Pizza Piazza

营业中

休息中

夜晚經過荔枝角，試下依間自家制pizza。嗌咗個二人套餐，包湯 頭盤一款 兩款主菜 兩杯飲品 加錢可加甜品。個湯賣相唔夠靚 而且係椰菜湯 所以無試到頭盤@大蝦凱撒沙律 正常發揮 有四隻彈牙大蝦 菜亦新鮮 係沙律醬唔夠主菜一@厚切煙肉鮮手打麵 佢係手打麵嚟 啫係唔好諗住佢係意粉質地 反而係似粗身硬版上海麵質地 麵粉質地好重身 可能手打關係 其實我鍾意硬麵嘅 不過硬係覺得佢唔似意粉 反而有啲似橡筋硬口 但同行友人覺得超好味 真係見仁見智 個汁係茄汁 味道唔錯嘅配合埋厚身煙肉 但就嫌煙肉似厚肉絲多過煙肉但相信好厚肉者會鍾意嘅主菜二@芝士四重奏薄餅依個薄餅係薄批 私心好鍾意薄批 而且有啲似意大利軟包質地 我覺得好好味 濃濃嘅䶢香芝士充滿住 但佢嘅藍芝士味最突出 基本上主調係佢 已經遮蓋哂其他芝士味 但整體都係好好食 鍾意濃烈芝士味朋友會啱口味 但唔太鍾意濃濃芝士者就唔建議嗌依款 我仲不停加黑椒同辣椒碎 勁好味甜品@自家造意大利芝士蛋糕 依個都幾失色 完全無tiramisu 嘅味道 只有佢嘅樣子 淡而無味咁 唯一讚嘅係個餅底 個人幾鍾意喱個脆底 但真係要重新調校返啲味先得 要咖啡味無咖啡味 要甜

今日特登去荔枝角，試吓呢間手工Pizza店。入到去裏面環境好舒適，感覺好休閒。落單之後好快有得食，我哋叫咗大蝦凱撒沙律🥗，呢個係我最鍾意嘅菜式，佢嘅份量好足，啲菜好新鮮，咬落好清脆，非常推介大家去試吓而我哋仲叫咗芝士四重奏pizza，Pizza係即整所以好熱辣辣。身為芝士紅嘅我梗係要試吓啦！果然冇令我失望，Pizza嘅皮好脆入邊嘅芝士味好濃郁蒜芝雞翼更加係一流，食落去唔會好油，聞落去好香，好惹味跟住我哋叫咗一份甜品tiramisu ，好高水準，咖啡味濃郁，有一層好厚嘅cream❤️價錢好合理當然唔少得叫一杯特飲青檸荔枝梳打，真係超級好味😋

前排係日本食左非常出色ge意式窯烤薄餅，突然心血來潮想回味一下，收到風Pizza Piazza有意式手工薄餅，於是約左同遊日本ge朋友黎試下。雖然重點推介ge終極漢堡好吸引，但勿忘初衷，今次食左Pizza先，下次再試Burger。點菜之後店員先送上意式餐包，呢款包偏硬身較有咬口，放少少黑醋同橄欖油落碟再點黎食就唔會太乾，又好味又健康。我鍾意辣，朋友鍾意芝士，叫雙拼薄餅就皆大歡喜。意式薄餅較美式薄餅薄身同脆口，話明「薄餅」，當然食意式啦，而且意式著重食材原味，美式就多汁多料，各有特色，我就鍾意意式多d喇。辣肉醬至尊食落唔太辣，幾惹味。芝士四重奏用左mozzarella、toleggio、gorgonzala、parmeson四種芝士，雖然我唔係芝士迷，但食落唔會太膩。西班牙黑毛豬扒又大塊又厚，切開見到肉質好靚，食落一d都唔韌，唔係講笑，真係豬有豬味，但丁點豬腥味都無，加少少鹽同黑椒已經好好食，亦可以配蘋果醬，甜甜酸酸幾開胃。炸番薯條都又脆又甜，一條接一條停唔到！平時飲開ge奶昔多數又甜又濃稠，呢杯就唔同喇，朱古力味濃郁但不會過甜，較稀身，而且加左打杏仁餅碎，咬下咬下幾過癮，好飲。食完主菜

今日經開荔枝角呢頭做嘢，順便試下呢度啲餐廳。行行下見到呢間星期六有65折，而男朋友又想食西餐，一於就試試佢。呢度嘅裝修都幾靚，適合打卡。張枱係雲石紋，影食物相都幾呃like。餐廳入面播緊英文歌，環境舒適。旁邊仲有個角落仔擺咗啲書，比人拎嚟睇。一坐低，staff就即刻攞咗兩杯水同埋畀咗個餐牌我地。lunch set包埋湯同餐包。餐湯嚟咗之後，staff都好主動咁問我哋要唔要胡椒。湯加左蒜蓉包粒，增加口感。餐包係熱既，入面好鬆軟。芝士四重奏（$138）餐廳名叫pizza piazza，咁梗係要試下佢既pizza啦。芝士四重奏入面有四隻芝士：水牛芝士、塔勒奧芝士、藍芝士同巴馬臣。芝士味好濃郁，加埋蕃茄中和咗冇咁溜。 而且佢個pizza皮唔會話好厚，啱曬我呢啲鍾意食料多過食皮嘅人。北海道大帶子配野菌黑松忌廉汁意大利飯（$138）個risotto都幾多料。'堅' 水牛城雞翼（$28）我哋另外再加多咗個雞翼，係煎香咗嘅雞翼，上面鋪咗層好濃嘅番茄醬。Earl grey tea係mighty leaf的earl greyCappuccino咖啡師整咗個心形比我地。