一起食堂 (軒尼詩道)

营业中

休息中

星期五放工之後例牌同朋友happy Friday，近近地就喺公司附近搵咗間舖頭食，「一起食堂」地點超級方便，附近已經有地鐵站，方便我哋食完之後返屋企🤪喺門口已經見到個餐牌，套餐都幾抵食$208 有個set，同朋友都好感興趣，就行咗入去試吓🙈入到去之後，我朋友仔就俾Menu吸引住咗，見到蒲燒鰻魚飯，就即刻話要改食呢樣嘢🫣我就簡單少少，揀返魯肉飯同鹽酥雞🤪侍應都幾快手上好菜，魯肉飯一馬當先就到咗，跟住冇幾耐鹽酥雞都到埋，魯肉飯啲滷肉都幾多，魯肉每條都肥瘦分明，隻滷蛋神之來筆，好耐未見過滷得咁入味嘅滷水蛋👍正評比隻蛋！鹽酥雞熱辣辣即場炸起，份量其實都唔算少🤪 朋友仔點嘅蒲燒鰻魚飯，就比我個餐耐少少，無他只因廚房即場炮製😆佢大讚師傅燒既鰻魚鎖到肉汁，條魚非常Juice！另外配菜雖然唔多，其中醃蘿蔔等等既伴菜，令成碗飯增添咗唔少色彩，提升左食物嘅味道👅食到最後，我哋各自點咗芋圓仙草同愛玉荔枝綠茶，估唔到芋圓仙草，可以大碗到兩個人食都得🙉最驚喜係侍應攞到上枱，甜品連碗都係凍嘅，三色芋圓煙靭，紅豆軟糯可口！愛玉荔枝綠茶正正常常就算冇少甜都唔係話太甜😀✣ 魯肉飯 $69✣ 鹽酥雞 $48✣ 蒲燒鰻魚飯

之前喺中環想食啲唔太貴，但又想坐得舒服時候就會諗到佢😆今次做完野經過先發現原來喺灣仔都有分店😍呢個價錢可以喺港島區食得飽飽又高質都算抵食😆🐮紅燒牛肉麵 ($92)牛肉有4大塊，煮得軟熟入味😋麵係烏龍麵，有口感又掛湯😁湯底香濃得來甜甜哋，帶少少辣幾惹味😋🐣鹽酥雞 ($48)台灣嘢必叫嘅鹽酥雞😝大大碟好澎湃，雞粒炸得夠乾身又香又酥脆，食到停唔到口😂🍖烤台灣腸 ($32)台灣腸同平時食嘅有啲唔同，唔係原條烤，係切開一片片，相對比較乾身同埋脆口🔥🍠黃金芋泥球 ($42)身為芋泥控嘅我一見到已經心心眼😍果然冇令我失望一咬開外皮好鬆化，入面包住香甜嘅芋泥，然後中間嘅黃金醬立即爆曬出嚟🤤🤤🍡芋圓仙草 ($42)冇諗過會咁大碗😲根本係2人份😆仙草加咗花奶更加滑，芋圓又夠煙靭👍🏻成碗凍冰冰，最啱夏天消暑🧊❄️冷泡白桃烏龍茶 ($24)☕️熱四季春茶 ($20)

之前係中環見過，原來灣仔都有，鋪頭裝修好似日劇咁。🍱紅燒三寶牛肉麵，午餐飲品+$14，咁叫杯特色啲嘅熱紅豆奶茶啦。➡️三寶有牛肋條，牛𦟌，牛丸。牛肋條有兩大舊，牛𦟌唔係薄切，兩樣都炆得好淋好入味。蘿白好淋好入味，正好可以平衡肉感，多兩舊仲正😋。🍱黑糖豬軟骨飯，+$14要個芋圓仙草(迷你)。➡️估唔到豬軟骨入口即化，比牛肋條牛𦟌更淋，配埋個半熟蛋，送飯一流。由於午餐係set，飯本身有菜，仲有泡芙，蕨餅，再加購飲品已經夠飽。☕熱紅豆奶茶➡️好在叫半糖，紅豆浸過糖水較甜，奶茶介乎港式與台式之間，茶都算濃。🍧凍芋圓仙草雖說迷你，只係比糖水鋪細碗少少。由於食炸野，食番個仙草清下先。可能係凍食，芋圓個心雪得較硬，芋圓都係鐘意熱食。🧆黃金芋泥球🉐見到有芋泥即叫，原來係流心芋泥圓，大愛，芋泥配上流心甜度適中，炸物而且完全不油膩。🧆鹽酥雞好大碟，炸粉不厚，炸物做得好好，完全不油膩，新鮮炸出嚟熱辣辣，好食。📍一起食堂 (軒尼詩道)灣仔軒尼詩道153號地舖