馬來椰爺

营业中

休息中

算係近排嘅人氣小店，午市去到都要等半個鐘🫣有時間嚟試一試。餐廳座位有13個（4，4，2，2，1），想食就要俾啲耐性了。-呢度會有中場休息，午市只做12:00-15:00，趕唔切喺3點前入座，就要隔多幾個鐘，6點嚟食晚市。有一款湯底係晚市先有，所以晏啲嚟都有驚喜。-食咗：▪️招牌椰爺秘傳叻沙湯麵 - G4 原隻軟殼蟹、蜆肉摻摻 $118-軟殼蟹可以跟叻沙/咖哩湯底，心大心細兩邊都想試，最後決定先食叻沙，有機會再食咖哩湯。成碗麵最搶眼嘅係卜卜脆軟殼蟹🦀，相信蜆仔係有調過味，顏色偏深。隨麵附有半個開邊青檸，店員介紹食到一半先唧。湯底的確偏重口味帶椰香，攪吓個麵底，仲見到有細細隻嘅蝦仔添。食到中間加啲青檸汁調一調減膩。粗幼夾集嘅摻摻麵掛湯又大碗，一碗攪掂。-舖仔細細店員唔多，食物同飲品製作需時，每款都要等一等。-▪️芒果斑蘭椰汁冰 $28（午市減$8）🥤斑蘭椰汁冰底部加咗芒果醬，有啲果肉。不過又唔記得東南亞菜飲品指嘅冰係直接加冰🧊唔係沙冰，所以即係凍嘅芒果斑蘭椰汁特飲🤣-Like IG的話會送小食，嗰次去嘅係送白魚蛋兩粒，想加料可以支持吓佢哋。-無加一，只限現金

睇到其他Foodie介紹，呢日特登過嚟試吓叫咗佢嘅”招牌椰爺秘傳叻沙湯麵 “，呢個湯底有四款配搭，i) 鴨胸肉配金沙骨；ii) 肥牛配金沙骨；iii)虎蝦配帆立貝；iv) 軟殼蟹配蜆肉order咗 《招牌必試·廚師推介》嘅”原隻炸軟殼蟹 蜆肉 無味精 椰爺秘傅叻沙 摻摻” 🦀🦪🍜 店員一放低碗麵，我即時心心眼😍隻軟殼蟹脹卜卜咁伏喺面，接近半個碗面咁大🤩快快手影完相，就即刻飲啖湯試吓先嘩~~~ 個湯底使唔使咁香濃呀？ 原本怕味太濃，但原來同埋啲麵一齊又啱啱好啵～啲麵夾雜埋青瓜絲，令碗麵加多重口感，又可以中和吓濃湯嘅膩感配料仲有豆卜，佢吸咗啲湯，入哂味(如果可以多兩粒就仲好喇～）主角軟殼蟹炸得出色，外面脆脆，內裏仲好軟熟juicy，廚師仲好細心咁去哂啲蟹腮同蟹腸，食得開心又企理🫶🏻碗麵附上半個青檸仔，店員建議碗麵食到一半，可以將青檸仔嘅汁唧入湯底，然後叫我哋分享吓加入咗青檸汁之後嘅分別果然～～～由於個湯底本身十分香濃，食到咁上吓，有少少膩嘅感覺，呢個時候，加入青檸汁，就可以消除膩感，呢一陣清新嘅青檸香味，令碗麵多咗另一番風味！🤩最後成功K.O.咗成碗湯麵，一滴湯都冇得留低，我本身對味精都敏

-{大角咀東南亞菜🍗}🤤 原隻炸軟殼蟹蜆肉無味精椰爺秘傳叻沙摻摻🤤 ($118)椰漿味好香😙飲落係超濃郁🥳好多香料味☺️原隻炸軟殼蟹大大隻仲要好多膏係入面😍😍😍摻摻份量都好多😜而豆卜真係好吸湯👍蜆肉就正常啦~之後再落青檸汁就中和返個味道🤓食曬成碗都唔會有好濟嘅感覺😋👖褲評: 9/10🤤 鮮香蕉流心班蘭椰香手工咖央多士 🤤($38)烘得香脆🤩第一次試香蕉加班蘭係好夾架🥰唔會話好厚醬但比例係啱啱好😙👖褲評: 8.8/10🤤 芒果斑蘭椰汁冰 🤤($28)原本係有3隻色分開咁 溝埋係椰汁味最出！而芒果粒都唔少😎👖褲評: 8/10當日晚飯食好滿足😌好耐冇食過高質喇沙☺️性價比: 8.5/10服務: 8.5/10環境: 7/10🚩 馬來椰爺 🚩地址: 大角咀櫸樹街62號富多來商場2期地下14號舖 #fuudjai #fuudjai東南亞菜 #fuudjai大角咀