底。而狗仔粉加埋佢地嘅辣菜甫超好味，愛辣人士必食呀😋而脆卜卜豬油渣加埋軟嘅麵條一齊食超好味！！

最近久違經過大圍，見到呢間由我學生時代已經好受歡迎既港式小食店依舊好多人排隊。屋企人提議不如買野食作外賣返去當晚餐，於是就買咗一堆返屋企開心share。<臭豆腐> $15臭豆腐好大嚿，炸到乾身香脆，入邊豆腐仲有汁，食到豆香，點埋跟嘅甜醬，愈臭愈香，耐人尋味。<炭燒魷魚串> $20魷魚要咗孜然粉味，聞到炭火味，魷魚鮮美味道彈齒留香。<煎釀三寶> $20/5件港式小食中一定要食煎釀三寶!煎釀三寶有勁多款式，除咗常見嘅茄子、青椒之外，仲有坊間少見嘅西蘭花釀鯪魚肉，一開始覺得冇咩特別，但係食落其實又幾好味喎。<陳皮魚蛋> $12/10粒魚蛋雖細，但口感結實彈牙，陳皮味突出，加埋攞過獎嘅自家辣醬，夾埋食真喺天衣無縫。<足料糯米飯(大)> $48 臘腸+$10想食得香口啲，所以加咗$10要多條臘腸，糯米食落煙韌，臘腸充滿油香，再加埋蔥花、花生等配料，成盒糯米臘腸飯份量唔少，食到勁飽。<司華力腸> $18司華力腸鎅咗花邊，所以啲調味料好入味，而且司華力腸夠曬大條，好抵食。

🌕Hello我係Moon🌕如果講到街頭小食，你哋會諗起咩呢？魚蛋燒賣？煎釀三寶？定係臭豆腐？講起又講，其實我都好耐冇食local street food啦！😆不過今次喺大圍踩完單車，今日忍唔住要買番啲返屋企慢慢嘆！🤣依間大圍小食，真係好出名，🥰之前電視都有介紹過！😆網上面嘅對佢評價都好高！🥳無論係臭豆腐又或者係煎釀三寶，甚至乎係油渣麵都好受歡迎！🤤一早已經聽過佢哋嘅大名我都有做過啲準備😏排咗一陣隊就可以落單啦🤭依度真係人來人往，客源源不絕！🤪睇嚟佢哋嘅嘢食真係深受大眾歡迎！🤩臭豆腐就真係又臭又好味！🥳加上黃芥末醬就更加別有一番風味！😛我鍾意佢哋嘅煎釀三寶，☺️款式又多，😌而且每一件都大大件，😍如果作為下午茶真係要半盒都已經好足夠！😗油渣麵同埋韭菜豬紅都係必叫嘅，😜秋天食返啲暖笠笠嘅嘢個人都舒服啲啦！😝韭菜豬紅嘅豬紅份量都幾多，😋而且佢豬紅一啲都唔腥，滑溜易入口！🥰其實排隊嘅時候我都已經聞到好香好香嘅燒烤味！😆呢度嘅燒豬頸肉真係好吸引，大大串仲係啖啖肉添！🤩重點係即叫即燒，一邊燒，我一邊流口水！😏🌕最後MoonMoon真係好滿意依間小食店，下次一定再食過！🌕

