辛安東元祖奶奶雞 (已結業)

同兩位好姊妹食飯，順便一齊去返學學校附近搵個近近哋嘅地方食飯見到韓式嘢唔錯就試吓芝士奶奶雞有好幾款雞可以選，朋友鍾意芝士，就選呢款。叫了半隻，出嚟好大碟，好多芝士勁邪惡！小辣比想像中辣，但味道都算好味泡菜海鮮煎餅味道夠濃，好多泡菜同沙律醬，仲有額外泡菜伴碟芫荽炸蠔好似蔬菜天婦羅，芫荽味唔重，好似食蔬菜，好味唔油膩，有些沙律菜伴碟，幾好韓燒牛肉卷紫菜飯卷，算係中和一下咁多種重味的食物，一般幾好。裝修和碟上都有Pepe，上菜速度快，每一碟都比我哋想像中大，最後都食唔晒。

又嚟到旺角呢一個長期熱鬧嘅地方，喺呢一度就充斥着各式各樣各個國家嘅美食， 仲要經常都會有更新，所以亦都係越嚟越旺。 🤫而且都有一排冇食到韓國嘢所以都係時候要重拾返嗰種感覺， 又走咗成個旺角卒之就喺人流冇咁多嘅白布街就搵到呢一間新安東元祖奶奶雞，呢間餐廳都坐落左一段時間， 仍然可以保持人流都反映咗，無論係味道定係質素都充滿信心保證🤭芝士奶奶雞— 🧀作為呢間餐廳嘅招牌菜式，當然第一時間要品嚐一下，半隻雞都夠晒兩至三個人食，而且唔淨只係雞，🐥裏面仲有扁嘅薯粉，至於汁底就係雞嘅醬料，超濃縮嘅醬汁，令到每一啖嘅薯粉又或者係雞塊到充滿左濃郁嘅味道，🧀薯粉係非常之煙韌非常之爽口，彈性令人一試難忘，另外雞肉都好嫩滑🐥黃金芫荽炸雞— 🍗炸雞再配埋黃金脆皮亦都係非常合拍，好濃郁嘅蛋黃味，💛同時都加咗少少芫荽碎💚，呢一個配搭喺市面上嘅都係比較少，所以都係呢一度嘅一大特色，採用大塊無骨雞，🍗咁就可以食到啖啖肉🍗搖搖米酒芒果— 🥭最後當然唔少得飲番杯冰涼嘅米酒。🍶有芒果味同埋士多啤梨味選擇不過夏天通常都係會想要芒果多少少，🥭每一啖都非常清爽，而且係凍冰冰嘅感覺，🥭價錢上真係非常抵，🥭容量好足，食完炸雞同埋奶奶雞

辛安東元祖奶奶雞聽過好多人推薦，想食好耐！今次終於黎到試😙雖然味道冇我想像中咁好食，但係有時食韓國野食炸雞食悶左，過黎食下燉雞都係有個唔錯既選擇～   1️⃣芝士奶奶雞 （半隻）（$220）半隻都幾多。入面除左燉雞之外，仲有啲紅蘿蔔、薯仔、節瓜，同埋薯粉。薯粉好煙韌好索味🤤紅蘿蔔同薯仔就煮得幾淋👍不過調味方面就唔算特別出色，偏重䜴油既鹹味，甜鹹既balance做得麻麻地。面頭既芝士除左融左既芝士之外，仲有芝士粉，不過芝士味道可以再濃啲就更好🤭雞肉有唔同既部位，唔算嫩滑，有骨。整體黎講味道唔算差，不過就唔算特別出色，過下口癮係ok既，但係唔好期望太大😬  

Bookmark左超耐既奶奶雞 黃到發金 店內播住屬於香港人既歌 又貼晒手足既心聲 但係唔知係咪太高期望 食完有啲失望⁣芝士奶奶雞 $288全隻⁣奶奶雞嗌左小辣 連唔食得辣嘅朋友都覺得完全唔辣 芝士味偏淡 唔係拉絲嘅芝士 味道普通 有啲似平時屋企煮既薯仔炆雞 不過雞肉都算滑 同朋友一致認為成碟野最好食既係底下既薯粉 煙韌掛汁⁣⁣韓式弘大燻豬手 $108⁣豬手味道唔會太鹹偏淡左小小 薄薄一片 豬皮頗煙韌 點埋辣醬都算唔錯⁣⁣芝士玉子燒 $68⁣圖片中為兩份 芝士帶點拉絲 但係佢隻芝士真係好難食 蛋味都唔太濃 小伏⁣⁣士多啤梨泡沫⁣好大一杯沙冰 有小小似平時士多啤梨糖既味道⁣⁣最低消費：每人$150⁣⁣價格偏高 性價比偏低 呢個價錢會有更好既選擇⁣

-半隻芝士奶奶雞 $188芝士醬偏稀，但配上芝士粉，芝味不減。雞件份量適中，底部原來仲有超入味薯粉，只係略嫌醬汁太鹹。-火焰韓牛飯 $98本來驚好辣，仲特地叫店員落少辣，點知根本唔辣，怕辣人士都可一試。店員會即場先火炙後炒飯，味道唔伏，但只係普通黑椒汁配韓牛煎蛋飯，性價比唔算高。-士多啤梨米酒 $68出乎意料無藥水味，士多啤梨配搭米酒頗解膩。有士多啤梨蜜味之餘，更添一份清醇米香。米酒入喉唔會太刺激，即使係唔太飲酒嘅朋友都應付到。另想大讚餐廳好黃，有香港人專屬套餐外，店內有大量打氣字張，部分碗碟更印有可愛pepe。

