福岡漢堡扒 (厚福街) (已結業)

中午時間大約一點唔洗等位一行三人直接有位可以食QR code 落單約5分鐘之後就已經有得食我地三個都叫左午餐set 芝士蛋和牛漢堡 跟餐連白飯同汽水，其他飲品就再加錢芝士蛋和牛漢堡($96)漢堡自己剪可以好好控制熟度脂肪比例夠所以一邊煎一邊出油食落去真係有和牛嘅感覺送飯一流由於蛋係鐵板上，之後會愈食愈熟所以如果中意食滑蛋就要快手少少食到中途侍應有幫手換熱石但換完舊石太熱，好易煎燶漢堡扒Overall都係幾好既體驗可以再戰

於韓國有超過30間分店既「福岡漢堡扒」登陸尖沙咀喇！石燒牛扒在香港已經成行成市，這間並非普通牛扒而係波波漢堡扒，睇個樣已經夠特別啦。初初都覺得好奇怪🤔又話🇰🇷韓國人氣食品點解個名又叫🇯🇵福岡既？！🧐原來創辦人去過福岡食石燒漢堡扒覺得非常好味，於是不斷鑽研製作技巧，其後2012年於首爾開業。餐牌有六款波波漢堡扒套餐，仲有大中細不同份量既波波選擇，每個套餐都有一個麵豉湯🥣一個沙律🥗一碗白飯🍚仲有泡菜、糖、豉油俾你調味添，價錢由幾十蚊到百二蚊左右，超值。我點左呢個係芝士蛋和牛漢堡，味道唔錯👍一開始舊石好熱🔥整小小落去煎好快就熟，舊石會隨着時間冷卻❄️職員會過來幫你換舊新石，見到職員都好主動幫客人換石。我地當日傍晚六點半去食都仲好多位，到七點幾已經高朋滿座，之後就開始要排隊等位喇，簡值係疫市奇景。

呢間新店係韓國各地有超過30間分店，餐牌款式唔算多，主打DIY石燒漢堡扒，仲有石燒和牛同丼飯。套餐包咗白飯🍚、沙律🥗、麵豉湯同泡菜，而且設有大、中、小份量🍱最平$83就有交易，Cp值非常高。💗芝士蛋和牛漢堡($93)漢堡扒選⽤100%澳洲和⽜，加入20多種香料調味，即場搓成色澤粉嫩嘅「漢堡扒波波」。每次攞⼀⼩團肉，放係⾼達約380 度嘅熱⽯上，壓平每邊煎3秒。外面金黃酥脆，內𥚃非常軟淋爆汁😍同平時有彈性嘅肉扒唔同。食落入味得嚟唔會好鹹，但牛味唔夠香濃，而且較油膩🤔夾集住底下嘅雞蛋同蔥粒一齊食更加香口惹味，唯一改善係芝士份量可以再多d🧀💗東武里牛丼($78)飯面舖上8大粒牛肉骰仔，非常足料🥩牛柳粒煎得啱啱好，內心帶粉紅，入口鬆軟富肉味，一d都唔硬但未算好juicy，而且帶筋位，食落更爽口。靈魂係配上日本Wasabi，少少嗆鼻咁出奇地夾，仲有生洋蔥同蔥花以解油膩🧅刺破生蛋黃同飯拌勻，飯粒沾滿蛋漿，不會過分濕潤 ，味道香滑濃郁🍳不過淋係飯嘅燒汁較少，濃味番d會更好食。