東喜茶 (已結業)

東喜茶！？同喜茶有冇關係呢到底！？經開荃灣，之前萬亞個位開左唔夠兩年嘅藥房執左，變左呢間東喜茶（點解開親都係飲品）見到有粒星星就買左呢杯芝士芒芒試下，42蚊。人唔算多，等左大約十分鐘就有，份量一般。芝士飲落幾滑，實淨，足料飲芒果，似濃縮果汁多，麻麻地整體黎講唔太划算，但偶爾試下都唔錯，下次再試芝士桂花烏龍，睇睇效果如何先呢條街飲品選擇眾多，識飲識食街坊仲多，唔知競爭到最後會唔會路德圍分別有飲品街、糖水街、米線街。。可唔可以有埋條小食街呀唔該

早前上深圳試完真喜茶，早幾日見到荃灣偽喜茶－－東喜茶終於開左😂，就叫左杯芝士芒芒試下，睇下佢地有咩分別😁·1.芝士芒芒（＄42)第一啖飲落去，真係同飲喜茶嘅芝士奶蓋好似，個芝士奶蓋都夠重😱，不過再飲多幾啖，就飲到個分別，個濃度冇keep到咁重，密度較底😣，而下層芒果汁真係同深圳奈雪嘅霸氣芝士芒果差好遠，冇芒果肉，更加冇新鮮芒果味😫，雖然整體都係杯唔錯嘅飲品，但價錢貴內地咁多嘅前提下，我覺得唔太值🙈🙈🙈彤樂評分：7/10