甜記餃子 (已搬遷) 新店位置

📍 甜記餃子一路以嚟都好鍾意食餃子👻湯餃夠清淡 煎餃有夠香口!!所以成日都會周圍搵 全港有咩餃子店好食呢間 餃子店好多人推 最重要係黃 梗係要支持下!🙋🏻‍♀️🙋🏻‍♀️⛺店舖裝修光猛 走新式路線 不過坐位唔算多 都需要等位餃子方面 選擇算多 竟然有11款💫💫仲有一d 比較新穎嘅餃子口味 可選擇淨餃子 或者配湯麵🌀 雙拼餃子: 白菜豬肉餃 + 芝士粟米🌽雞肉餃今次決定試下湯餃 點知都好有驚喜📯湯底可以選擇雞湯/蕃茄薯仔🐟魚湯薯仔魚湯 入面有粒粒薯仔粒 魚湯味唔算濃 但夠清甜感覺似住家湯 飲完唔口渴🙋🏻‍♀️🙋🏻‍♀️📢📢真係大推芝士粟米雞肉餃 餃子皮薄大大隻雞肉配上香甜粟米 仲有濃濃🧀芝士香成個感覺好夾 會忍唔住想再encore白菜豬肉餃都係好足料 水準正常➿口味相對較清淡 唔算太特別 下次可以點其他口味試一試🔅🔆煎餃依然無令人失望 炸到脆卜卜 好香口而且唔會炸到油淋淋 肉汁鎖住係煎餃入面 真係做得幾出色🌀口水雞送到過嚟見到大量紅油同辣椒以為會好辣 點知原來只係微辣 紅油令到雞肉好香口雞肉大大件 夠嫩滑 好正! 呢間餃子價錢經濟又實惠餃子皮薄餡滿 小食方面質素都唔差真係推薦大家黎食

呢間餃子店每次經過都想試，但每次都見到好多人排隊卻步。今日9pm行過見到唔算多人，所以決定一試。等咗半個鐘左右就可以入座啦。排隊嘅時候已經諗好咗要食乜嘢啦。因為朋友有講過呢度嗰啲煎餃比較好食，所以今日一次過就叫咗三款😛首先係芝士粟米雞肉餃子，因為本身個人都比較鍾意食粟米所以一咬佢係有驚喜嘅。佢個餃子皮係好薄，咁所以食落去無咁重粉，係好食好味，加埋佢嗰個辣菜譜成個口感又即刻提升左。另外仲嗌左菜芯豬肉餃，喺其他餃子鋪好似都未見過有菜心餃嘅，咁所以一見到就覺得好特別。咬落口係淋嘅，比我想像中嘅係有啲分別。因為我比較鍾意食爽嘅，所以下次都未必會再試呢一款的。但係個味道都係好菜芯味嘅。第三款係西洋菜豬肉餃，一咬落去都係好大浸西洋菜味，好似飲緊西洋菜湯咁，味道唔錯嘅。除咗餃子我哋仲叫咗兩款小食：口水雞同埋麻辣雞腎，嗰個汁兩個係相同嘅。如果鍾意食辣又唔想單調淨餃都可以試下呢兩個小食。最後就係呢度見謝謝都好Nice嘅。因為我哋叫嘅全部都係煎餃，我又想試吓佢嘅湯，咁所以就問咗加湯要幾錢，咁佢就話加$4。但唔知係咪因為我哋兩個人叫咗五樣嘢，食所以佢最後免費送咗俾我。開心！

有無人好鍾意食餃子🙋🏿‍♀️話說小編作為荃灣友之前成日幫襯被稱為荃灣必食既餃X屋！但比人標左做藍店之後又沒得幫襯了。不過唔怕既，好食既餃子何其多😳今次介紹既就係荔枝角黃店-甜記餃子💛雙拼煎餃-香芹芫荽豬肉餃 拼 栗米芝士雞肉餃 $46 10pcs先講香芹芫荽！🐢係芫荽控，次次同佢食野，如果有芫荽揀佢都必揀！而我就無乜感覺（好彩唔憎）～佢 comment呢隻無咩特別唔算特別好食，中規中矩，而我本身唔太喜芹菜所以唔岩口味，不過唔伏粟米芝士雞肉餃係必叫必叫必叫😍😍超好食😳D芝士半流心熱辣辣溶緊，配埋香甜粟米，又好夾雞肉，真係超好食，去到要同🐢爭最後一舊既地步😂雙拼湯餃-京蔥羊肉餃 拼 西洋菜豬肉餃 （配蕃茄薯仔魚湯） $42 10pcs京蔥羊肉餃幾好食，羊肉味出得黎唔會好腥😳個京蔥唔會話太搶味（利申：不太喜京蔥），我覺得可接受幾好味～西洋菜豬肉餃幾好味，西洋菜好味🤤另外一提佢個湯好「自家媽咪湯feel」💛有種住家感覺～幾好飲真材實料！話說佢離（荔枝角）地鐵站大約10分鐘路程，🐢落堂去左拎飛後行去地鐵站接路痴本人再行去餐廳岩岩好有得食！所以even好多人排隊，實際上唔洗等好耐既～

今日Lunch同事又話想食餃子，跟手就Openrice左依間餃子店。同傳統餃子店唔同，依間餐廳既裝修比較新潮，招牌同餐牌都有花過心思。嗌左兩款煎餃同兩款湯餃，依度既湯好特別可以揀番茄薯仔魚湯，個湯飲落都幾足料，有少少魚味，配水餃咁食都幾開胃。洋蔥牛肉餃咬落好甜，有少少吉野家牛肉飯既感覺，而西洋菜餃就好淡味，浪費左隻餃。芝士粟米雞肉煎餃咬落好有驚喜，一咬芝士流哂出黎，外脆內軟，好有芝士香，仲咬到一粒粒粟米，中和返芝士肥膩感，整體水準好高！