允升甜品

营业中

休息中

去到長洲行到咁上下, 找間小店坐低食個甜品, 甜品款式不花考, 味道唔錯 食物 : 芒果凍奶 $30 ~芒果新鮮幾甜, 奶凍香滑, 味道幾好 雪糕三色河粉 $32 ~ 雪糕是雲呢拿味, 三色河粉幾特別, 都幾香滑, 味道OK 環境 : 小店座位不多, 可能要等下位 服務 : 職員有禮貌 費用 : $62

以前允升嘅芒果糯米糍又香又甜，但最近一次再試，實在令人大失所望！年初四去長洲玩，見碼頭附近有人現包芒果糯米糍售賣，芒果塊望落顏色深黃，十分吸引，回程時便想買回家品嘗。心想允升係長洲元祖芒果糯米糍店，品質應該更有保證，所以便行遠啲都去允升花了百幾蚊外買咗1個榴槤糯米糍7個芒果糯米糍。榴槤糯米糍還可以，芒果糯米糍一咬極酸，芒果顏色淺黃，根本未夠熟，7個都是這樣，當中兩個仲有異味，過過哋咁，最後全部咬咗一啖就食唔落去，全部掉晒！作為老字號，保持品質最重要，芒果劏開就知道熟唔熟，唔得嘅仲要夾硬賣比人，咁樣做生意仲點會再有回頭客？一次開開心心嘅旅程就比啲品質咁差嘅芒果糯米糍破壞哂😤

允升甜品：長洲糯米糍 + 薑撞奶，懷舊甜品新體驗！今次喺允升甜品試咗兩款必點嘅招牌：長洲糯米糍同薑撞奶，完美演繹傳統手工甜品嘅魅力。今次終於試咗榴槤糯米糍，果然無負所望，真係令人一試難忘！外層嘅糯米皮煙韌柔軟，彈牙又唔會黏牙，薄得嚟啱啱好，完全凸顯咗內餡嘅濃郁榴槤香味。餡料用嘅係新鮮榴槤肉，香氣馥郁撲鼻，甜中帶少少獨特嘅果酸味，完全保留咗榴槤果肉嘅原汁原味。每一口都感受到啲榴槤肉溶喺口中嘅濃滑！薑撞奶就係另一個驚喜，暖胃又暖心。啖啖都有濃濃薑味，辣勁啱啱好，撞出嘅奶凍口感細滑，甜度適中，完美中和咗薑嘅辛辣，特別適合冬天享用，飲完整個人都暖晒。允省甜品嘅懷舊風味加上認真手工，真係值得一試！無論你係甜品控，定係想搵返童年回憶，呢度都係唔會令人失望嘅地方。✨

來長洲一定要食最著名的芒果糯米糍，其實近年已經有很多新的甜品店加入，但店內依舊坐滿客人，可見完全不影響他們的吸引力~點了一碗榴連椰汁西米露$40.芒果糯米糍$20.榴連糯米糍$20.略嫌糯米糍皮厚餡料小，芒果可能不是時令，味道有點酸..主要是來吃回憶啊

長洲的元祖級甜品店，每次來長洲也會到來，這次點了芒果布丁和芒果斑蘭布丁，芒果布丁口感滑順，芒果的天然甜味濃郁。但芒果斑蘭布丁卻令人失望。它的質地較硬，口感不夠柔滑。

好耐無去過長洲以前對長洲甜品嘅回憶一定係允升就算多左幾多競爭對手出面話邊間抵啲好食啲都係會返轉頭幫襯佢嘅芒果糯米糍仲會買返半打返去俾屋企人食..因為而家市區夠左好多芒果糯米糍賣所以今次揀左榴連糯米糍嘩真係顛覆左我嘅想像又細粒又少餡又厚皮真係食唔落 食淨半舊粉皮啲榴連唔係軟滑嘅 係啖啖有喳嘅..老公叫左碗楊枝甘露 我問佢有咩感受 佢話純粹當佢係又凍又甜嘅Liquid就無問題😂經過今次之後 我發誓 全個長洲無哂糯米糍我都唔會再返黎食簡直係回憶崩壞

傳統小店越嚟越少，呢間甜品店都食咗好多年，由中學食到而家，味道依然冇變😋最愛芒果系列甜品🥭三色芒果腸粉 $34有原味、黑芝麻、綠茶味，不過食落分別唔大，入面包住一舊芒果肉，芒果仍然係好香甜，多汁啖啖肉，都切得幾厚😝芒果糯米糍 $15雖然長洲有好多糯米糍，不過我就鐘情呢間，一如既往大大粒，皮夠薄，果肉被軟糯嘅外皮包粿住，好正！芒果味最好食，之前試過奶黃味同榴槤味都唔錯，不過今次太飽食唔落，下次再食🤤

長州 一年一度太平清醮 簡短一日遊～太平清礁係今日開始啦！係香港少有嘅傳統節慶，每年佛誕舉行正礁都吸引唔少人嚟到長州，其中仲有搶包山同飄色巡遊等特色節目添！因為疫情原因上年先開始復辦，大家想嚟睇嘅要mark實時間啦(˶‾᷄ ⁻̫ ‾᷅˵)嚟到長州見到周圍都係包山擺設🥖仲有舞龍舞獅嘅準備，同埋搶包山嘅比賽場地都準備好了❗️長州人流極多ε-(´∀｀; ) 但放假都可以嚟行下放鬆下，感受節日氣氛，行到攰就要搵甜品鋪同手搖解下暑啦🍨 今次Bellyjai嚟左間長州小有名氣嘅允升甜品，佢地嘅芒果糯米糍十分出色，即場製作，而且仲有榴連、紅豆等糯米糍選擇，一定唔可以錯過～ —————————————

