XOXO Café Lab (已結業)

適逢星期二睇戲有特價，約好媽媽食完晚飯再直落睇戲😬行過一間裝修滿可愛的小店，整間以白色海綠色為主色，店內有不少花束作裝飾，座椅寬闊，整潔舒服。我地點左個韓式芝士豚肉面，有泡菜辣味，有日左菇同豚肉，份量都算大。鹽酥豆腐同鹽酥雞粒質地外脆內軟，而且上碟時熱辣辣，不錯～燒魷魚肉感厚實，伴有清新沙律，令人好開胃蚵仔泡菜蛋餅都係辣鮮滾熱辣上菜，芒果鳳梨水果茶，大大杯夠兩個人飲，顏色好深，建議甜度可調輕少少。另外原來滿$150會送青口😃整體來說，環境很舒服、服務不錯，價錢算平，適合三五知己幾個人點好幾個菜share,慢慢聊一整晚。

上次係九龍灣食過XOXO之後，非常回味！最近發現女人家坑口果頭都開左間XOXO，就決定過尼解決晚飯。餐廳外觀保持一貫XOXO的風格，以藍白色做主調，配合歐陸式感覺。古式街燈感覺好特別。門口有XOXO主題的卡通角色。中間的一道牆製造左外內之分。我地坐左係裏面。天氣凍凍地，叫番杯熱野飲，芒果鳳梨水果茶。份量都幾多 一壺2個人飲，都飲到2杯半到。甜甜的芒果菠蘿味，茶壺中間仲放左D細粒果肉，可以放舀落隻杯到。主菜之一：芝士忌廉菠菜年糕。有韓國年糕，菠菜，滑子菇，菠菜餃子，小豆芽菜，以忌廉白汁煮成。非常香滑，蔬菜中和番忌廉的奶滑感，非常配搭。菠菜餃子非常扁身，有點像外國式的餃子，得3隻，有D唔夠喉主菜之二：encore的香草烤澳洲羊柳。女人話食過番尋味，要再食。坑口呢間仲可以選擇配飯或生菜包，我地選左配飯。日本米飯上面的紫菜條配飯好好味 XD。仲有小杯裝麵豉湯。羊柳保持水準，軟滑，冇令人反感的羊膻味。烤羊的汁配飯一流。主菜之三：燉牛肉芝士餡餅呢個超級好食！鐘意食北京上海野嘅朋友唔可以放過！類似北京餡餅，不過餅皮薄好多，但保持一定的口感。裏面的牛肉好野味，仲有芝士！超薄餡餅，但係一個人食3 塊都幾

行過商場，見到呢間Cafe裝修唔錯，選擇又多，就入黎試下。一望餐牌，發現食物種類好多，台式、韓式都有。熱帶鮮果優格沙律 $68沙律味道普通，份量亦普通。七味燒魷魚 $52個魷魚反而燒得幾好，好入味。鮮蚵仔泡菜蛋餅 $62蛋餅結合台式及韓式，幾特別。如果味道濃小小會更好。泡海鮮鹽酥抱抱 $128外面係用蛋白整成的泡泡，入面係海鮮飯。整呢個真係好有心機，味道好好，蛋白加飯一齊食，正。芝士燒豬肋排 $118個豬肋排辣辣地加埋芝士無得頂，食到停唔到。味道岩岩好，似食緊韓式豬肋排的味。最後叫多兩杯飲品冰珍珠奶茶較出色，水果茶就太甜。