影片
更多
2015-05-30
2402 浏览
因為要攞D野俾人簽，所以過來呢頭。十二點半覺得肚餓，所以找個地方食個lunch先，想起可以嚟牧羊少年，所以就行過去葵青劇院。Lunch Set的選擇唔多，天氣又熱唔想食飯、意粉，但又冇沙律，所以就叫咗燒雞中東包。跟餐有湯及餐包。蕃茄香草意大利粉包，有番茄味同埋香草味，包都好軟熟。其實不用加牛油，我覺得會蓋過個包本身個味道！餐湯羅宋湯好濃，亦都後多料，不過太酸！我比較鐘意羅宋湯都有少少香辣，但係呢個只係得酸味，所以不合我意。跟餐加$5可以要是日特飲---奇異果荔枝鮮打綠茶，顏色好清而且見到有一粒粒嘅奇異果核，相信真係用生果打出來的，飲落都好有荔枝味道。呢個雖然係綠茶，但茶味唔算濃，亦冇綠茶的苦澀味，比較似果茶很適合咁熱的天氣！其他的鮮打綠茶睇落都唔錯！除咗個包仲配有薯條及沙律；薯條炸得幾好，好香脆之餘亦有薯仔肉；不過沙律就差少少唔夠新鮮，所以唔爽口，配上芝麻汁味道可以。個包用料都好豐富，除了有很厚的雞肉外，仲有芝士、蕃茄、洋蔥及生菜。蕃茄及洋蔥都好新鮮，而且都係厚切。雞肉都算得上juicy及腍身，不過一食落去就知道係雪藏的。當然我明白呢個價錢同今時今日邊會用新鮮雞，但寧俾人知莫俾人"試"
Lunch Set的選擇唔多，天氣又熱唔想食飯、意粉，但又冇沙律，所以就叫咗燒雞中東包。
跟餐有湯及餐包。
蕃茄香草意大利粉包，有番茄味同埋香草味，包都好軟熟。其實不用加牛油，我覺得會蓋過個包本身個味道！
餐湯羅宋湯好濃，亦都後多料，不過太酸！我比較鐘意羅宋湯都有少少香辣，但係呢個只係得酸味，所以不合我意。
跟餐加$5可以要是日特飲---奇異果荔枝鮮打綠茶，顏色好清而且見到有一粒粒嘅奇異果核，相信真係用生果打出來的，飲落都好有荔枝味道。呢個雖然係綠茶，但茶味唔算濃，亦冇綠茶的苦澀味，比較似果茶很適合咁熱的天氣！
其他的鮮打綠茶睇落都唔錯！
除咗個包仲配有薯條及沙律；薯條炸得幾好，好香脆之餘亦有薯仔肉；不過沙律就差少少唔夠新鮮，所以唔爽口，配上芝麻汁味道可以。
個包用料都好豐富，除了有很厚的雞肉外，仲有芝士、蕃茄、洋蔥及生菜。蕃茄及洋蔥都好新鮮，而且都係厚切。
雞肉都算得上juicy及腍身，不過一食落去就知道係雪藏的。當然我明白呢個價錢同今時今日邊會用新鮮雞，但寧俾人知莫俾人"試"到嘛！食落去仲有雪味，雖然只係少許，但明顯係解凍時間唔夠啦！不過好彩有芝士及醬汁蓋過雪藏味，所以都唔算好明顯，可以接受。
题外话/补充资料：
不過我個餐就等咗好耐都未嚟，飲完個湯食完個飽，連飲品都上咗，見到我附近幾枱遲過我嚟嘅客人都已經食緊野。結果我飲完個湯食完餐包，再等左差唔多15分鐘個main course包先嚟！好彩我唔趕時間！
另外，唔知係咪因為天氣熱，而且我又坐室外，我個人嚟過係冇問題，不過d staff 就成日企咗係近室內門口的位置，咁啱我個位又有個屏風檔住，所以成日都叫唔到人，叫埋單都係咁啱個厨師行出來攞野，先叫到人埋單！
(以上食记乃用户个人意见 , 并不代表OpenRice之观点。)
张贴