依間位於大圍既多年老店，賣好多唔同種類既野食，小食又有飽肚既又有，而且價錢又平，性價比高，同埋佢真係好岀名，一路keep住好多人排隊，人流冇小過😂，之前都試過凌晨過黎，都仲有唔小街坊落嚟買宵夜，深愛街坊歡迎。當中最吸引我既就係碳水😂，估唔到有狗仔粉、銀針粉、糯米飯、油渣麵、車仔麵等😳，乜都想食啲😂。-💕沙嗲串燒👅好味指數：8.5/10串燒豬頸肉/雞肉 $16/1 $30/2串燒黑椒牛丸/墨丸/ 貢丸 $18串必食丸類😍❗️每款每粒都脹卜卜，燒得好焦香，食落好彈牙！配上蜜糖汁，香香甜甜勁正，真係好似bbq咁😍。-💕格仔餅 $15底👅好味指數：8.5/10好正好邪惡❗️🥹餅底比較薄好香脆😍，裏面落左爆多既牛油,煉奶,花生醬,砂糖，多到面層仲有啲煉奶🤤重點花生醬係有花生碎粒既，增加口感🤤-💕細糯米飯 $35+ 蠟腸$10👅好味指數：8/10好足料好香❗️勁多花生🥜菜脯，飯底好軟糯😍有黏黏地既感覺，唔會太濕/太乾，配埋蠟腸，好夠鹹香味。-💕細油渣麵 $40 👅好味指數：8.2/10細既都好大碗好足料😂，面層放左好多炸蒜，炸豬油渣，冬菇，同自製辣菜脯，炸豬油渣成條都幾粗身😳好脆口，麵底都好多，粗身彈牙

大圍友或者成日去大圍踩單車嘅一定知道大圍小食呢間小食店，除咗因為超近東鐵站，食物種類都好多，而且性價比高，每次經過都見到唔少人喺度買嘢食，難怪喺呢個位屹立咁多年😆我哋最常食嘅就係豬油渣麵，炸得香脆嘅豬油渣吸收左啲湯之後特別好味😋真係唔係周圍有得食，再加埋佢哋嘅辣菜脯特別惹味～其次就係韭菜豬紅豬腸，豬大腸處理得好乾淨唔會有怪味😆肥得嚟唔會成口油，食落無咁膩，豬紅亦都夠入味👍🏻小食方面就有近期好Hit嘅臭豆腐🤤佢哋嘅臭豆腐係以古法炮製，冇加阿摩尼亞，食得安心啲。陳皮魚蛋都係必食嘅‼️細細粒好彈牙，仲有淡淡的陳皮香味，加埋佢哋特製嘅辣醬勁好味‼️街頭小食嘅煎釀三寶同炸大腸都係必食‼️佢哋嘅炸魚蛋大大粒，除咗常見嘅紅腸、青椒、豆腐，仲有比較少見嘅冬菇同埋西蘭花🥦燒烤嘅款式都好多，我哋尤其鍾意食豬頸肉，好爽一啲都唔韌，配埋辣醬或者沙嗲醬食特別香口‼️

🧡🤎💛經典小食🥡平價又好食就算唔係住附近，好多人都有聽過依間小食店嘅名「大圍小食」，加上之前ViuTv節目介紹佢哋嘅臭豆腐😍睇到Hatty心郁郁，決定踩完單車去補充熱量先！🚴🏻‍♀️🤎臭豆腐🤎 $15/1件臭豆腐嘅「香」味真係令人流晒口水🤤咩都唔好講！先嚟一份啖臭豆腐先🤭豆腐份量十足，外層極酥脆，內層豆腐密度高 有口感！沾上豆瓣醬😳風味尤佳！真心大推✨❤️炸大腸❤️ $15/1串炸大腸要做得好，其實好難🤯清潔唔乾淨、唔新鮮都會影響口感同味道🥹不過依個炸大腸肥而不膩，外層香脆！最鍾意搭配黃芥末一齊食，清新又刺激🤣🧡魚蛋🧡 $12/10粒金獎魚蛋豈能錯過？依度嘅秘製辣汁好過癮，老闆仲問我好唔好食(個口咬住魚蛋，有啲難講嘢😂我唯有以行動清盤！一碗魚蛋關鍵在於醬汁，依個辣汁重口而不過鹹，辣度適中🌶絕對可以encore！💛燒賣💛 $12/10粒淨係魚蛋邊夠喎，食埋燒賣就perfect 啦！燒賣軟硬適中，熱辣辣嘅燒賣加上醬汁，好好食😍🖤串燒魷魚串🖤 $20/串買嘢食嘅時候留意到店內姐姐烤緊魷魚，姐姐見我雙眼發光 叫我整返串喎😳「唔好啦！一串邊夠㗎🤣兩串啦！唔該靚姐」唔知係咪我嗌咗佢靚姐，依兩串魷魚都好大

