影片
更多
2015-05-30
2405 浏览
因为要攞D野俾人签，所以过来呢头。十二点半觉得肚饿，所以找个地方食个lunch先，想起可以嚟牧羊少年，所以就行过去葵青剧院。Lunch Set的选择唔多，天气又热唔想食饭、意粉，但又冇沙律，所以就叫咗烧鸡中东包。跟餐有汤及餐包。蕃茄香草意大利粉包，有番茄味同埋香草味，包都好软熟。其实不用加牛油，我觉得会盖过个包本身个味道！餐汤罗宋汤好浓，亦都后多料，不过太酸！我比较钟意罗宋汤都有少少香辣，但系呢个只系得酸味，所以不合我意。跟餐加$5可以要是日特饮---奇异果荔枝鲜打绿茶，颜色好清而且见到有一粒粒嘅奇异果核，相信真系用生果打出来的，饮落都好有荔枝味道。呢个虽然系绿茶，但茶味唔算浓，亦冇绿茶的苦涩味，比较似果茶很适合咁热的天气！其他的鲜打绿茶睇落都唔错！除咗个包仲配有薯条及沙律；薯条炸得几好，好香脆之余亦有薯仔肉；不过沙律就差少少唔够新鲜，所以唔爽口，配上芝麻汁味道可以。个包用料都好丰富，除了有很厚的鸡肉外，仲有芝士、蕃茄、洋葱及生菜。蕃茄及洋葱都好新鲜，而且都系厚切。鸡肉都算得上juicy及腍身，不过一食落去就知道系雪藏的。当然我明白呢个价钱同今时今日边会用新鲜鸡，但宁俾人知莫俾人"试"
Lunch Set的选择唔多，天气又热唔想食饭、意粉，但又冇沙律，所以就叫咗烧鸡中东包。
跟餐有汤及餐包。
蕃茄香草意大利粉包，有番茄味同埋香草味，包都好软熟。其实不用加牛油，我觉得会盖过个包本身个味道！
餐汤罗宋汤好浓，亦都后多料，不过太酸！我比较钟意罗宋汤都有少少香辣，但系呢个只系得酸味，所以不合我意。
跟餐加$5可以要是日特饮---奇异果荔枝鲜打绿茶，颜色好清而且见到有一粒粒嘅奇异果核，相信真系用生果打出来的，饮落都好有荔枝味道。呢个虽然系绿茶，但茶味唔算浓，亦冇绿茶的苦涩味，比较似果茶很适合咁热的天气！
其他的鲜打绿茶睇落都唔错！
除咗个包仲配有薯条及沙律；薯条炸得几好，好香脆之余亦有薯仔肉；不过沙律就差少少唔够新鲜，所以唔爽口，配上芝麻汁味道可以。
个包用料都好丰富，除了有很厚的鸡肉外，仲有芝士、蕃茄、洋葱及生菜。蕃茄及洋葱都好新鲜，而且都系厚切。
鸡肉都算得上juicy及腍身，不过一食落去就知道系雪藏的。当然我明白呢个价钱同今时今日边会用新鲜鸡，但宁俾人知莫俾人"试"到嘛！食落去仲有雪味，虽然只系少许，但明显系解冻时间唔够啦！不过好彩有芝士及酱汁盖过雪藏味，所以都唔算好明显，可以接受。
题外话/补充资料：
不过我个餐就等咗好耐都未嚟，饮完个汤食完个饱，连饮品都上咗，见到我附近几枱迟过我嚟嘅客人都已经食紧野。结果我饮完个汤食完餐包，再等左差唔多15分钟个main course包先嚟！好彩我唔赶时间！
另外，唔知系咪因为天气热，而且我又坐室外，我个人嚟过系冇问题，不过d staff 就成日企咗系近室内门口的位置，咁啱我个位又有个屏风档住，所以成日都叫唔到人，叫埋单都系咁啱个厨师行出来攞野，先叫到人埋单！
(以上食记乃用户个人意见 , 并不代表OpenRice之观点。)
张贴
