蓮香居 (已結業)

懷舊酒樓，要好乾淨嘅環境就未必啱你，不過整體算係企理嘅。食物質素同味道OK啦，勝在有好多款懷舊點心可以食到😋 今日四個人叫咗南乳豬手👍🏼黑椒牛孖筋👍🏼潮州粉果 呢個唔記得咗叫咩名🤣 味道一般煎堆仔👍🏼芋角👍🏼👍🏼皮蛋酥👍🏼👍🏼杏汁豬肺湯，一般，咸咗啲！魚腸焗雞蛋，至在回味吓，但真心唔算好食。實咗啲，魚腸份量亦少咗啲，味道一般😳鴨腿湯飯👍🏼服務方面都OK㗎，不過要幫手最好搵喲部長，因為啲姐姐你問佢乜佢都係答你「冇」㗎🤣

如果想要感受一下舊香港嘅飲茶文化，蓮香居係你不二之選。位處於上環，蓮香居2樓係屬於大堂茶座，不設+1服務費，但有機會需要同其他人搭枱。而3樓就不設搭枱但就需要加收+1服務費。大包: 成隻碟咁大，用料豐富，每個大包入邊仲有一隻鵪鶉蛋🥚，有叉燒有肉柴魚花生粥: 估唔到有咁大碗，粥底軟綿綿蝦餃: 比想像中細粒，啲皮比較厚，應該都會有識得欣賞佢嘅食家黑椒爽肚+豬肚燒賣: 而家喺茶樓比較少見，認真嘅，想食呢類型懷舊點心嘅，真係冇乜得選擇

稱得上舊式茶樓，一定要有點心車推下推下先至合資格，不過一來土地問題，二來唔想D客人坐咁耐，所以基本上都已經好少有推點心車的酒樓可以搵得到了，不過呢一間仍然有，真係要好好珍惜。二樓唔洗加一，所以通常都多D人，為了唔想等咁耐位，決定上3樓，不過都要等15分鐘左右先有位。其實都好鍾意食蝦餃，所以見到一定叫啦，味道唔錯，正正常常咁啦。淮山雞扎真係好耐無見過，其實味道屬於一般，不過勝在懷舊下。芋角又係唔多地方食得到，就算食到，都係唔夠熱，呢度一出機乎即刻比人搶晒，所以喺度食點心真係要眼明手快，耳聽八方。焗西米布甸又係一絕，晚飯去就大大盤，午市飲茶就有迷你版，好味。蛋撻仔比想像中好味，新鮮熱辣。