韓閣 (已搬遷) 新店位置

因為我地得兩個人，所以安排左面對牆既位置我地坐。我地叫左幾次，先有職員幫我地落單，人手唔係好夠？！叫左個甜辣炸雞，人蔘雞湯，芝士泡菜煎餅，一枝柚子燒酒，一枝水蜜桃汽泡酒。炸雞上檯好熱，有俾手套，係雪藏雞，死鹹，肉都滑既，係食甜辣醬個味～～煎餅既芝士唔係拉絲果隻，麻麻地，邊邊位都焦脆。人蔘雞湯，入面都係有糯米紅棗，但湯係清清淡淡，無咩蔘味，但有幾枝蔘係入面，雞肉煲得好軟腍，連骨都碎埋，但糯米可能浸得唔夠時間。酒果啲就唔洗點講，當時叫左枝汽泡酒，但要係倉拎過黎，唔凍，職員幫我地雪凍左，先再拎俾我地。

常常來路德圍覓食 每次經過韓閣都見到有人龍 不過一直沒有機會去試 今次約了好友食飯就選了這間餐廳星期五晚上大排長龍 等了大概半小時才能入座 店面不算大 坐得有點擠迫~由於餓到不得了 所以兩個女子點了很多食韓國菜怎可以不叫炸雞! 因為我和友人都不太能食辣 所以點了甜甜的蜂蜜牛油味 半份炸雞有6舊 分別有雞搥 雞胸和雞背 份量不少!炸雞即叫即炸 入口那時差點燙親 外皮超級香脆 但肉質仍然保持嫩滑多汁 雞肉沾滿蜂蜜 非常惹味 炸雞沒有配啤酒 友人點了蜜桃冰茶 開胃又正好可以下下熱氣~煎餅熱辣辣上碟 但煎得有點過焦 雖然點了芝士泡菜味 但入口卻只嘗到濃郁的泡菜味 沒有什麼芝士味 兩個女子眼闊肚窄 每人食兩塊已經覺得有點膩 建議多人才點~這個炒飯是餐廳的人氣之選 當然要點! 泡菜炒飯旁邊鋪滿滿的芝士 不斷可以拉絲 非常邪惡玩完一輪後把芝士和炒飯拌勻 炒飯中還有不少的五花腩片 基本上啖啖炒飯都有芝士 芝士迷一定會喜歡但和煎餅一樣 炒飯和五花腩片都有點過焦 有點影響味道和口感今晚攝入了很多的澱粉質和脂肪整體而言 餐廳的食物都有水準 而且價錢合理 雖然店面小小坐得不太舒服 但味道取勝 下次還會想再來!