喜茶 (已結業)

身為喜茶fans既小妹每逢喜茶一出新品都必定會去試，但今次芝芝桃桃都隔左一個禮拜先去飲到。-一拎上手就知係小妹取向狙擊。顏色好靚，係少女粉。可以揀金玉或者玫瑰青茶底，今次就揀左金玉茶底，成杯野烏龍茶味濃，但係桃味就唔係好出，個底都有d桃肉，飲到一半桃味又幾濃喎。不過個芝士濃郁左，有d"傑"。一開始唔用飲管飲，淨係會飲到芝士奶蓋，桃桃沙冰就未飲到了。身為喜茶小粉絲就覺得呢個芝芝桃桃不過不失咁啦，可能之後都係飲返芝芝芒芒算啦-地址： 尖沙咀河內道18號K11購物藝術館B1樓B104號舖-推介指數👍🏻👍🏻👍🏻抵食指數👍🏻👍🏻(5個👍🏻為滿分)

喜茶的熱潮太厲害了，由深圳開到來到香港，依然係大排長龍，之前元朗分店開張時都想去湊熱鬧，但真係太多人排隊，放棄左。今晚食完晚飯經過K11分店，唔洗排隊，當然即刻衝入去試下。餐廳環境都頗有格調，店內仲有少量位置俾人坐底慢慢飲。芝芝桃桃這杯季節限定是剛剛新出，我同朋友都係第一次飲，大家都唔識，好在杯蓋上面有教點飲，上面一層係芝士奶蓋，芝士味超濃，非常creamy，而鮮果沙冰入面有大大粒水蜜桃果肉。MINI喜茶一套兩枝，MINI金玉+MINI桃，附送一個透明膠袋裝住，講到明係MINI，份量當然迷你，岩哂心大心細，想試多幾款的我，可以一次過試到兩款口味，一樽係桃沙冰，飲落亦係啖啖桃肉，另一樽就喜茶定制烏龍，清新鮮甜。總括來說唔算甜，甜度剛剛好。