你妳 (運通洋樓) (已結業)

好少黎荃灣食嘢 今日就係為左肉鬆芋泥吐司黎荃灣🤣呢度既menu全部都好抵食叫左個lunch set 包main+小食+飲品魯肉飯魯肉飯仲有d豆卜絲增加口感 份量亦好足 d飯食唔曬🤣魯肉飯普通 反而小食做得比較出色🙈小食要左ー口鹽酥雞拼炸澎湖花枝丸兩樣都好好味!鹽酥雞好脆好香口花枝丸都好彈牙😋飲品就加錢要左 芋泥珍珠小芋圓勁豐富既飲品😂好多芋泥好多芋圓同珍珠😂唔記得叫少甜所以飲落都幾甜 下次一定要叫番少甜😵最後都係飲唔曬另外叫多左個肉鬆芋泥吐司芋泥份量勁多 好足料 甜度剛剛好吐司都烘到好香 食到好香既牛油味食下食下食曬半舊 唔會好漏渦！👍🏼

搵舖面搵兜咗兩個圈先搵到，就快餓死...#台灣牛肉湯麵 🍜(朋友清哂應該幾好食🤭)#魯肉飯 🍚我食咗半個，係台灣嘅味道😭#便當D #炸澎湖花枝丸 #乾拌麵 🍝見嗌餐都係多十幾蚊就唔散叫乾拌麵喇個麵唔夠乾身，不過啲調味ok#夜市鹽酥拼盤 🍢有鹽酥雞、蝦卷、四季豆 & 花枝丸其餘3樣嘢都唔意外，係估唔到連四季豆都好食#SuperMix大大份 #甜不辣 #地瓜薯條 🍟本來想揀十級辣味粉但無哂...揀咗椒鹽粉mix辛辣味粉，但我食唔到辣之餘食到梅粉味😂#紫薯白兔糖麻糬吐司 🐇其實都食到飽飽哋，但無理由唔試佢嫁嘛因為諗住芋泥無乜味所以揀紫薯結果最後到紫薯嘅甜味蓋過哂白兔糖嘅甜味另外暖嘅紫薯泥夾埋凍嘅麻糬嚟食口感好得意但最有驚喜嘅係佢個多士，好香口👍🏻#芋泥珍珠小芋圓 🧋好足料，成杯都係芋圓同珍珠，食芋泥食到飽🤣#抹茶紅豆小芋圓 🍵真係太足料，朋友都飲唔哂

想試呢間好耐啦終於搵到多2個朋友一齊去試下多d款既野食除左出名既芋泥三文治仲有其他熱食呢個係我個人既排名首選甜不辣 草莓醬🍓好食到我忍唔住問店員甜不辣佢地既係用咩黎做 點解甘好食！原來佢地用左魚肉同薯粉本身諗住其他味都好普通 一於試下草莓先以為佢落草莓粉 原來係點草莓醬 但係呢件事係夾架wo 同埋佢會問你想要幾脆 有幾個分數比你揀本身我地以為係炸地瓜 原來都有2樣揀既肉鬆芋泥吐司個人認為...芋泥唔夠香 同埋佢加左牛油🤔🤔其實唔需要落牛油呀 但係可以甘樣食芋泥係幾滿足既芋見紫薯吐司同上 紫薯有好香蕃薯🍠味既牛三寶湯麵呢個湯底要讚！ 佢好似有少少台式既十全大補湯好香好好食！夜市鹽酥拼盤四季豆 鹽酥雞 花枝丸 蝦卷花枝丸正燙青菜 台灣士林香腸 + 特調蒜蓉醬 (小碟)不是普通既黑橋牌腸 ！亦唔係cheap cheap既台灣腸控肉便當控肉同蛋好食不過上面2格配菜 賣相分不足芋泥珍珠小芋圓重點佢比茶 仲大杯！左: 白桃烏龍茶 右:金鑽鳳梨烏龍茶仙草3號 另加小丸子透明既粒粒好食大芋圓（自家製？） 個餡唔係幾好食 🤔 乾乾粉粉的 希望佢地會繼續研發啦總括黎講熟食好似比佢重點主打既好食🙈定係芋泥唔

因為疫情的關係，已經一年冇去過旅行了，當中最懷念嘅就係台灣又平又好食嘅美食。今日喺荃灣發現一間裝修企理，較少女風的台式餐廳。驟眼睇餐牌，第一眼就芋泥厚吐司所吸引。因為想留肚食更多嘅小食，所以叫咗個肉鬆芋泥厚吐司。肉鬆同芋泥佈滿整個吐司，每食一啖肉鬆同芋泥都好似要流出嚟咁。主食方面，叫左一個乾拌麵同魯肉飯（大）。乾拌麵麵質爽口夠粗身，拌麵汁口味香濃，微辣口感滋味豐富，力推！魯肉飯的魯肉佈滿整個飯面，比例剛剛好，每一啖都食到魯肉同白飯。最值得一讚，兩個主食都有半隻糖心蛋，熟成度恰到好處。小食方面，叫咗一個小食拼盤，有齊炸花枝丸、鹽酥雞、四季豆、甜不辣，一碟滿足晒我哋四個願望☺️☺️每樣小食都炸到外皮香脆，加上少少椒鹽，好似返咗台灣夜市嘅感覺！飲品方面，叫咗一杯芋泥珍珠小芋圓。最令人驚喜係竟然飲品都有一大嚿芋泥，同埋唔同口味嘅小芋圓。鍾意芋泥同芋圓嘅人千祈唔好錯過！