上海灘

营业中

休息中

葵廣出名多嘢飲多嘢食。行到口渴就買返杯芝士奶蓋飲。選擇咗之前大熱嘅芝芝莓莓，當出面買緊$3x嘅時候，上海灘只係$24，冇唔買嘅理由。叫咗少甜，甜酸度剛剛好。飲落仲有細細粒嘅草莓肉，同沙冰一齊飲，正！一開始仲怕會好藥水味。話到明係芝芝當然仲有面頭嘅奶蓋，大約佔咗四分之一，口感滑同挺身，重奶味，不過芝士味唔太出。以呢價錢黎講，都算超水準。

同樣係葵涌廣場，用同一款飲品對比喜茶嘅飲品 究竟邊一間芝士系列嘅芝芝莓莓最好飲呢？葵涌廣場有好多間飲品店，但同事偏偏推介店面細唔起眼嘅上海灘，見今日冇人排隊就試吓啦！叫咗一杯芝芝莓莓同大陸喜茶比較吓先！如果有飲過喜茶嘅芝士系列，應該知道一杯芝芝莓莓就可以K. O. 你，因為太飽肚喇！飲完唔駛食嘢，食完飯飲又一定飲唔晒 。喜茶嘅飲品根本就係主食！反觀上海灘嘅芝芝莓莓就真正係一杯飲品喇！味道方面可以話係喜茶嘅清爽版！底層係打得好滑口嘅草莓沙冰，上層係濃郁鹹甜口味嘅芝士奶蓋。分開飲嘅話味道層次分明，飲到中段溝埋嚟飲，草莓口感更滑，奶香、鹹甜芝士，令飲品變成奶昔咁！ 飲到一半，死喇！太好飲竟然唔記得影相添！😅 所以影得半杯相！服務方面，店員同客人係零交流，都ok嘅，各有各自在囉！總結，如果想飲芝芝莓莓就去上海灘啦！

話說上回講到飲咗杯好難飲嘅嘢之後經過見到呢間，見d人買完拎住杯嘢嗰樣好吸引咁再睇下賣d咩見到個價錢好吸引！反正之前已中咗一次伏，唔差在再試一次！就叫咗杯芝芝莓莓少甜少冰黎到賣相非常ok咁大杯都係24蚊！仲平過大陸喜茶！飲一啖芝士，冇喜茶咁咸香但呢間聲稱用咗3.6牛乳整個奶蓋又確實奶香味濃d！唔錯！下面嘅莓莓都好足料，唔會齋糖水咁味道同喜茶嗰杯有得揮！唔駛咁辛苦返大陸或者排2個鐘去買杯嘢飲啦呢間性價比高！