滑嘟嘟

营业中

休息中

住港島嘅我難得嚟到大埔之前已經食過佢嘅糍粑係最鍾意呢一間每次嚟都會見到有個姨姨喺度包緊所以一定係即日做新鮮做食得出去嘅芝麻同花生都係炒過嘅今次食落咗覺得芝麻好似多咗啲花生就少咗啲不過佢個皮做得好軟糯另外再試埋佢嘅芝麻糊$20抗通脹嘅價錢，試得過客家糍粑$40芝麻糊$20

每次入大埔都會特登上大埔墟街市熟食市場呢層去食呢間糖水舖一定會叫薑汁芋圓、芝麻糊呢兩個糖水鍾意薑汁嘅朋友一定要試佢個薑汁因為好濃夠曬薑嗰隻辣味！芋圓非常彈牙最犀利嘅係我地見到佢切開嘅一嚿嚿芋頭同蕃薯，放喺好大嘅蒸籠上！可見佢係真係真材實料！！個芝麻糊都好好味滑得黎食得出好濃郁嘅香味食得出唔係開粉嘅假野，而係真係用炒香左嘅黑芝麻磨出黎嘅芝麻糊！特別一提，呢間小店有好靚靚嘅香港加油貼紙🇭🇰非常推薦呢間好有心嘅小店😍👍🏻👍🏻

原本的街店已經有試過，搬咗上市政大樓賣嘅嘢多咗🙂，有芝麻糊，合桃糊等... 今次好好彩唔使等，我哋買咗一盒花生芝麻糯米糍，兩碗芝麻糊🥜 粒柆糯米糍都肥啫啫😛，糯米皮好滑，又軟；餡料真係好香芝麻😚。食一粒真係唔够，一定要食多一粒😅。芝麻糊係朋友想試，本來無咩興趣，點知一試真係好有驚喜‼️ 芝麻糊唔會好似水咁，但又好够滑，唔甜，超級香🥰🥰🥰 好彩買咗2碗。原店係無坐位，現家搬咗新店可以坐低食添☺️。

舊時去大埔的話，我都會去廣福道附近橫街的一間小店「滑嘟嘟」買客家糍粑來吃，它結業後過了一段時間，原來最近在大埔熟食中心重開了，當然要食糍粑同其另一名物芝麻糊啦！雖然此小店都係同以往一樣只賣幾樣東西，但同舊店比，少了一樣我挺喜歡吃的黑豆豆腐花，幸好另一黑色名物芝麻糊仍在。這裏的芝麻估計是用石磨（因為舊店都係用石磨）去磨，故芝麻糊中仍吃到幼得來尚具口感的芝麻，感覺好實在，且芝麻香氣較一般糖水鋪的同類出品突出。不過這天吃的芝麻好似炒得over了一點，帶微微的燶味，所以要扣少許分。至於客家糍粑仍是即叫即做，簡單來說糍粑即是外皮較為煙靭的糯米糍。雖然糍粑外皮無乜味道，但由於有大量花生芝麻內餡支持，整體吃起來味道仍是足的。值得一讚的是餡中的芝麻炒得好香，且相對來說算少甜，感覺好似健康了一點點。兩樣東西（其中糍粑要了三個）都係$35，算相當抵食了。