餃子縣餃子專門店 (已結業)

同媽咪行開旺角辦年貨，去左呢間餃子縣食餃子，環境企理清潔。成間店都係主打餃子，有得叫餃子加麵/散叫。因為媽咪想食酸辣湯麵所以最後我地散叫。一黎就叫左多餃子樂園，再加$4轉冰花煎餃，係有4款味，番茄芝士、黑松露芝士、辛辣芝士同三重芝士餃。呢幾款餃做煎餃好岩，因為芝士溶溶地，加上脆脆外皮，金香可口。蕃茄，黑松露味都好重，辛辣芝士餃好有韓國風味。另外湯餃就自選左五款，唔同種類嘅菜肉餃，大大隻，皮唔算厚，清清地，幾好食。之後仲叫左兩款小食，涼拌蓮藕同蒜辣雞翼尖。兩款都好香好野味。蓮藕爽口，小小麻辣味，愈食愈上癮。 蒜辣雞翼尖（細）都好多隻，有排食。整體係一間都好多種類好多選擇嘅餃子店，唔錯👍🏻

喺旺角行街時發現左哩間餃子專門店，食完同朋友都覺得好正，要即刻同大家分享！睇到餐牌上既芝士餃子真係留晒口水呀，因為大愛芝士😆食餃子都中意叫番杯豆漿飲，$8唔貴而且微甜唔係死甜果隻，健康又新鮮👍🏻淨食餃子有d單調，叫左碟滷水拼盤食，金錢肚同五香牛展特別喜歡，好入味！到是日主角出場喇！樣樣都想試既我最岩叫芝士樂園(番茄芝士、黑松露芝士、辛辣芝士、三重芝士)每樣各兩隻。一咬開就會流出香濃芝士汁，個人覺得番茄芝士同黑松露芝士最值得推介！朋友就推介哩款芫茜海鮮餃，味道較清，有蝦同魚材料，係健康之選。仲有哩款香菇粟米雞肉餃都好好食，粟米甜，香菇爽口，正！哩間餃子專門店既餃子隻隻都好足料，而且芝士味真係好味又特色！

近年香港多咗好多餃子店，款式新穎、多種選擇之餘，價錢又合理。簡簡單單食一餐，又平又好味。一路掃街掃到旺角廣華街附近，係某出名滷水、生腸小食店隔離嘅幾個鋪位，留意到呢間裝修光鮮、新潮嘅餃子店。定價同一般餃子店相若，旺角區來講，呢個價錢都算抵食。餐牌上款式什多，不同口味嘅餃子，亦都可以揀蒸餃或煎餃，什至有不同湯底同麵底選擇。貪心嘅我地，決定試晒佢大部分口味。先叫五款自選餃子($33/5隻)，清湯奉上。再叫招牌芝味樂園($55/8隻, 冰花煎餃+$4)，貪佢有齊咁多所有芝士餡餃子。食餃子當然係配豆漿，大杯裝盛惠$12，兩個人分享剛剛好。自選餃子揀左韭菜豬肉餃、白菜豬肉餃、日本紫菜豬肉餃、芹菜豬肉餃，仲有香菇粟米雞肉餃。基本款式盡有，總有一款啱大家口味。餃子味道唔錯，皮薄多汁，用料豐富。值得一提係店舖提供嘅菜甫，帶點麻辣更加惹味。重點推介係不同芝士餡嘅餃子，有蕃茄芝士、三重芝士、辛辣芝士同黑松露芝士。冰花煎餃呢個選擇亦實在無揀錯，麵粉漿夠脆薄，令煎餃子香脆可口，更有口感。四款芝士餃各有特色，尤其係黑松露芝士餃，一咬落去係意想不到嘅黑松露香味，同流心芝士係絕配。另外蕃茄芝士亦屬至愛，蕃茄味清香配

連續兩天午餐吃餃子。自家樽裝凍奶茶沒有冰，只是微凍，正合我心。奶幾香，茶不算濃但拼出來的效果不俗，甜度低，幾滿意。藍莓氣泡紅茶沒有紅茶，其實是藍莓糖漿加梳打水。不過味道可以，甜得不假不人造，還有幾粒新鮮藍莓。拍青瓜青瓜很爽很清脆。醬汁可以，但不入味，味道都只限於表面。涼拌蓮藕爽硬的蓮藕比青瓜入味，少少辣都幾惹味。餃子來了，放滿一桌。兩個人大快朵頤。餃子樂園有齊8款傳統餃子。第一次吃餃子有這個全部餃子各一隻的選擇，正好滿足我們的好奇心。要了蕃茄湯底的淨餃。新鮮蕃茄煮成的湯，少少甜但不過份，味道幾清，還有少少蕃茄肉。配麵應該不錯。一樣是餃子樂園，重慶酸辣湯底，追加上海麵。試一口湯，比預期稀，只有很少的辣，酸居多，但又酸得幾開胃。上海麵竟然不腍，還有少少彈，十分難得。掛了酸辣湯，味道不錯。8款之中有6款是豬肉餃，各配不同的蔬菜。餃子其實是水餃，皮有少少厚度，幾飽肚。餃子的餡都幾足，毫不油膩，即使咬破了，也不會在流到湯裡泛起一圈一圈的油光。日式紫菜豬肉餃，最喜歡這個，有潮式紫菜的香，跟豬肉很夾。在餃子裡少見紫菜，夠特別。韭菜豬肉餃味道最重，吃完口裡還有陣韭菜香。香菇粟米雞肉餃，吃到粟米的甜，味