允升甜品

营业中

休息中

去之前,已經睇過食評..睇落都唔錯~自己本身都係中意食甜品,所以試下都無妨!行到好熱,見鋪入面唔太多人又有位,諗住食冰涼野解下暑..我叫咗一個 " 什果水晶涼粉 "有好多西瓜,但係芒果同蜜瓜就少咗d..由於得水果同冇味既水晶涼粉,所以味道好清,唔太中意食甜野既人可以試下!另外幾個朋友就叫咗"芝麻糊"...."什果芒果西米露"同"芒果水晶涼粉"食到咁上下..我地叫咗幾件"芒果糯米糍"!見到有個阿姐係隔離枱不停整糯米糍,佢準備放入落糯米糍既芒果好大塊!!雖然$8件,但係非常足料!!咬開,食到大大啖芒果,芒果夠熟,好濃!之前去過其他甜品鋪,糯米糍都係皮厚肉少..呢間既糯米皮唔算厚,最重要係好多芒果肉!!走之前,我同朋友都打包5,6件拎走比屋企人試!

長洲第二站就黎左允升甜品喇芒果糯米滋/榴槤糯米滋 ($6.00)--叫左六個, 真係皮薄餡多, 芒果肉大大舊, 超甜, 正!芒果水晶涼粉($18.00)--芒果有少少酸, 水晶涼粉煙靭, 唔錯椰汁芒果腸粉($15.00兩條)--芒果甜, 腸粉皮有淡淡椰香, 正!

同朋友幾經波折...終於搵到允升甜品...間鋪係一條冇咩人既街...都幾難搵下 芒果糯米糍: 糯米糍煙煙韌韌 仲有好好好大粒芒果..正正正 芝麻芒果腸粉: 又係大大粒既芒果 芝麻腸粉做得不錯..又薄又滑但兩者既味道似乎唔太夾...同朋友食食下..就拆開....芒還芒...粉還粉咁食 芒果水晶涼粉: 芒果都係好好味...水晶涼粉好好咬 正!!唔駛諗啦.....下次黎長洲一定會再食!!!!