添福小食 (已結業)

天氣忽然涼涼哋，我哋忽然包癮起，所以今晚就嚟到位於深水埗嘅「添福小食」。舖仔細細只做外賣，但舖頭外觀都經過精心裝飾，旁邊鐵閘更有一幅靚靚油畫，有興趣嘅朋友記得過嚟打埋卡啦。💛因為我哋本身唔太肚餓但又想食漢堡嘅關係，所以就只叫咗個「芝士黑椒牛肉漢堡」🍔一齊食😋。即叫即做等咗大約10分鐘，漢堡外表唔算特別，但一淡咬落去就知道唔簡單😆，手打牛肉漢堡扒🥩細嫩多汁，但同時又保留到小許筋肉，做到真正手打牛肉嘅應有口感👍，芝士熱溶於肉面，再加埋黑椒汁同埋少許茄醬， 輕微酸酸辣辣，惹味又醒胃。👏👅

西式burger成日食，今次介紹下港式地道漢堡啦！小店只做外賣，深水埗營業多年，一直受街坊歡迎。每次經過都有男女老少等緊野食。.🔸芝士黑椒牛肉漢堡($24)⭐️分數: (7/10)黑椒牛肉扒有少許辣，愈食愈正，唔會好乾。配茄汁，微酸，夾住煮得入味既洋蔥，好開胃。芝士溶係漢堡上面，芝士味唔算好濃郁。漢堡包唔係好軟潤果隻，但唔乾，算ok..🔸炸雞脾($22)⭐️⭐️分數: (8.2/10)勁大隻啊！成隻手掌咁大隻！表皮炸到好夠脆，仲有椒鹽調味，勁香。咬開肉嫩，又入味，夠juicy!!!裝雞髀既紙袋索左好多油，不過油炸既炸髀好難唔油既😂

因返送中而去撐一撐幫襯下^·^！！住左深水埗十幾年，真心講句，經過但從無留意過，因為平時真係唔覺有人排過隊！！良心小店，價錢合理，但食物質素有待提升想你比心機做好D做落去^_^！雞批要諗下方法令到佢唔好咁乾............芝士黑椒牛個牛肉要諗下方法點樣先整到舊肉唔好咁林啤啤，要令到舊肉有返咬口，咁先係最正嫁麻😎😎😎😎😎😎個黑糖奶真係太甜，雖我都明白黑甜本身就係甜，但要多加留意份量.....加油加油加油

終於試到啦 ✌🏻✌🏻唸黎唸去究竟我有咩機會食到呢？平日1400-0100 lunch 又過左 放工都拿拿臨返屋企吔飯啦 🤔終於等到要食孤獨的晚餐 😭為左彌補呢個空虛 唯有唸到食d好味野 期待已久既黑椒牛肉漢堡 我重➕💰加多塊芝士🥳 果然係即叫即製 等左十幾分鐘 因為只做外賣 決定返屋企沖埋涼先慢慢嘆 原則上應該原汁原味 但由於點都會凍左小小 所以我自行焗一焗熱 其實一早都聞到好香既牛味 咬落好juicy 啖啖黑椒味裡面重有洋蔥粒 好明顯係自己啄既漢堡扒 不過中間有好多根位😅再加埋塊溶左既cheese yummy 典型既傳統快餐店漢堡包風味 比起連鎖快餐店MDD 好味好多好多