燒肉一番 (已結業)

今晚放工又帶了爸爸去食好野。呢間燒肉一番都食左幾次，因為性價比好高！又抵食。今晚大約6:30左右入座，未算太多人，但到我地食飽飽走個陣已經見到要等位了，同埋已坐到滿曬，不過唔洗怕，因為都限時食燒肉，所以就算要等位都好快可入座。爸爸眼闊肚窄，見到張menu有咁多款肉類、海鮮，樣樣都想試。其實呢度既定食是好抵，可以揀想要咩類肉，再揀份量，仲配上了飯、湯、前菜。價錢相當吸引。所以我點了一個豚五花、雞腿肉套餐，再加錢配了生蛋紫菜飯。呢個定食相當吸引同豐盛，而且又抵食。仲有清爽開胃既前菜～中華沙律。正。雞肉跟豚五花都相當不錯，好嫩紅，正。而且點定食仲會有一份食材送的，有雞、豚、多春魚、雪糕等 任選一款。今次我就點了多送一份多春魚。因為爸爸為食想試多點款，所以點了一份一番特盛拼盤四層架比他，因為入面有齊三款不同部分的牛：有牛舌、牛小排、牛板鍵，仲有海鮮類：扇貝兩隻、蠔兩隻、鯖魚及一隻生蛋。所以都相當豐富，又多選擇。看到拼盤上的牛都相當靚，鮮紅的，十分新鮮。經過燒烤後更為香，好好味。呢個價錢相當之抵食同豐富呀。海鮮方便，扇貝、蠔、鯖魚都好好味，鮮甜，大滿足，只是由自己下手燒烤，要份外小心不要烤過久，

今晚係葵涌廣場行完街，朋友帶左我去食燒肉，估唔到葵芳有又平又抵食既燒肉，而且餐廳仲有好多打卡位，餐廳以日本宮崎駿卡通為主題，一入門口已經見到龍貓同無面人，裡面仲有狸貓，餐廳好大間，好多位，不過我地入去個陣都已經差不多FULL，好彩可以係GULU到拎定飛。呢度D燒肉套餐非常抵食，我叫左個安格斯肉眼套餐，都只係$168，套餐有一塊150G既安格斯牛扒、一個飯、一碗湯、一個前菜，仲可以免費追加一款肉，而我就追加左豚五花，安格斯肉眼牛味香濃，肉質軟熟，入口即溶，而且超多肉汁，CP值非常高，豚五花就比較爽脆，肥瘦均稱。另外仲叫左扇貝，扇貝上面放有牛油，將牛油燒到溶左係扇貝上面，非常清甜。牛舌牛舌爽脆，薄身，好容易燒熟。冬日之肉 - 牛三角牛三角比較有口感，牛味較重，食落有層次。芝麻雞翼芝麻雞翼香脆可口，芝麻味好香，雞翼嫩滑。翠肉瓜翠肉瓜爽口清甜，非常多汁。蜜桃紅茶、白提梳打

最近呢間燒肉店相當有名，賣點係可以一人食燒肉、平民燒肉店、好味燒肉店。所以今日都約左朋友黎食返餐先。燒肉一番係葵芳站隔離既小商場，地點相當就腳、易搵。晚上六時六左右入座，都仲有好多座位。餐廳十分闊落，而且座位都安排得不錯，大家都可以圍爐燒肉，好正。但當七點開始，餐廳已人頭湧湧了，所以想來吃既朋友，可以先到gulu app拎飛，咁樣就唔洗等咁耐位。呢間餐廳既定食set都相當親民，其實都分了豬、雞、牛呢三款肉，首先諗下自己想食咩肉、幾多份量，之後就有好多款唔同既配搭咁，而且價錢都相當之抵。現在新開張仲可以免費追加肉或送小食或送雪糕，相當抵食。是日我點了一份豚鳥肉套餐，當中有雞及豚。一份套餐仲跟了白飯和麵豉湯。麵豉湯好足料好好味，個湯都好用心，好好飲的。仲有前菜可點選，前菜分別有泡菜或中華沙律，用黎拌飯都相當好味。我們的飯都加了$8 配了紫菜飯，紫菜飯相當之好味，上面鋪了超多的紫菜、芝麻、仲有好多醬汁，啖啖都相當之好味，令人不自覺地都把一整碗飯都吃光。朋友點了一份牛三食套餐，可能從5款牛肉當中揀選3款，朋友點了牛舌、牛小排、牛板腱。呢度既肉都相當之新鮮同靚，雞肉切件的，經過燒，啖啖肉好好味，

見到價錢幾抵，就和老公收工去試一試，新開張坐位很多，而且裝修加入了日本漫畫元素，幾合年輕人。每人一爐，用具很新淨，醬汁選擇都多，通風亦可以接受。【牛肉三食套餐】有牛舌、牛小排和牛五花，顏色的確有點令人卻步，不過解凍後，放入烤爐燒完，香味四溢，最好食是牛小排，燒到焦香。【安格斯肉眼套餐】肉味是有的，都幾大塊。【芝麻雞翼】炸到熱辣辣，又幾香口。【朱古力雪糕】好濃的奶味。【綠茶雪糕】比朱古力雪糕特別，好味的飯後甜品。【蜜桃紅茶】好好飲，解渴又不甜！