呢間小食店喺大圍屹立多年，任何時段都係做不停手，晚晚都出現人龍。分行排隊買，加上店員勁有效率，唔洗等好耐。「豬紅．豬腸．韮菜」必食，足料夠份量，勁like豬紅同豬腸，韮菜好幼嫩，百吃不厭「肉碎狗仔粉」加咗佢地自製辣菜脯，成碗粉嘅味道即時升華咗，配埋個湯底好惹味。「臭豆腐」好耐無食臭豆腐，大圍真係得呢度先有得賣，仲勁大舊，外皮好香脆，加埋甜醬．豆瓣醬...尋回兒時嘅味道「串燒 豬頸肉 」即叫即燒，勁多汁超Juicy, 好味仲可以加上唔同味粉「燒賣．魚蛋」個辣汁真係無得頂，靈魂所在，好鍾意食呢種煙煙靭靭口感嘅燒賣。「煎釀三寶」打開盒，一人一件食唔停口...款款都好正，釀西蘭花都有呀，健康得嚟又帶點邪惡。咁多間小食都係呢間最正。

冇食Lunch，又上堂上到10pm，餓死之際比我飲到啖熱湯，超級感動😭❤️ 周圍仲有兩三間小食店，但去到夜晚10點幾都排曬長籠就知咩料啦😌🤍生菜魚肉(細) ($22)我之前係唔會食生菜魚肉，因為我唔鍾意啲魚肉嘅口感，加埋啲骨，但呢碗嘅魚肉冇骨😻❣️ 仲要好大碗😳 食完細嘅生菜魚肉+臭豆腐就飽咗6-7成（雖然有機會係餓細咗個胃，但要知我好大食的！）🤍臭豆腐 ($15)臭豆腐好大舊，外脆內軟😳 豆瓣醬+甜醬嘅配搭幾好食😋 唔知係好事定壞事，聞落唔算太臭，不過食完之後呵翻氣就臭臭地😮‍💨 好過癮🤣

因為極少去大圍嘅我行完沙田同小馬講不如去兜個圈 食個飯結果一出地鐵站口 見到個得獎魚蛋燒賣店人流仲要唔少 (一向認同人流代表質素) 唔係唔試呀嗎？！結果就如大家見到嘅…. 掃街當晚餐 (掃店先啱 因為已包羅萬有)#唔知大家有無好似小妹咁即興咁失控嘅朋友炸大腸 $15 💁🏿‍♀️冇縮水 有咬口 重大腸味燒賣魚蛋 $12 🙆🏿‍♀️得獎辣汁 辣得過癮我哋連埋啲蓉一齊食 超正 大推魚蛋彈牙 最愛陳皮魚蛋臭豆腐 $15 🙆🏿‍♀️豆瓣醬 甜醬 溝埋估唔到咁好食比較結實 一夾開 啲味湧晒出嚟外皮炸到好脆小馬第一次食 都停唔到口臘腸糯米飯 (細) $32 🙆🏿‍♀️原條大臘腸 開半放喺飯面糯米飯入邊仲收埋啲細粒嘅臘腸 好驚喜當然唔少得花生同蔥做配料 佢仲加埋菜圃啲口感豐富到呢啲糯米飯夠黏 而且好香 入邊仲有蝦米添冬天食 暖笠笠狗仔粉 (細) $35 🙆🏿‍♀️傳統港式小食 配埋辣菜圃真係冇得輸但注意 辣菜圃真係有啲辣 小妹就好鍾意煎釀三寶 $28 🙆🏿‍♀️$4/件 $20/5件 樣樣都想試叫吓叫吓就咗多😂有冬菇魚蛋青椒餃子西蘭花紅腸茄子魚蛋經炸完之後仲係好有魚味韭菜餃 皮薄餡靚 推！西蘭花超大舊 好癲 下次