長洲芒果糯米糍是一種以芒果為主要餡料的特色糕點，結合了糯米的口感和芒果的鮮甜。以下是我對長洲芒果糯米糍的描述：1. 芒果香濃：長洲芒果糯米糍的餡料以新鮮、成熟的芒果為主，芒果的香甜氣息充滿整個糯米糍，讓人垂涎欲滴。每一口都能感受到芒果的濃郁風味。2. 糯米糯滑：糯米糍的外層由糯米粉製成，口感綿軟且彈牙，糯米的特性使得整個糯米糍更加濕潤和滑順。3. 甜酸平衡：長洲芒果糯米糍的甜度來自芒果本身的天然甜味，而且通常會加入少量的糖進行調節。甜味與芒果的酸度相互平衡，使整個糯米糍的口感更加和諧。4. 色彩鮮豔：長洲芒果糯米糍的外觀以鮮艷的橙色為主，搭配著糯米糍的白色外層，色彩鮮豔且吸引眼球。總的來說，長洲芒果糯米糍是一道令人垂涎的糕點，結合了糯米糍的綿滑口感和芒果的鮮甜風味，帶給人們一種獨特的味覺享受。無論是作為甜點還是下午茶的選擇，它都能帶來愉悅的味覺體驗。

My friend lives in Japan and returns to Hong Kong every year, it’s her ritual to visit Cheung Chau each time when she’s back. Being a big loyal fan of this dessert place, she insisted to feast here! Minimum order is one bowl/ glass of dessert per head, excluding any mango mochi order. I had a hot bowl of tofu fa with black purple rice, the tofu fa was silky AF, and literally glided down your throat. The mango rice rolls were covered in mango sauce. The skin was made with purple rice and was very

閑日下午兩點幾去到，全店冇顧客，兩個職員在廚房看見我們進來，但坐低很久仍沒有理會，餐牌也要問才拿來，我們兩人叫一客糯米糍及一客糖水，店員話唔可以，因為有最低消費，而糯米糍的消費不計算在內，如果只吃糯米糍就要拿走到外面吃，結果只好叫兩客糖水加糯米糍，蛋白杏仁茶好像漿糊一樣，完全冇味，也不見有蛋白，比用杏仁粉開的更差，芒果糯米糍亦淡而無味，一定不會再來 !

行過長洲，真係唔可以錯過呢間店既糯米糍，食完之後，個嘴巴仲留住嗰份幸福既甜味。首先，個芒果糯米糍啫啫哋🤤，個皮薄薄，糯米氹氹軟滑，入口即溶。啲芒果香甜得嚟又新鮮，啖啖肉食落去真係正到不得了！🥭第二個試嘅，係黑糯米皮糯米糍。凍凍哋既質感，加上軟綿綿嘅口感，又吾錯，但就未夠芒果版嚟咁出色噃～😌當然，唔少得個楊枝甘露，佢個甜度啱啱好，每一啖都有足夠嘅芒果同西米，飲完之後涼心又爽口，飯後嚟一杯真係正😍！落禮拜，我一定要再過嚟頂返幾個糯米糍。話咁快，我已經開始掛住個味！如果你都係糯米糍控，千祈唔好錯過咯！🍡

長洲必食芒果糯米糍大家一定聽唔少，允升就係芒果糯米糍嘅元祖店了！朋友今次仲特別推介我哋一定要試佢哋嘅紫糯米～🍴芒果糯米糍 / 紫糯米皮 $𝟭𝟲依舊皮簿餡靚，中午去仲見到老闆係現場即整，芒果鮮甜，糯米糍軟身得嚟又有嚼勁，食落啖啖新鮮！紫米會比普通糯米更加香口，淡淡嘅紫米香氣配搭芒果嘅鮮甜原來真係會令成個口感昇華，都會比較甜一啲～我哋第一日下午𝟰、𝟱點去到已經賣哂紫米糍，第二日中午先買到。大家如果想試記得預早小小！

有廣州同事快閃香港，特意帶佢哋過長洲玩半日，本身佢哋想試其他店嘅芒果糯米糍，我話呢間最正宗，所以專登帶佢哋嚟呢度食。豆腐花自己落糖水，呢個我理解。但係紫米露食落去一啲甜味都冇。另外我哋都叫咗芒果糯米糍，咁我見佢冇叉俾我，直接去櫃位問佢攞。男店主話食芒果糯米糍唔可以用叉。跟住我返埋位再好無奈噤望佢一眼，佢就叫另外一啲店員俾咗啲牙籤仔我哋，牙籤仔真係拮得起一嚿芒果糯米糍，不過幾個同事食到好狼狽。如果一嚿$16嘅糯米糍都包唔起一隻膠叉嘅話，咁不如買啲可以循環嘅工具嚟用。仲有塊芒果係大而無味嘅，連本身芒果㗎香味都無。衞生我唔講啦⋯⋯

以前細個同屋企人入長洲玩，一定會食允升，食完仲會買返幾粒芒果糯米糍返屋企，好開心呢🤭不過人大咗，食過嘅甜品亦都越嚟越精，今日再訪允升，無論款式定味道都已經被好多甜品店拋離，食嘅只係情懷☹️✴️楊枝金露✴️芒果汁唔會太甜，有淡淡芒果味🥭入面有細細粒芒果肉同西柚，不過唔算多料～西米可以煮得再煙韌啲，口感會更佳～✴️雜果涼粉✴️自已落糖水，涼粉質感太冧太軟，一咬就散開，無咗涼粉本身彈牙嘅口感，不太喜歡😖✴️鴛鴦芒果腸粉✴️白色係椰汁⚪️黑色係芝麻味⚫️腸粉幾滑身，皮有彈性，芒果大塊香甜，係今次最好嘅甜品～