谷芋 (已結業)

由紅磡行過去黃埔, 已經流哂汗...炎炎夏日, 梗係要飲下凍野消暑, 見到呢間個門面好吸睛, 粉紅粉紅, 就埋去睇下!仲有部夾公仔機, 大人細路都咁like!呢度其中一樣主打既飲品係加左新鮮手作芋泥, 好特別.芋霸布能一啖飲到哂芋圓珍珠, 芋泥同豆花, 好足料.D芋泥唔會好甜, 食到啖啖芋頭香味~珍珠煙韌, 有咬口, 飲完成杯仲好有飽肚感XD要用D力水先可以搞得勻~芒果白虎奶蓋好refresh! 芒果沙冰香甜, 打得好細滑, 唔會咬到有碎冰~加埋D香滑既芝士奶蓋, 同豆腐布甸, 口感好豐富!店鋪唔算好大, 但有個咁靚既background for影相, 正!

作為蕃薯芋頭控的我一早已經Mark或咗呢間位於黃埔德民街的香芋飲品專門店。知道老公當日係附近剪頭髮,即刻叫佢買比我飲。全店淡粉紫色,好少女店內主打-芋頭豆豆很有層次的一杯飲品 ，第一層是新鮮即日製造的芋泥，第二層是紅豆蓉 ，首先以上兩種食品都給人很甜的感覺。但谷芋造出來的芋泥和紅豆蓉都十分出色。香濃得來 絕不會太甜。而第三層是豆奶，味道亦十分出色。第四層是黃金珍珠和芋圓。珍珠和芋圓十分軟糯！記住飲前一定要搞拌。才可以將所有層次溶為一體。達到最高享受。不愧為店員介紹的必飲之作。第二杯-芋霸布能 和芋頭豆豆差不多,底層加上滿滿的豆花。令成杯飲料更添口感。特發奇想,如果將呢杯飲料,放在碗上作甜品出售定必大受歡迎。

手調飲品店開到總有一間係左近，大部分都係主打珍珠奶茶，芝士奶蓋系列，沒有太令我心動，今日落街買野實在太熱，就係呢粉系裝飾吸引左，其實裝修絕對唔係吸引我之處，最主要呢間茶飲店主打“芋”~ 作為芋控點都要支持下同老公各自揀左一杯芋霸布能~（中杯size），底層先舖上豆腐布典，再上係芋泥，再舖上珍珠，之後再加上豆奶，味道好夾，重點是不會過甜，除左飲得之餘，亦好有口感，大家可以考慮為飲得又食得既甜品，因為飲完都飽肚既柚子鳳梨果茶~呢個比較簡單，就係鳳梨加柚子，再加果茶，同樣唔會過甜，呢款飲品成為左夏天不二之算既消暑恩物！有個細心位，會附上X飲管，咁就可以連生果都食晒最後~間舖頭好sharp既，係！全！粉！紅!行過一定會見到，又有一排位可以坐，大家就可以坐底涼住冷氣咁等飲品啦！

夏日炎炎最適合就飲番杯手調飲料解暑, 去黃埔睇戲經過呢間新開嘅鋪頭, 見到入邊有人批緊新鮮芋頭皮😍即刻好想試下同先生兩個人一人叫咗一杯, 我揀咗芋霸布能, 佢就揀咗芋頭豆豆, 因為貪佢夠大杯😂勢估唔到, 佢個杯係超好飲! 豆奶加大量鮮芋泥同芋圓😍估唔到咁夾!! 佢嘅芋圓係整到好似珍珠咁嘅大細, 口感比一般嘅芋圓爽口啲😋😋😋我揀嘅芋霸不能亦唔錯, 基本上材料差不多, 係芋泥比例上冇咁多同埋多咗d類似豆腐花咁嘅嘢(但又比豆腐花爽口)😋好特別夏日炎炎成日都想飲嘢解暑, 相比起市面上好多其他嘅飲品店, 飲嘅時候有時都有少少心虛, 芋泥飲品真心係一個唔錯嘅替代品😁好推薦!

作為中女既我都有少女心嘅💕完全俾哩間新開pink pink茶店吸引左，成間舖都係粉粉嘅好靚😍 有好幾款以芋頭做主打既飲品好受歡迎，所以就揀左其中兩款試試佢……-☆ 芋頭櫻櫻西米露  HKD$32/中杯顧名思義用能芋頭做主題，哩杯飲品就已經有半杯係芋泥，好大方👍 芋頭超延綿又新鮮，聽老闆娘講芋泥每日用機新鮮磨製，食到一粒粒芋泥粒🤤 西米亦煮得好腍，加上粉色效果係用火龍果溝鮮奶做成，好有心思💕-☆ 芋霸布能  HKD$32/中杯因當日珍珠太好賣，所以珍珠轉左做芋圓，咁仲開心啦🤣 芋圓加豆花哩個組合永遠無得輸👍 芋圓每日新鮮製造，口感煙煙韌韌，再加上滿滿芋泥，真心正口感一流🤭😋-除左芋頭飲品外，舖頭仲有好多唔同種類既飲品，老闆亦十分接受及聆聽客人意見而整體覺得芋泥飲品都幾有gimmick，飲完覺得好飽，咁就可以慳返餐👍😂😂