紅蔥頭 (已結業)

今日去左太子拎返網購的戰利品，於是就約左朋友仔屋企附近交收。由於太多戰利品的關係，所以就揾間坐得舒服的餐廳。行完書局後，見隔離就有間紅葱頭，見唔洗等位又闊落，所以就揀左呢間餐廳。本身見有兩人餐，但我唔多特別抵食，所以就無叫了。叫左一個一人餐加一份Main及一份小食。呢個係排餐+$6的餐包的白湯及多士。白湯的蘑菇丁夠多又有菇香，多士夠鬆，不過唔多夠脆。意式炸烏賊的魷魚及皮唔夠一致性，令到咬個時好易成條魷魚被扯出。芝士忌廉汁焗黑松露煙三文魚飯黑松露味幾夠香，飯都幾creamy，芝士無拉絲效果。三文魚量唔算特別多，不過smoke味都幾濃。朋友仔就叫左份鐵板薄西冷配雞排。肉夠香，鐵板又夠熱。如果大家想坐得舒服鋸個平排，呢間係推介的。不過你願意坐得迫D鋸個優質排，我下次推介另一間比大家。

天氣變幻莫測，突然下著大雨來，無奈沒帶雨傘，一行兩人“濟留”太子始創中心，為有行下商場，行經三樓看到餐廳，被懷舊特式裝飾而吸引，不如就試下啦！經理安排入座窗口位，當時人客稍為稀疏，可以清靜聊聊天。看看餐牌，食物款式眾多，點了幾款試試吧。法式香草牛油焗田螺$39元香滑薯蓉食出牛油忌廉香味，田螺肉肥美加上濃郁香草，配搭一流。凱撤沙律$56元清甜的羅文菜配上煙肉脆口麵包粒，凱撤沙有少許咸魚味，加上芝士，清中帶少許咸味幾好喔！芝士忌廉汁焗黑松露三文魚飯$76元炒飯底很香夠鑊氣，濃郁忌廉汁味道香濃，煙三文魚加上黑松露味道超“甲”正~~~~從玻璃觀看樓下街景，朦朧大雨中享受一頓飯，紅蔥頭餐給到我這感覺。