影片
更多
2011-08-13
25 浏览
約o左女友人RL同VL兩位8月o既壽星女o係尋晚(12-8-2011 Fri)o黎呢o度食佢o地o既生日飯.由於我太遲至打o黎book位,接聽個女仔話最快要8:45pm至有枱.噢!但佢又叫我7點幾o黎到,人齊都畀枱我,但要o係個半鐘還枱.我問又話冇晒枱o既?佢話有walk in枱嘛,不過我book o左位就易話為啲囉.呵呵,佢真係好人呢.我o地最後o係7:40pm o黎到,我就話應該o係女經理知,佢愕一愕然同猶豫一陣,但都幫我安排,亦講同一句說話,話入座後個半鐘要還枱.啊,我o地冇問題.我o地坐低後,都睇o左好耐menu先至揀到:1.$42.00o既雜錦海鮮刺身沙律,要和風汁o黎到,睇睇,有三文魚,吞拿魚同唔知咩魚o既刺身,有蟹籽,豆腐粒,車厘茄同菜.RL將和風汁倒晒入去,呢個樣樣o野都新鮮,但豆腐粒唔係咁夠滑.8. $34.00燒雞泡魚乾自從荃灣江戶前冇得食後,都搵唔到呢樣o野.o係o度見返佢就叫啦.o黎到,要即刻食喇,唔係凍o左就硬晒o架喇.呢個都鹹鹹o地,而且真係開始有啲硬喇.而睇佢咁深色,唔知係咪燒耐o左呢?4. $64.00三件o既火山卷o黎到時,RL同VL都嘩一聲,咁大件.
我o地最後o係7:40pm o黎到,我就話應該o係女經理知,佢愕一愕然同猶豫一陣,但都幫我安排,亦講同一句說話,話入座後個半鐘要還枱.啊,我o地冇問題.
我o地坐低後,都睇o左好耐menu先至揀到:
1.$42.00o既雜錦海鮮刺身沙律,要和風汁
o黎到,睇睇,有三文魚,吞拿魚同唔知咩魚o既刺身,有蟹籽,豆腐粒,車厘茄同菜.RL將和風汁倒晒入去,呢個樣樣o野都新鮮,但豆腐粒唔係咁夠滑.
8. $34.00燒雞泡魚乾
自從荃灣江戶前冇得食後,都搵唔到呢樣o野.o係o度見返佢就叫啦.o黎到,要即刻食喇,唔係凍o左就硬晒o架喇.呢個都鹹鹹o地,而且真係開始有啲硬喇.而睇佢咁深色,唔知係咪燒耐o左呢?4. $64.00三件o既火山卷
o黎到時,RL同VL都嘩一聲,咁大件.我話我指o左張相叫佢o地睇,VL話以為放大o左.
今次垂直放,我就睇得清楚有咩o野o係裡面,有蟹柳,豬肉鬆,甜蛋同一啲菜.同上次一樣,呢個食得好論盡,豬肉鬆同甜蛋都冇乜味,沙律醬多到鹹.
2.$44.00兩件o既花之戀
其實都只係三文魚加飯,沙律醬同蟹籽,都冇乜問題啦.9. $59.00o既鰻魚蛋飯
呢個放o左o係o度,我o地食唔切亦冇郁到.我o地應該食唔到,而我男友又就o黎放工,不如叫佢過o黎食.但又怕佢o黎到時,我o地要交枱.睇吓點先啦.最後,侍應冇叫我o地交枱,我男友過o黎,咁佢就o岩食啦,佢自己一個食晒,但都係多都食唔晒,只食到三份二.
而味道呢,可能真係攤o左好耐,已經凍o左影響o左變得好平淡.所以呢個都係唔評分,以示公正.
5-6. $56.00o既芝士焗美國珍寶蠔
同$62.00o既風味焗美國珍寶蠔
呢兩個係RL同VL食,原來風味焗美國珍寶蠔裡面有火腿,
有啲唔開心同冇乜胃口o既VL食唔晒.由於冇問佢o地覺得點,所以呢兩個都係唔評分.
2. $158.00o既細雜錦刺身船
落單時,女侍祇應話冇海膽,要加$49.00至畀加拿大海膽.咁佢o地話唔要喇.但之後VL問,其實如果唔加錢,唔要海膽,會用咩o野o黎填補?佢就問問,返o黎話用黃金魷魚.咁我o地個個都話OK,就要呢個.
o黎到,都OK多o野,刺身都幾新鮮,我冇食到北寄貝,墨魚同吞拿魚.
黃金魷魚只有我同RL食,我o地都覺得幾鹹,唔使蘸豉油食.
7. $24.00牛脷串一串
落單時女侍應問我o地要生啲定熟啲?我為免只想食一件o既VL接受唔到,所以叫熟啲.所以呢個有啲過o左火,口應實o左,味道都鹹o左啲.
服務:
落完單後,等o左好耐,食物就陸續咁上,差唔多一次過上晒,呢點好似唔係幾好.
都密密斟水,唔錯.
埋單時我畀上次送o既食滿$400.00當$100.00用o既coupon,個男經理好似冇見過,唔知自己公司有呢張coupon咁研究.
環境:
我o地坐o係上次我同男友o黎食時o既隔離o個張枱,都算OK.但唔知今晚係咪太多客,好嘈,我o地好難傾偈.
呢餐係$543.00,加埋一係$597.30,減返$100.00,即係$497.00
上次食評: http://www.openrice.com/restaurant/commentdetail.htm?commentid=2183324
张贴
