銀津點心茶餐廳

营业中

休息中

約左朋友晚飯傾計，朋友話唔想食大餐想簡單輕鬆啲！揀左哩間點心店，近朋友搭小巴回家😝😝😝黑松露脆皮鮮蝦腸，腸粉夠薄又滑，中間係脆脆同鮮蝦，唔會太heavy！👍🏾👍🏾👍🏾醬皇金錢肚，爽滑，又唔會太咸🤤🤤🤤竹絲雞花旗參燉湯夠哂足料，清甜好味😍😍😍到左我最鍾意食嘅燒賣，唔會有一大舊肥肉，正😍😍😍以前好鍾意叫灌湯餃，好耐冇食就叫下，又真係幾好味喎！☺️☺️見到哩款點心都諗唔到會係點嘅樣，黎到見到好似咸水角，食落又幾新奇得意喎😍😍☺️☺️流心芝麻西多士，超級流心😝😝😝😝😝兒時回憶嘅蓮蓉焗西米布甸，食到好多回憶🤤🤤🤤

喺旺角花園街呢度見到個咁光猛既燈牌, 非常吸睛, 埋去睇睇知道係食點心既茶餐廳, 本身鍾意去茶樓飲茶既我地, 緊係即刻入去食啦花旗參竹絲雞燉湯 - $48見到有燉湯可以叫, 叫番盅花旗參竹絲雞燉湯先, 非常清甜無味精, 而且湯料都好豐富, 可以食埋銀津蝦餃皇 - $32皮薄餡靚, 絕對唔會比茶樓既輸蝕, 而且佢價錢非常親民😍每粒蝦餃入面都起碼有2隻新鮮大蝦架😋樽仔奶茶 - $23近年都有好多茶餐廳用樽仔奶茶, 因為唔洗比d 冰粒沖淡晒奶茶既香滑味道, 而且可以減輕水吧部既工作量👍白灼唐生菜 - $20食點心都要食番d 菜中和下😂白灼夠晒健康👍好驚食d 菜好油膩瑤柱鮮蝦菜苗餃 - $25同蝦餃一樣既做法, 一樣見到非常皮薄餡靚, 薄到見到d 餡料😂每隻都一樣有2隻蝦同d 菜, 好爽👍布拉白腸粉 - $20即叫即蒸, 非常香滑👍但就冇得配埋麻醬海鮮醬一齊食, 有d 可惜黑芝麻流心西多士 - $25見到餐廳門口有呢款咁特別既西多士, 入面個餡係黑芝麻😍味道就好似食緊芝麻糊咁濃烈😋👍

我同老婆都好耐沒有坐底飲杯茶食個點心了，在旺角搭九龍城小巴果條街有間點心新開，見有套餐都幾抵，仲要比我地見到有"黑芝麻流心西多士"，無錯，黑芝麻不是好多地方都有得食，我見到雙眼發光，於事入去試下先。【花旗參竹絲雞燉湯】叫左個竹絲雞燉湯來試下，我太耐冇湯水補身，同不是好多地方有花旗參既湯水可以飲，一來到淡淡的花旗參香味衝出來，內裡都非常足料，一飲啖湯有非常濃郁花旗參香味仲帶點雞香味，不錯，極力推介!!【銀津蝦餃皇】蝦餃非常大粒，皮又不會過黏，內裡有啖啖爽口既蝦肉，不錯。【上湯魚翅灌湯餃】這個灌湯餃比我感覺好有懷舊味道，湯底非常清甜，配上魚翅灌湯餃，皮非常薄，肉裡包住蝦肉、冬菇等，仲有一梳娃娃菜，睇落非常飽滿，好耐都未試過灌湯餃。不錯。【醬皇金錢肚】味道非常濃郁，份量不小，金錢肚又不會過淋，口感適中。【黑芝麻流心西多士】流心西多終於來了，對我來說是一個甜品，熱辣辣既西多，黑芝麻已經爆流出來，切開之後仲流出濃濃既黑芝麻香，黑芝麻饀又不算太甜，假如鍾意食黑芝麻的朋友，這個極力推介!!