湯•米 (已結業)

《湯•米(將軍澳)》今日買左飛去將軍澳睇戲，於是入場之前就去左呢間叫做湯•米嘅台式臭臭鍋食。由於今日做野太忙無食到lunch，於是見到menu上嘅野食都幾吸引就忍唔住水樣樣都叫啲😋🇹🇭泰式海鮮鍋天氣咁熱食臭臭鍋都想食啲開胃嘅口味，所以就揀左呢個酸酸辣辣嘅鍋式，味道雖然無地道泰國菜館咁正宗但都好足料夠味👍🏻 而配料方面有爽口嘅大蝦青口，吸味精選嘅蟹棒豆腐芽菜支竹薯仔粟米。作為芫荽控，見到店家加多一大把芫荽，成個鍋啲味道升華左🆙🐷藥膳豚肉鍋我對藥膳都有一定程度嘅忠愛🤤去飲茶都會叫個藥膳雞腳所以對於藥膳乜乜乜都會想試🫶🏻呢度嘅藥膳豚肉鍋本身湯底都足料夠味，仲有枸杞紅棗蟲草花越滾越出味👍🏻另外豚肉份量好多有6-7片同埋配料都同海鮮鍋一樣咁豐富，絕對唔會餓住走。🧆鹽酥系列由於太餓嘅關係，一行兩人除左叫上面講兩個鍋之外經店家推介之下我地都叫左佢地三樣嘅鹽酥小食。鹽酥臭豆腐真心有台灣街邊小店嘅風味，係廚房炸起未上到枱我已經好有把握咁話一定係我地個臭豆腐嚟緊，味道香味口感都好掂🤪鹽酥花枝墨魚丸出奇地好食，我自己都試過整呢個但係好容易炸得太耐粒花枝丸乾哂摷哂皮，一係就粒太出水太勁整完出嚟冧哂，所以都係建

呢度嘅台式一人小火鍋 每樣配料都係得一兩件 不過種類好多 滿足晒咩都想食嘅選擇困難症朋友仔🙌🏻基本上每鍋嘅配料都差唔多 但唔同款都會有少少唔同特色😚.餐廳中間有一張調味料枱 有五種分別係: 沙茶醬, 辣椒粉, 蒜蓉醬, 豆瓣醬同豉油🧂餐廳建議係一羹蒜蓉醬+兩羹豉油+三羹沙茶醬/豆瓣醬😝.📌招牌臭臭鍋 $98台灣最出名嘅臭臭鍋 配料:豬大腸2件, 牛肉八塊, 鴨血一塊, 臭豆腐四件, 粟米, 枝竹, 貢丸, 豬皮, 冬菇, 娃娃菜, 芽菜, 香菜, 鳴門卷, 雞髀菇, 鷹嘴豆, 紅薯粉, 萵筍, 木耳絲, 腸仔, 金菇🥳小火鍋會跟埋飯/粉絲 仲可以加$12升級為滷肉飯添🍚臭臭鍋唔算話好臭 略嫌唔夠臭🤣臭豆腐幾正宗真係幾臭🤍鴨血好實淨 但有少少鴨腥味🦆豬大腸炆得好軟淋入味 入面清潔得好乾淨 可惜剩係得兩舊仔🥺香菇貢丸有少少麻油味 豬皮浸咗咁耐都仲係好爽脆 索晒啲湯唔錯👍🏻但蔬菜粉絲浸得太耐會好鹹🙈.📌酸菜魚鍋 $103 雖然係台式火鍋 但都有比較香港人口味嘅酸菜魚鍋🇭🇰每次食酸菜魚都係一大盤 今次竟然有一人份 即刻試吓佢🤫配料: 酸菜, 魚腩, 腸仔, 娃娃菜, 紅薯粉, 冬菇, 豬皮,

突然間心血來潮好想食火鍋呀～ 諗起湯·米嘅臭臭鍋，就即刻上網Book定位先去到餐廳真係好full好多人，好彩等左幾分鐘有位啦!！一人一鍋可以揀自己鍾意嘅口味我地兩個人揀左兩個唔同嘅鍋去試下，再每人叫左杯野飲係等食嘅時候就緊係去攞定啲醬汁先啦，我地就跟著左佢個完美比例去整嘅1＋2＋31️⃣ 沙茶牛肉鍋（跟飯）由於唔食得辣嘅關係，就揀左不辣啦。佢啲材料有好多好多，有薯粉，牛肉，牛丸，娃娃菜，椰菜，金針菇，鮮冬菇，豆腐，粟米，炸薯仔，枝竹同埋鳴門卷。湯底係好香濃，啲餸好入味， 配飯一流呀2️⃣ 招牌臭臭鍋 （跟粉絲）一樣都係揀左唔辣嘅，呢個鍋嘅材料比牛肉鍋更加多，有薯粉，臭豆腐，牛肉片，鴨血，滷大腸，貢丸，娃娃菜，椰菜，金針菇，鮮冬菇，豆腐，粟米，炸薯仔，枝竹同埋鳴門卷。一黎到就已經聞到臭豆腐嘅味道，又唔係好臭個種，但係啲豆腐真係好好味。加上粉絲好吸湯，好似吸晒啲精華落啲粉絲度咁3️⃣ 芋香珍珠奶茶佢雖然睇落無紫色好似普通嘅珍珠奶茶，但味道都有香芋味，但唔算濃郁。4️⃣ 芝士紅玉佢嘅芝士奶蓋好厚，有好濃郁嘅芝士味，啱晒我呢個芝士控不過啲茶就甜左少少，下次再叫嘅可以叫少甜試下。最後埋單二百幾蚊埋單，尚算抵食