和牛燒肉一郎 (百誠大廈)

营业中

休息中

今日係個特別日子4月4號兒童節，話說早前我哋兩個大細路未安排到時間去旅行，係香港生活得咁苦悶，所以呢一日要簡單慶祝下食餐好當慶節。旅行除咗歐洲之外，亞洲區就一定係去日本，所以今次就Book咗間有日本特色嘅餐廳，可以任飲、任食又有得玩，最後搵到呢間有條新幹線直送既黑毛和牛，聽到都已經好吸引。當日好彩一早Book定枱，因為基本上如果Walk-in未必入到去，所以如果你哋想試最好都預約定先。當日去到係門外見到有一隻黑毛和牛展品，亦見到員工喺後面處理緊食材，環境衛生相當乾淨，跟住入去門口見到日本餐廳都會展示既證書，介紹當日賣嘅和牛，佢每一隻都有獨立編號，都可以根據編號搜尋返佢嘅資料，除此之外都見到呢間舖頭攞咗好多證書，所以係呃唔到人嘅。及後侍應安排我哋坐卡位，座位地方好寬敞舒適，而且唔會有好大油煙味，未開始食都好滿意個環境。其後我哋卡位旁邊見到有一條新幹線軌道，就好似迴轉壽司咁，相對上食品都好衛生而且有效率。就座後都已經急不及待出去吧枱睇下除咗燒肉仲有啲乜嘢食，發現原來大部份食品都係日本貨，好似汽水喺市面都好少見，亦有適合小朋友嘅爆谷機、雪糕機同棉花糖機，真係食得又玩得，而且中間位置有大約十款

呢間新開嘅和牛燒肉放題店，終於卜到位喇～呢到分A-F套餐，最平嘅套餐$348就可任食2小時，今次揀咗中價錢每位$448嘅Set C,選擇都幾多，包括海鮮、肉類、刺身同小食等等。餐廳用qr code落單，我哋坐卡位仲有新幹線送餐，好方便。先叫咗份舟盛，可以試勻豬牛雞海鮮同埋蔬菜，好豐富！牛肋肉同牛里脊肉油花均勻，好軟腍，牛舌、壽喜燒牛里脊肉都值得一試，每份都附有蛋汁，薄薄一片，我哋配埋碗玉子紫菜飯食，好夾！出面drink bar，salad bar同甜品櫃都好多選擇，好開心有西柚汁飲仲有焦糖布丁同好多雪條食！見到格黎台有小田和牛食，下次會再試吓！

上次同朋友食完，一直念念不忘，今次帶老公嚟試吓！我地揀左中價位Course C放題，每人$448（星期一至四），包含咗76種食物，任食兩小時。Course C送左以下3客非任點的食物1️⃣小田牛牛肋肉油脂豐富，牛味濃郁，食完後口腔仍有淡淡油香2️⃣小田里脊肉 油花細緻平均，入口即融3️⃣ 舟盛盒包括5款牛、3款豬、帆立貝、大蝦、雜菜其中牛肋肉最為出色，肉質有光澤，油花細膩帆立貝同大蝦亦頗大隻新鮮下列為可任點食物🔹牛肋角肉 油脂豐富，比較厚身實淨🔹熟成壹漬外牛橫隔膜 醃得好入味，肉質鮮嫩，必食！🔹大判壽喜燒牛里脊肉 大大塊薄切里脊肉，油花唔算多，略略燒一燒兩面，放入撈勻左嘅蛋加醬油，雪一聲滑左入口，必食！🔹薄切上等牛舌芯 擺得好似一朵花，薄得黎好爽，有嚼勁，必食！除左多款牛之外，仲有豬肉、海鮮、泡菜盛盒（而家要改口叫辛奇？）、主食（包括水冷麵、紫菜飯等等…），以QR code落單，開出黎入面所以食物都可以任叫的！最方便係會有自動輸送帶送菜，落完單好快送到黎，㩒個制就可以開門拎食物，記得有手尾㩒多次制關門呀👀不得不提嘅係餐廳入口同最入位置各設置自助吧，入口位有簡單汽水同果汁，最入個位置有超多種冷熱飲、

朋友搵到新工，食日式燒肉慶祝下，揀左和牛燒肉一郎，因為一來係佐敦地鐵站附近，A出口行幾步就到，二來餐廳開左唔係好耐嘅燒肉店，場地超大，仲有獨家小田牛我地2個人order左以下食物：🌟舟盛盒 $248一架木船盛載住四款美國、澳洲牛、豚肉、雞肉、海蝦、扇貝、野菜 牛肋肉同牛外橫隔膜牛味較濃，肉質鮮嫩扇貝新鮮厚肉野菜當中估唔到茄子🍆最好食🌟本日の宝箱 $218（超推介💯）當日新鮮即切西冷小田牛，肉質細嫩，油脂超豐富，薄得黎有口感，入口即融，呢個價錢一啲都唔貴！🌟赤身壽司（2件）$78生牛肉肉質紅潤有光澤，輕輕燒一燒個面扮炙燒壽司食更加正🌟牛中腹肉壽司（2件）$98 （超推介💯）油花細緻，食完之後口腔充滿淡淡油香，清新壽司醋好中和返油香，配搭得宜🌟炙燒壽喜燒壽司 （2件）$98（超推介💯）侍應用火槍幫我地燒到岩岩好熟，再卷住舊壽司飯，蘸滿打勻左嘅蛋槳，一啖放人口，牛肉同油脂香慢慢散發出嚟🌟燒肉店名物 燒肉丼 $68燒肉又腍又嫩，配上蛋槳飯同野菜食，感覺好健康🌟冷麵 $68意想不到地好食，係蒟蒻麵呀，質感超彈牙爽口，本身好飽諗住食2啖變左食左大半碗🌟泡菜盛合 $58🌟涼伴小食盛合 $58作為餐前