芝麻綠豆甜品屋

营业中

休息中

去紅館前 順便去芝麻綠豆甜品屋（就在黃埔站A出口附近，十分方便） 演唱會crew常來幫襯 今晚一人吃3碗 必叫芝麻蛋白燉奶 （燉奶好香，家人略嫌芝麻味不濃，而我反而喜歡這種淡少少）、養眼蛋白杏仁茶（非常濃的杏仁味，食完一段時間都仲感覺到咀裹的杏仁味道）、 合桃蛋白燉奶（我個人喜歡覺得合桃比芝麻多） 燉奶食法都有講究的 超抵食呢 應該是會去開黃埔/紅磡都會來）

在紅磡晚飯後想要一點甜, 雖然紅磡黃埔區都開咗好多甜品店, 但芝麻綠豆總係我既首選, 多年前拍拖已經成日黎食糖水。都有一陣子無黎食, 發覺價錢仍然好實惠, 選擇亦多咗, 而家好多新開甜品店價錢都偏高。🔸芒果紅豆綠豆蓉刨冰🔸一次過滿足幾個願望, 樣樣都鍾意食, 就好似喺紅豆冰上放埋芒果同芒果汁, 又出奇地夾。🔸芝麻糊湯圓🔸在門口已經見到店員炒芝麻, 即磨芝麻糊真係特別滑同濃郁, 湯圓都係芝麻味, 滿滿的芝麻香。🔸芝麻蛋白燉鮮奶🔸好多年前已經好鍾意食, 濃濃既芝麻糊遇上白滑既燉鮮奶, 感覺好養顏😂😂😂

在風球愈逐漸逼近香港的時候，溫度升破37度，任誰都覺得熱得太過份，不吃點涼的也難以消暑。黃埔站開通後，去芝麻綠豆甜品屋 吃糖水也變得方便，一出站步行數分鐘就到，今晚芝麻綠豆一如以往全場爆滿。我例牌吃招牌凍芝麻蛋白燉鮮奶，燉鮮奶滑溜無比，很重奶味和濃稠的蛋香。吃完表面雪白的鮮奶蛋白，將中間的芝麻攪拌，濃醇芝麻與蛋白互相融合，好不滋味。南北杏雪耳燉木瓜非常清甜，木耳有煮軟腍，挺為滑口，它的甜度比起一般低很多，所以喝起來沒有負擔。木瓜綿密鮮香，剛吃完熱氣的晚餐正好滋潤一番。凍雪耳杏仁露一股淡香的杏仁味飄來，再喝一口，透心涼的感覺湧上心頭。混合白芝麻後的杏仁露更具香氣與口感，朋友說木耳，杏仁與芝麻均是有益健康的食物，很滋補的，多吃無妨。

再一次去睇教堂，事後音樂總監兼細佬大人一句想試時新，我與龍即刻馬上計算出自己的目標。沒錯，在我陪細佬買時新的同時，龍第n次幫襯川王的酸辣粉。甜魔兩邊都沾些少，完事後再找尋「芝麻綠豆」主菜!　曾得素素仔細講解甜品屋位置，不過還是花了好些時間才找到，途中甜魔還要向「貌似同類」的後輩問路，幸而眼光不俗而一擊即中。 是晚試了3款甜品：　芝麻蛋白燉鮮奶($22)-熱暖的燉奶很滑，中間的芝麻糊部分也香且甜，簡單而出色的一味。不過兩者的化學作用不算很大。　 奇異小丸子($22)-冰爽的奇異果冰鮮香又清新，拯救了被漢堡、薯條、酸辣粉蹂躪過的味蕾；小丸子其實是湯圓來的，令我滿心歡喜，不過湯圓的凍食滋味不比熱食。　招牌特色渣咋($18)-特色的意思即是非傳統，這碗渣咋少了薏米、眉豆及其他雜豆，味道更似紅豆沙，但又多了芋頭、蕃薯等食材，感覺怪怪。最討好都是中間有兩粒湯圓，不過熱食之下也未見皮餡突出，只是一般貨色。　三人一邊食，一邊傾婚禮當日音樂安排，辛苦細佬了。食到後來越來越多人，我們又移師到HD再去掃4個雙球，完全的填補了shakey's的甜品遺憾，哈哈!