好友帶我到極黃店慶生🎂辛安東元祖奶奶雞 店內好多文宣圖周圍都放左Pepe 外面仲有連儂牆比大家寫野講返野食先 我地叫左個芝士拉絲卷 ($58)口感層次豐富 不錯喔~除此之外仲叫左個泡菜海鮮煎餅 ($88)散發出泡菜香之餘 還鬆軟可口👍🏻最後當然唔少得芝士奶奶雞 半隻 ($188)雞肉夠嫩 芝士味都較濃郁 好味😋-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

旺角黑布街及白布街一帶開了不少餐廳, 與旺角一帶的餐廳相對性沒有那麼跼促, 空間及可用餐時間都較為理想, 今晚就試咗位於白布街嘅辛安東元祖奶奶雞。鰻魚煎蛋卷蛋身鬆軟, 鰻魚都算大件, 但偏鹹, 食味一般。石鍋炒年糕石鍋上, 上台時還熱辣辣, 年糕有燋香, 食落煙韌, 甜口, 泡菜辣度適中唔會太嗆, 好食。芝士奶奶雞(全隻雞)件頭大, 味濃, 係好濃, 雞件好乾身, 無乜肉汁, 好鹹, 雞唔好食, 但啲配菜, 青瓜紅羅白都好入味, 青瓜原本係清的但由放汁太濃令使青瓜變做好甜, 冬粉同樣吸味入味, 所以都幾好食。再加兩杯梳打一枝手搖米酒, 埋單689

好似聽過呢間野好出名, 於是同老公黎呢度食lunch,我地兩個嗌左個芝士奶奶雞share, 另外加碗白飯,個奶奶雞一黎到, 雞得果幾舊, 4份一隻雞都吾知有無, 肉都吾多, 全部都係骨黎既! 又話有芝士, 但食吾到芝士味~ 薯仔又未熟哂... 個醬汁仲衰, 無特別, 淨係食到豉油味, 好咸... 要係咁飲水……服務差, 入到去一杯水都吾俾, 好彩我自己帶左水黎。同埋, 間舖頭一入到去又多蚊, 搞到食得都吾舒服。總言之, d野難食之餘, 價錢都吾平, 試過一次之後都吾敢再黎食, 亦都吾會推介俾朋友黎食囉!

旺角有好多美食選擇，朋友介紹過呢間餐廳，今晚早放工就決定要黎試下。餐廳佈置好復古，牆上掛左舊式韓國電影，氣氛唔差。前菜我地叫左冷海蜇，超好食！！海哲好爽口，餐廳自制醬汁，味道帶有小小辣，加上落左小小芝麻，更加香。餐前食呢個小食，好開胃。主菜叫左2個。呢個係豚王后燒飯，糖心蛋，將蛋黃吉穿，好有快感😁，拌埋d飯，好好味，豚肉好嫩口，肉同飯比例係1:1😂😂，完全可以一啖肉一啖飯，唔怕食到最後得返飯。餐廳預先將飯處理過，自制醬油拌飯，飯吸收了醬汁味，味道剛剛好。仲有一定要試下嘅奶奶雞，我地叫左芝士味，份量比預期中多，起碼3個女孩嘅份量！薯仔煮得好淋，雞唔會老，好嫩口， 如果可以配合一碗白飯就完美啦。我地叫左士多啤梨同蜜桃味嘅calpis soda，士多啤梨味道幾甜，如果可以加冰溝淡少少就岩岩好。野飲不過不失。反而海哲真心推薦！👍🏻👍🏻

本身約去尖沙咀食⋯大懵朋友以為間野係旺角😂😂😂就將錯就錯黎旺角覓食～記得食過呢間唔錯～就帶朋友黎試下😁😁差唔多八點半黎到⋯遠處見到有d人係出面等⋯以為要等幾張枱⋯點知一攞飛就即刻有枱😝😝梗係要叫隻奶奶雞食😝😝今期做緊紫薯味奶奶雞特價～$99蚊就有得食！價錢上好吸引！但朋友唔好紫薯⋯咁就嗌返正常奶奶雞啦！諗左好耐揀左要芝士奶奶雞～要小辣😁😁 見碟奶奶雞都幾大碟⋯所以揀多個爆豚泡菜就算～小插曲：坐左陣黎左個豚肉加生菜～我成面問號⋯同爆豚泡菜幅圖差太遠～再上埋奶奶雞⋯有一大堆蔥（我落單有話要走蔥）～我話叫左走蔥⋯佢即刻拎走左堆蔥⋯之後我先見到冇芝士⋯再問先知原來上晒錯枱😅😅😅先上爆豚泡菜～隻蛋好吸引！豚肉肥瘦適中～入味之餘又爽口😋😋 有大量芽菜同泡菜～酸酸辣辣好開胃惹味👍🏻👍🏻不過鐵板只係盛載器具⋯如果真係鐵板炒就正！奶奶雞到！好大碟好多件！雞肉嫩滑～輕輕一咬已經離骨😋😋 芝士拉唔到絲既🙈🙈 我係咪期望太多😂😂 薯仔好稔好粉好入味！仲有成碟我最鐘意既薯粉！雖然佢黐埋一pat有d難夾🙈🙈 但超級QQ索晒d汁勁好味😋😋😋😍😍😍😍 嗌左小辣⋯但d雞完全唔辣⋯係d薯粉有少少辣姐～食到最後個碟底都有唔

晚上專程去吃團購芝士奶奶雞，價錢平了一半！那個汁的味道不錯，最好吃是裏面的粉絲，口感是很煙韌，連埋芝士食好好味！但雞的份量好像太少了，白飯又要另加錢。若果是正價就不值了。店的位置比較偏僻難找。七點幾去到，有很多人排隊，足足等了個半鐘才可以入座。等的時候附近環境不太好，又熱。若是沒團購，是不會那麼辛苦再來的。