小方糖甜品 (龍崗道)

营业中

休息中

同fd係九龍城食完飯想繼續傾多陣計於是就即興走左入呢間糖水舖食糖水一行入去已經問到好香牛油味！跟住見到好多台都有叫呢款甜品見佢睇落咁正，聞落又咁香我地即刻決定要跟機叫個芒果拿破崙黎食價錢印象中都好似好平由於期望真係好大嘅緣故，食第一啖個下我已經小小失望🙍🏻‍♀️🙍🏻‍♀️🙍🏻‍♀️因為完全好似食緊空氣！！成個甜品係用芒果，cream同埋焗到脹起但係份量其實好少嘅麵面皮整每一啖都係得d脆又唔係脆，韌又唔係韌嘅麵粉殼有d唔知自己食左d咩嘅感覺雖然係好酥脆，但係真係得番酥脆冇其他口感好可惜，如果有d餡，或者個拿破崙本身多d嘢就好了

係九龍城同FD食完飯，緊係要食埋甜品先走啦。之前記得有朋友黎食過都話OK，就過黎試下。門口都幾多人排隊，我地都等左一陣先入到去。我地就叫左芒果拿破崙同埋朱古力蜜糖吐司。拿破崙同蜜糖吐司份量都幾多，而且賣相都幾好。個拿破崙勁脆，芒果又甜又好食。而朱古力蜜糖吐司上面雪糕好正，吐司都好脆。如果大家下次經過九龍城都可以試下

今日女友人食完飯，未算很飽腹又想吃甜品，於是我們便想起九龍城的小方糖。小方糖當中的芒果拿破崙($33)十分出色，一碟有三條拿破崙，附上大量芒果肉，芒果汁，少許忌廉。份量十足，賣相相當吸引！拿破崙非常鬆化，一口咬下，口感豐富。芒果味道不酸，甜甜的，與拿破崙一起吃，味道很配合。

九龍城有好多甜品鋪有傳統、有創新今日想創新下😎芒果拿破崙一睇就知唔係平時食開個啲入面係空心太多忌廉，太流啦😕呢個由榴連肉，小丸子，拿呢嗱雪糕成個甜品都好夾唔錯！

因為家住元朗，甚少機會到九龍城，因到九龍城附近探病，當然不會放過機會四出覓食今晚食完水準大不如前嘅泰國菜，當然不能滿足我！來到九龍城一定要食甜品啦，不過太多間都唔知揀邊間好，經過小方糖門口，不是太多人，而且這店評價也好，所以決定這間！店內環境一般，勝在款式多，好難選擇，最後由男友決定。芒果拿破崙，一上枱嘩一聲！咁大份嘅！佢同我地想像中嘅拿破崙好唔同，起初覺得被騙，但一放落口，又真係幾好味喎！芒果夠甜，好酥脆！正！不過食落其實唔係真係咁大份焦糖燉蛋，即叫即整，一拎出黎熱辣辣，連上面層焦糖都未硬，不過剛好可以先吃完芒果拿破崙再吃這個！蛋味香濃，唔係一般好滑嘅質地，而係感覺厚厚的！食完見到碗底有一點點黑色，店員話係呍呢嗱籽，因為佢地唔係用呍呢嗱油做，所以會比較香濃！原來如此

二月份，氣氛甜蜜，增加了大家食甜品的意慾。剛在附近飽嘗泰國菜，附送甜品不夠美味，結賬後便到對面街的開張不久的小方糖作補「嘗」。心太軟：外表係有95分，尤其兩份都唔同設計，有心思，當然我最緊張係主角，唔....有啲失望，個漿杰，無乜流動，味道方面可以，唔太甜，我會俾「森泰遠」高分啲；芒果拿破崙：成碟飯咁高，以為會食唔晒，但切開就會見到，裡面好空洞，食落似陣風，芒果好甜；咖啡雪糕配啫喱：咖啡雪糕一般水準，啫喱無乜味，似龜苓膏；榴槤綿綿冰：朋友叫，我對呢個甜品係--聞可以，食唔得，無意見可以俾；牛乳紅豆芋圓：朋友意見欠奉。七人共六甜品，每人約$35，由於新開張，店內環境整潔，三五成群體驗甜蜜，是一個好地方。